ਗੋਨਿਆਣਾ ’ਚ ਧੂਮਧਾਮ ਨਾਲ ਮਨਾਈ ਗਈ ਜਨਮ ਅਸ਼ਟਮੀ
ਗੋਨਿਆਣਾ , 5 ਸਤੰਬਰ ( ਲਛਮਣ ਦਾਸ ਗਰਗ )- ਸਥਾਨਕ ਸ਼੍ਰੀ ਦੁਰਗਾ ਮੰਦਰ ਵਿਖੇ ਕ੍ਰਿਸ਼ਨ ਜਨਮ ਅਸ਼ਟਮੀ ਉਤਸਵ ਸ਼੍ਰੀ ਦੁਰਗਾ ਮੰਦਰ ਕਮੇਟੀ ਵਲੋਂ ਸਮੂਹ ਸੰਸਥਾਵਾਂ ਤੇ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਮਨਾਇਆ ਗਿਆ । ਮੰਦਰ ਨੂੰ ਉਚੇਚੇ ਤੌਰ ’ ਤੇ ਸਜਾਇਆ ਗਿਆ ਸੀ ।
ਸ਼
ਸ਼੍ਰੀ ਦੁਰਗਾ ਮੰਦਰ ਵਿਖੇ ਸ਼੍ਰੀ ਕ੍ਰਿਸਨ ਜਨਮ ਅਸ਼ਟਮੀ ਮੌਕੇ ਨੰਨ੍ਹੇ ਬੱਚੇ ਕੋਰੀਓਗ੍ਰਾਫ਼ੀ ਪੇਸ਼ ਕਰਦੇ ਹੋਏ। ਤਸਵੀਰ: ਲਛਮਣ ਦਾਸ ਗਰਗ
06-09-2026
ਗੋਨਿਆਣਾ , 5 ਸਤੰਬਰ ( ਲਛਮਣ ਦਾਸ ਗਰਗ )- ਸਥਾਨਕ ਸ਼੍ਰੀ ਦੁਰਗਾ ਮੰਦਰ ਵਿਖੇ ਕ੍ਰਿਸ਼ਨ ਜਨਮ ਅਸ਼ਟਮੀ ਉਤਸਵ ਸ਼੍ਰੀ ਦੁਰਗਾ ਮੰਦਰ ਕਮੇਟੀ ਵਲੋਂ ਸਮੂਹ ਸੰਸਥਾਵਾਂ ਤੇ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਮਨਾਇਆ ਗਿਆ । ਮੰਦਰ ਨੂੰ ਉਚੇਚੇ ਤੌਰ ’ ਤੇ ਸਜਾਇਆ ਗਿਆ ਸੀ । ਇਸ ਮੌਕੇ ਗੁਰੂ ਰਾਮ ਦਾਸ ਪਬਲਿਕ ਸਕੂਲ ਦੇ ਨੰਨ੍ਹੇ ਮੁਨ੍ਹੇ ਬੱਚਿਆਂ ਵਲੋਂ ਸ਼੍ਰੀ ਕ੍ਰਿਸ਼ਨ ਦੀਆਂ ਲੀਲ੍ਹਾ ਵੀ ਪੇਸ਼ ਕੀਤੀਆਂ ਗਈਆਂ । ਸ਼੍ਰੀ ਕ੍ਰਿਸ਼ਨ ਦਾ ਸਵਰੂਪ ਫੁੱਲਾਂ ਨਾਲ ਸਜਾਏ ਪਲੂੰਘੜੇ ਵਿੱਚ ਸੁਸ਼ੋਭਿਤ ਕੀਤਾ ਗਿਆ ਤੇ ਸ਼ਰਧਾਲੂਆਂ ਨੇ ਸ਼੍ਰੀ ਕ੍ਰਿਸ਼ਨ ਜੀ ਦੇ ਦਰਸ਼ਨ ਕੀਤੇ । ਪ੍ਰੋਗਰਾਮ ਦੌਰਾਨ ਗੁਰਦੁਆਰਾ ਟਿਕਾਣਾ ਭਾਈ ਜਗਤਾ ਜੀ ਦੇ ਮਹੰਤ ਬਾਬਾ ਕਾਹਨ ਸਿੰਘ ਸੇਵਾ ਪੰਥੀ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ । ਇਸ ਦੌਰਾਨ ਮੰਦਰ ਪੁਜਾਰੀ ਘਨਸ਼ਾਮ ਦਾਸ ਤ੍ਰਿਪਾਠੀ ’ ਤੇ ਕਮੇਟੀ ਮੈਂਬਰਾਂ ਵਲੋਂ ਦੁਰਗਾ ਮੰਦਰ ਕਮੇਟੀ ਪ੍ਰਧਾਨ ਰਾਮੇਸ਼ ਕੁਮਾਰ ਮੱਟੂ ਦੀ ਅਗਵਾਈ ਵਿਚ ਮਹੰਤ ਬਾਬਾ ਕਾਹਨ ਸਿੰਘ ਸੇਵਾ ਪੰਥੀ ਜੀ ਦਾ ਸਨਮਾਨ ਕਰਦਿਆਂ ਸੋਲ ਭੇਂਟ ਕੀਤੀ ਗਈ । ਰਾਤ 12 ਵਜੇ ਮੰਦਰ ਪੁਜਾਰੀ ਘਨਸ਼ਾਮ ਦਾਸ ਤ੍ਰਿਪਾਠੀ ਵਲੋਂ ਭੋਗ ਲਗਾਇਆ ਗਿਆ । ਭੋਗ ਉਪਰੰਤ ਸੰਗਤਾਂ ਨੂੰ ਮੱਖਣ ਮਿਸਰੀ ਅਤੇ ਫਲਾਂ ਦਾ ਪ੍ਰਸ਼ਾਦ ਵਰਤਾਇਆ ਗਿਆ । ਸਥਾਨਕ ਗਊ ਸੇਵਾ ਟੀਮ ਵਲੋਂ ਅਮਨ ਗੋਇਲ ਤੇ ਵਿਪਨ ਚੀਕੂ ਦੀ ਅਗਵਾਈ ਵਿਚ ਕੜੀ ਚਾਵਲਾਂ ਦਾ ਲੰਗਰ ਲਗਾਇਆ ਗਿਆ । ਇਸ ਮੌਕੇ ਬਲਕਾਰ ਸਿੰਘ ਬਰਾੜ ਸੂਬਾਈ ਮੀਤ ਪ੍ਰਧਾਨ ਸ਼ਅਦ ( ਬਾਦਲ ), ਰਾਕੇਸ਼ ਕੁਮਾਰ ਰੋਮਾ ਪ੍ਰਧਾਨ ਨਗਰ ਕੌਂਸਲ , ਮਨਪ੍ਰੀਤ ਸਿੰਘ ਪੀਤਾ ਸੀਨੀਅਰ ਉੱਪ ਪ੍ਰਧਾਨ , ਸੰਦੀਪ ਕੁਮਾਰ ਬਿੰਟਾ ਉੱਪ ਪ੍ਰਧਾਨ , ਰਜਨੀਸ਼ ਰਾਜੂ ਚੇਅਰਮੈਨ ਅਗਰਵਾਲ ਵੈੱਲਫੇਅਰ ਬੋਰਡ , ਹਰਸਿਮਰਨ ਸਿੰਘ ਆਮ ਆਦਮੀ ਪਾਰਟੀ ਆਗੂ , ਪ੍ਰੇਮ ਕੁਮਾਰ ਪ੍ਰੇਮਾ , ਐਸ . ਕੇ . ਗੋਰਵਰ , ਰਜਿੰਦਰ ਕੁਮਾਰ ਬਿੰਦਰ , ਰਵੀ ਸ਼ਰਮਾ ਆਦਿ ਤੋਂ ਇਲਾਵਾ ਸਮੂਹ ਸੰਸਥਾਵਾਂ ਦੇ ਵਰਕਰਾਂ ਸ਼ਹਿਰ ਵਾਸੀਆਂ ਨੇ ਭਗਵਾਨ ਸ਼੍ਰੀ ਕ੍ਰਿਸ਼ਨ ਦਾ ਅਸ਼ੀਰਵਾਦ ਲਿਆ । ਇਸ ਦੌਰਾਨ ਮਾਤਾ ਸੀਤਲਾ ਮੰਦਰ ਕਮੇਟੀ ਵਲੋਂ ਸ਼੍ਰੀ ਕ੍ਰਿਸ਼ਨ ਜਨਮ ਉਤਸਵਰ ਨਾਲ ਸੰਬੰਧਤ ਝਾਕੀਆਂ ਤੋਂ ਇਲਾਵਾ ਮੱਟਕੀ ਤੋੜਣ ਦਾ ਪ੍ਰੋਗਰਾਮ ਵੀ ਕਰਵਾਇਆ ਗਿਆ ।
