ਸਵਾਮੀ ਗੰਗਾ ਨੰਦ ਜੀ ਭੂਰੀ ਵਾਲਿਆਂ ਦੀ ਬਰਸੀ ਮੌਕੇ ਸਾਧੂ-ਸਾਧਵੀਆਂ ਲਈ ਲੰਗਰਾਂ ਦੀ ਸੇਵਾ ਆਸ਼ਰਮ ਭੂਰੀ ਵਾਲੇ ਛਤਰੀ ਸਾਹਿਬ ਵਿਖੇ ਧਾਰਮਿਕ ਸਮਾਗਮਾਂ ਦੀ ਪੂਰਨ ਆਹੂਤੀ ਅੱਜ

ਅ

ਅਜੀਤ ਡੈਸਕ 06-09-2026

ਮੁੱਲਾਂਪੁਰ-ਦਾਖਾ, 5 ਸਤੰਬਰ (ਨਿਰਮਲ ਸਿੰਘ ਧਾਲੀਵਾਲ)- ਗਰੀਬਦਾਸੀ ਸੰਪਰਦਾਇ ਦੇ ਆਸ਼ਰਮ ਭੂਰੀ ਵਾਲੇ ਤਲਵੰਡੀ ਖੁਰਦ (ਲੁਧਿ:) ਛਤਰੀ ਸਾਹਿਬ ਵਿਖੇ ਸੰਪਰਦਾਇ ਦੇ ਬ੍ਰਹਮਲੀਨ ਸਵਾਮੀ ਗੰਗਾ ਨੰਦ ਭੂਰੀ ਵਾਲਿਆਂ ਦੀ ਸ਼ਲਾਨਾ ਬਰਸ਼ੀ ਮੌਕੇ ਵੱਖੋ-ਵੱਖ ਇਲਾਕਿਆ ’ਚ ਪਹੁੰਚੇ ਰਮਤਾ ਸਾਧੂ, ਸਾਧਵੀਆ ਲਈ ਅੰਨ-ਭੰਡਾਰ ਲੰਗਰਾਂ ਦੀ ਉੱਚਿਤ ਸੇਵਾ ਹੋਈ। ਛਤਰੀ ਸਾਹਿਬ ਨਜਦੀਕ ਖੁੱਲ੍ਹੇ ਪੰਡਾਲ ’ਚ ਮਹਾਤਮਾ ਲੋਕਾਂ ਨੂੰ ਲੰਗਰ ਛਕਾਉਣ ਉਪਰੰਤ ਸੰਪਰਦਾਇ ਮੁਖੀ ਸਵਾਮੀ ਸ਼ੰਕਰਾ ਨੰਦ ਭੂਰੀ ਵਾਲੇ, ਸਵਾਮੀ ਓਮਾ ਨੰਦ, ਸਵਾਮੀ ਹੰਸਾ ਨੰਦ ਗੰਗੋਤਰੀ ਨਾਲ ਵੱਡੀ ਤਾਦਾਦ ਸ਼ਰਧਾਲੂਆਂ ਵਲੋਂ ਸਾਧੂ ਮੰਡਲੀ ਨੂੰ ਬਸਤਰ ਭੇਟ ਕੀਤੇ ਗਏ। ਸਾਧੂ ਮੰਡਲੀ ਵਲੋਂ ਉੱਚੀ ਸੁਰ ’ਚ ਅੰਨ ਹੀ ਕਾਯਾ, ਅੰਨ ਹੀ ਮਾਯਾ, ਅੰਨ ਹੀ ਸਰਵ ਲੋਕ ਮੇ ਰਾਯਾ। ਅੰਨ ਹੀ ਦਾਤਾ ਅੰਨ ਹੀ ਭੁਗਤਾ, ਸਰਵ ਲੋਕ ਮੈਂ ਅੰਨ ਹੀ ਜੁਗਤਾ॥ ਅਚਾਰੀਆ ਸ਼੍ਰੀ ਗਰੀਬਦਾਸ ਜੀ ਦੀ ਬਾਣੀ ’ਚ ਪੰਗਤੀਆ ਦਾ ਉਚਾਰਣ ਕਰਦਿਆਂ (ਅਬ ਅੰਨ ਦੇਵ ਕੀ ਬੜੀ ਆਰਤੀ) ਉਤਾਰੀ ਗਈ। ਸਵਾਮੀ ਗੰਗਾ ਨੰਦ ਭੂਰੀ ਵਾਲਿਆਂ ਦੀ ਸ਼ਲਾਨਾ ਬਰਸੀ ਨੂੰ ਸਮਰਪਿਤ ਜਗਤ ਗੁਰੂ ਬਾਬਾ ਗਰੀਬ ਦਾਸ ਜੀ ਦੀ ਬਾਣੀ (ਛਤਰੀ ਸਾਹਿਬ) ਵਿਖੇ ਪਾਠਾਂ ਦੀ ਲੜੀ ਨਿਰੰਤਰ ਜਾਰੀ ਹੈ। ਇਸ ਧਾਰਮਿਕ ਸਮਾਗਮ ਦੇ ਚੱਲਦਿਆ ਪੂਰੇ ਮੰਚ ਦਾ ਸੰਚਾਲਨ ਕੁਲਵਿੰਦਰ ਸਿੰਘ ਡਾਂਗੋ ਵਲੋਂ ਕੀਤਾ ਗਿਆ। ਸੰਤ ਮਨਪ੍ਰੀਤ ਸਿੰਘ ਫਰੀਦਕੋਟ, ਸੰਤ ਬੱਗਾ ਸਿੰਘ ਨਾਨਕਸਰ ਠਾਠ ਬਿਰਕ, ਸੰਤ ਹਰਸਿਮਰਨ ਸਿੰਘ ਹੀਰਾਂ ਵਾਲੇ, ਸੰਤ ਸੁਖਵਿੰਦ ਸਿੰਘ ਜੈਪੁਰਾ, ਸਵਾਮੀ ਓਮਾ ਨੰਦ, ਸਵਾਮੀ ਹੰਸਾ ਨੰਦ, ਸਵਾਮੀ ਬਲਦੇਵ ਦਾਸ ਵਲੋਂ ਸ਼ਬਦ ਕੀਰਤਨ, ਕਥਾਂ ਦੀ ਵਿਚਾਰ ਨਾਲ ਸੰਗਤ ਨੂੰ ਨਿਹਾਲ ਕੀਤਾ। ਅੱਜ ਰਾਤ ਸਰਬ-ਧਰਮ, ਕੀਰਤਨ ਦਰਬਾਰ ਉਪਰੰਤ ਐਤਵਾਰ 6 ਸਤੰਬਰ ਪਾਠਾਂ ਦੇ ਭੋਗ ਉਪਰੰਤ ਭੂਰੀ ਵਾਲੇ ਆਸ਼ਰਮ ਤਲਵੰਡੀ ਖੁਰਦ (ਛਤਰੀ ਸਾਹਿਬ) ਵਿਖੇ ਕੀਰਤਨ ਦਰਬਾਰ ਹੋਵੇਗਾ। ਇਕ ਹਫਤਾ ਨਿਰੰਤਰ ਜਾਰੀ ਰਹੇ ਧਾਰਮਿਕ ਸਮਾਗਮਾਂ ਦੀ ਬਾਅਦ ਦੁਪਹਿਰ ਪੂਰਨ ਅਹੂਤੀ ਹੋਵੇਗੀ।

ਪਿਛਲੀ ਖ਼ਬਰ ਮਾਮਲਾ: ਬਿਜਲੀ ਦੇ ਲੱਗ ਰਹੇ ਲੰਬੇ ਪਾਵਰ ਕੱਟਾਂ ਦਾ ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਨੇ ਪਾਵਰਕਾਮ ਲਲਤੋਂ ਕਲਾਂ ਦੇ ਐਕਸੀਅ... ਅਗਲੀ ਖ਼ਬਰ ਸਾਂਝੀ ਕੋਆਰਡੀਨੇਸ਼ਨ ਕਮੇਟੀ ਅਤੇ ਮੁਲਾਜ਼ਮ ਪੈਨਸ਼ਨਰ ਸਾਂਝਾ ਫਰੰਟ ਪੰਜਾਬ ਵਲੋਂ ਅੇੈਲਾਨੇ ਪ੍ਰੋਗਰਾਮਾਂ ਤੇ ਅਮਲ ਕਰਾਂਗੇ-ਦੁਬਰ...

ਸੰਬੰਧਿਤ ਖ਼ਬਰਾਂ