ਸਕਾਟਲੈਂਡ ਦੇ 90 ਸਾਲਾ ਦੌੜਾਕ ਨੇ 10 ਕਿਲੋਮੀਟਰ ਦੌੜ ’ਚ ਬਣਾਇਆ ਵਿਸ਼ਵ ਰਿਕਾਰ
ਗਲਾਸਗੋ, 21 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਸਕਾਟਲੈਂਡ ਦੇ ਉੱਤਰੀ ਲਨਾਰਕਸ਼ਾਇਰ ਦੇ ਕੰਬਰਨੌਲਡ ਕਸਬੇ ਦੇ ਵਾਸੀ 90 ਸਾਲਾ ਦੌੜਾਕ ਇਆਨ ਵਿਨਸ਼ਿਪ ਨੇ ਆਪਣੀ ਉਮਰ ਵਰਗ ’ਚ 10 ਕਿਲੋਮੀਟਰ ਦੌੜ ਦਾ ਵਿਸ਼ਵ ਰਿਕਾਰਡ ਬਣਾਉਣ ਦਾ ਮਾਣ ਹਾਸਲ ਕੀਤਾ ਹੈ। ਉਨ੍ਹਾਂ ਨੇ 13 ਸਤੰਬਰ ਨੂੰ ਕਰਵਾਈ ਗਈ ਕੰਬਰਨੌਲਡ 10 ਕਿਲੋਮੀਟਰ ਦੌੜ ਇਕ ਘੰਟਾ, ਚਾਰ ਮਿੰਟ ਤੇ 37 ਸਕਿੰਟ ’ਚ ਪੂਰੀ ਕੀਤੀ।
ਗਲਾਸਗੋ, 21 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਸਕਾਟਲੈਂਡ ਦੇ ਉੱਤਰੀ ਲਨਾਰਕਸ਼ਾਇਰ ਦੇ ਕੰਬਰਨੌਲਡ ਕਸਬੇ ਦੇ ਵਾਸੀ 90 ਸਾਲਾ ਦੌੜਾਕ ਇਆਨ ਵਿਨਸ਼ਿਪ ਨੇ ਆਪਣੀ ਉਮਰ ਵਰਗ ’ਚ 10 ਕਿਲੋਮੀਟਰ ਦੌੜ ਦਾ ਵਿਸ਼ਵ ਰਿਕਾਰਡ ਬਣਾਉਣ ਦਾ ਮਾਣ ਹਾਸਲ ਕੀਤਾ ਹੈ। ਉਨ੍ਹਾਂ ਨੇ 13 ਸਤੰਬਰ ਨੂੰ ਕਰਵਾਈ ਗਈ ਕੰਬਰਨੌਲਡ 10 ਕਿਲੋਮੀਟਰ ਦੌੜ ਇਕ ਘੰਟਾ, ਚਾਰ ਮਿੰਟ ਤੇ 37 ਸਕਿੰਟ ’ਚ ਪੂਰੀ ਕੀਤੀ। ਇਹ 90 ਸਾਲ ਉਮਰ ਵਰਗ ਦਾ ਸਰਬੋਤਮ ਸਮਾਂ ਰਿਕਾਰਡ ਕੀਤਾ ਗਿਆ ਹੈ। ਸਾਬਕਾ ਪੈਰਾਟਰੂਪਰ ਤੇ ਉੱਚੀਆਂ ਚਿਮਨੀਆਂ ਤੇ ਇਮਾਰਤਾਂ ਉੱਪਰ ਕੰਮ ਕਰਨ ਵਾਲੇ ਇਆਨ ਵਿਨਸ਼ਿਪ ਨੇ ਇਸ ਦੌੜ ’ਚ ਆਪਣੀ ਧੀ ਫਿਓਨਾ ਫਲੇਮਿੰਗ ਤੇ ਦੋਹਤੇ ਕਾਈਲ ਫਲੇਮਿੰਗ ਨਾਲ ਹਿੱਸਾ ਲਿਆ। ਇਸ ਤਰ੍ਹਾਂ ਪਰਿਵਾਰ ਦੀਆਂ ਤਿੰਨ ਪੀੜ੍ਹੀਆਂ ਇਕੱਠੀਆਂ ਦੌੜੀਆਂ। 26 ਸਾਲਾ ਕਾਈਲ ਨੇ ਦੌੜ ’ਚ ਤੀਜਾ ਸਥਾਨ ਪ੍ਰਾਪਤ ਕੀਤਾ ਤੇ ਕਿਹਾ ਕਿ ਉਸ ਦੇ ਨਾਨਾ ਹਮੇਸ਼ਾ ਉਸ ਲਈ ਪ੍ਰੇਰਣਾ ਰਹੇ ਹਨ।
