ਸਕਾਟਿਸ਼ ਲੇਬਰ ਪਾਰਟੀ ਦੇ ਸਾਬਕਾ ਪ੍ਰਧਾਨ ਅਨਸ ਸਰਵਰ ਨੇ ਹਾਊਸ ਆਫ਼ ਲਾਰਡਜ਼ ਵਿਚ ਸੀਟ ਸੰਭਾਲੀ
ਗਲਾਸਗੋ, 3 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ ਪੁਆਦੜਾ)-ਸਕਾਟਿਸ਼ ਲੇਬਰ ਪਾਰਟੀ ਦੇ ਸਾਬਕਾ ਪ੍ਰਧਾਨ ਅਨਸ ਸਰਵਰ ਨੇ ਵੀਰਵਾਰ ਨੂੰ ਬਰਤਾਨੀਆ ਦੀ ਸੰਸਦ ਦੇ ਉਪਰਲੇ ਸਦਨ ਹਾਊਸ ਆਫ਼ ਲਾਰਡਜ਼ ਵਿੱਚ ਰਸਮੀ ਤੌਰ ’ਤੇ ਆਪਣੀ ਸੀਟ ਸੰਭਾਲ ਲਈ। ਸਕਾਟਲੈਂਡ ਵਿੱਚ ਪੰਜ ਸਾਲ ਤੋਂ ਵੱਧ ਪਾਰਟੀ ਦੀ ਅਗਵਾਈ ਕਰਨ ਵਾਲੇ 43 ਸਾਲਾ ਸਰਵਰ ਨੇ ਰਵਾਇਤੀ ਲਾਲ ਚੋਗੇ ਪਹਿਨ ਕੇ ਬਾਦਸ਼ਾਹ ਪ੍ਰਤੀ ਵਫ਼ਾਦਾਰੀ ਦੀ ਸਹੁੰ ਚੁੱਕੀ।
ਗਲਾਸਗੋ, 3 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ ਪੁਆਦੜਾ)-ਸਕਾਟਿਸ਼ ਲੇਬਰ ਪਾਰਟੀ ਦੇ ਸਾਬਕਾ ਪ੍ਰਧਾਨ ਅਨਸ ਸਰਵਰ ਨੇ ਵੀਰਵਾਰ ਨੂੰ ਬਰਤਾਨੀਆ ਦੀ ਸੰਸਦ ਦੇ ਉਪਰਲੇ ਸਦਨ ਹਾਊਸ ਆਫ਼ ਲਾਰਡਜ਼ ਵਿੱਚ ਰਸਮੀ ਤੌਰ ’ਤੇ ਆਪਣੀ ਸੀਟ ਸੰਭਾਲ ਲਈ। ਸਕਾਟਲੈਂਡ ਵਿੱਚ ਪੰਜ ਸਾਲ ਤੋਂ ਵੱਧ ਪਾਰਟੀ ਦੀ ਅਗਵਾਈ ਕਰਨ ਵਾਲੇ 43 ਸਾਲਾ ਸਰਵਰ ਨੇ ਰਵਾਇਤੀ ਲਾਲ ਚੋਗੇ ਪਹਿਨ ਕੇ ਬਾਦਸ਼ਾਹ ਪ੍ਰਤੀ ਵਫ਼ਾਦਾਰੀ ਦੀ ਸਹੁੰ ਚੁੱਕੀ। ਇਸ ਮੌਕੇ ਬੈਰੋਨੈੱਸ ਹੈਲਨ ਲਿਡਲ ਅਤੇ ਲਾਰਡ ਜਾਰਜ ਰੌਬਰਟਸਨ ਉਨ੍ਹਾਂ ਦੇ ਨਾਲ ਸਨ। ਉਹ ਹੁਣ ਲਾਰਡ ਸਰਵਰ ਵਜੋਂ ਜਾਣੇ ਜਾਣਗੇ। ਸਰਵਰ ਨੇ ਜੁਲਾਈ ਵਿੱਚ ਇਸ ਕਰਕੇ ਹੀ ਸਕਾਟਿਸ਼ ਲੇਬਰ ਪਾਰਟੀ ਦੀ ਲੀਡਰਸ਼ਿਪ ਅਤੇ ਸਕਾਟਿਸ਼ ਸੰਸਦ ਮੈਂਬਰ ਦੀ ਸੀਟ ਛੱਡ ਦਿੱਤੀ ਸੀ। ਉਨ੍ਹਾਂ ਨੂੰ ਪੀਅਰ(ਹਾਉਸ ਆਫ ਲਾਰਡਜ ਦਾ ਮੈਂਬਰ) ਬਣਾਉਣ ਦੇ ਨਾਲ ਯੂਕੇ ਸਰਕਾਰ ਵਿੱਚ ਵਪਾਰ ਮੰਤਰੀ ਨਿਯੁਕਤ ਕੀਤਾ ਗਿਆ ਹੈ। ਸਰਵਰ ਨੇ ਕਿਹਾ ਕਿ ਦੇਸ਼ ਦੀ ਸੇਵਾ ਕਰਨ ਦਾ ਇਹ ਮੌਕਾ ਸਵੀਕਾਰ ਕਰਨਾ ਉਨ੍ਹਾਂ ਲਈ ਮਾਣ ਦੀ ਗੱਲ ਹੈ।
