ਜਨਾਬ ਜੋਸ਼ ਮਲੀਹਾਬਾਦੀ ਅਤੇ ਹਫੀਜ਼ ਜਲੰਧਰੀ 'ਚ ਸ਼ੁਰੂ ਤੋਂ ਹੀ ਅਦਬੀ ਤੂੰ-ਤੂੰ ਮੈਂ-ਮੈਂ ਚੱਲ ਰਹੀ ਸੀ | ਜੋਸ਼ ਸਾਹਿਬ ਦੇ ਪਾਕਿਸਤਾਨ ਚਲੇ ਜਾਣ ਤੋਂ ਬਾਅਦ ਇਹ ਆਪਸੀ ਰੰਜਿਸ਼ ਹੋਰ ਵਧ ਗਈ |
ਇਕ ਮੁਸ਼ਾਇਰੇ 'ਚ ਜਨਾਬ ਜੋਸ਼ ਮਲੀਹਾਬਾਦੀ ਅਤੇ ਹਫੀਜ਼ ਜਲੰਧਰੀ ਦੋਵਾਂ ਨੂੰ ਬੁਲਾਇਆ ਗਿਆ | ਪ੍ਰਬੰਧਕਾਂ ਨੇ ਫੈਸਲਾ ਕੀਤਾ ਕਿ ਦੋਵਾਂ ਦੀਆਂ ਸੀਟਾਂ ਰੇਲ ਦੇ ਵੱਖ-ਵੱਖ ਡੱਬਿਆਂ ਵਿਚ ਰਿਜ਼ਰਵ ਕਰਵਾਈਆਂ ਜਾਣ | ਇਕ ਬੰਦੇ ਨੇ ਪੁੱਛਿਆ ਕਿ ਤੁਹਾਨੂੰ ਇਹ ਡਰ ਹੈ ਕਿ ਕਿਤੇ ਦੋਵਾਂ ਵਿਚ ਝਗੜਾ ਨਾ ਹੋ ਜਾਵੇ | ਪ੍ਰਬੰਧਕ ਅਜੇ ਇਸ ਦਾ ਜਵਾਬ ਦੇ ਨਹੀਂ ਸਕੇ ਸੀ ਕਿ ਕੋਲ ਖੜ੍ਹੇ ਸ਼ਾਇਰ ਜਨਾਬ ਇਬਨੇ ਇਨਸ਼ਾ ਬੋਲ ਪਏ | ਮੇਰੇ ਖਿਆਲ ਵਿਚ ਖਤਰਾ ਇਹ ਲੱਗ ਰਿਹਾ ਹੈ ਕਿ ਦੋਵਾਂ ਵਿਚਕਾਰ ਕਿਤੇ ਸੁਲਾਹ ਨਾ ਹੋ ਜਾਵੇ |
-ਜੇਠੀ ਨਗਰ, ਮਾਲੇਰਕੋਟਲਾ ਰੋਡ, ਖੰਨਾ-141401 (ਪੰਜਾਬ)
ਮੋਬਾਈਲ : 94170-91668
