ਬਰਨਾਲਾ, 3 ਅਪ੍ਰੈਲ (ਅਸ਼ੋਕ ਭਾਰਤੀ)-ਆਰੀਆਭੱਟ ਗਰੁੱਪ ਆਫ਼ ਇੰਸਟੀਚਿਊਟਸ ਬਰਨਾਲਾ ਦਾ ਐਮ.ਬੀ.ਏ. ਪਹਿਲੇ ਸਮੈਸਟਰ ਅਤੇ ਤੀਜੇ ਸਮੈਸਟਰ ਦਾ ਨਤੀਜਾ ਸ਼ਾਨਦਾਰ ਰਿਹਾ | ਇਹ ਜਾਣਕਾਰੀ ਸੰਸਥਾ ਦੇ ਡਾਇਰੈਕਟਰ ਡਾ: ਅਜੈ ਮਿੱਤਲ ਨੇ ਦਿੱਤੀ ਤੇ ਦੱਸਿਆ ਕਿ ਪਹਿਲੇ ਸਮੈਸਟਰ ਵਿਚੋਂ ਵਿਦਿਆਰਥਣ ਜਸ਼ਨਦੀਪ ਕੌਰ ਨੇ ਐੱਸ.ਜੀ.ਪੀ.ਏ. 8.33 ਅੰਕ ਲੈ ਕੇ ਪਹਿਲਾ, ਜੰਨਤ ਖੁਰਮੀ ਨੇ ਐੱਸ.ਜੀ.ਪੀ.ਏ. 8.17 ਅੰਕ ਲੈ ਕੇ ਦੂਜਾ, ਮਾਨਸੀ ਗੋਇਲ ਨੇ ਐੱਸ.ਜੀ.ਪੀ.ਏ. 8.08 ਅੰਕ ਲੈ ਕੇ ਤੀਜਾ ਸਥਾਨ ਹਾਸਲ ਕੀਤਾ | ਤੀਜੇ ਸਮੈਸਟਰ ਵਿਚੋਂ ਵਿਦਿਆਰਥਣ ਨਵਰੀਤ ਸ਼ਰਮਾ ਤੇ ਪਿ੍ਯੰਕਾ ਸਿੰਗਲਾ ਨੇ ਐੱਸ.ਜੀ.ਪੀ.ਏ. 8.46 ਅੰਕ ਲੈ ਕੇ ਪਹਿਲਾ, ਜਸਪਿੰਦਰ ਕੌਰ ਨੇ ਐੱਸ.ਜੀ.ਪੀ.ਏ. 8.38 ਅੰਕ ਲੈ ਕੇ ਦੂਜਾ, ਵੀਰਪਾਲ ਕੌਰ ਨੇ ਐੱਸ.ਜੀ.ਪੀ.ਏ. 8.08 ਅੰਕ ਲੈ ਕੇ ਤੀਜਾ ਸਥਾਨ ਲਿਆ | ਇਸ ਸ਼ਾਨਦਾਰ ਪ੍ਰਾਪਤੀ 'ਤੇ ਸੰਸਥਾ ਦੇ ਚੇਅਰਮੈਨ ਇੰਜ: ਰਾਕੇਸ਼ ਗੁਪਤਾ, ਡਾਇਰੈਕਟਰ ਡਾ: ਅਜੈ ਮਿੱਤਲ, ਡੀਨ ਅਕਾਦਮਿਕ ਡਾ: ਭਾਵੇਤ ਗਰਗ ਅਤੇ ਮੈਨੇਜਮੈਂਟ ਵਿਭਾਗ ਦੇ ਮੁਖੀ ਡਾ: ਜਸ਼ਨ ਜੋਤ ਨੇ ਹੋਣਹਾਰ ਵਿਦਿਆਰਥੀਆਂ ਤੇ ਸਟਾਫ਼ ਨੂੰ ਵਧਾਈ ਦਿੱਤੀ |
