ਫਿਰੋਜ਼ਪੁਰ, 3 ਅਪ੍ਰੈਲ (ਸੁਖਵਿੰਦਰ ਸਿੰਘ)-ਪੁਲਿਸ ਨੇ ਜੇਲ੍ਹ ਅੰਦਰ ਨਸ਼ਾ ਸੁੱਟਣ ਦੀ ਤਾਕ ਵਿਚ ਖੜ੍ਹਾ ਨੌਜਵਾਨ 75 ਪੁੜੀਆਂ ਜਰਦਾ (ਤੰਬਾਕੂ), 50 ਨਸ਼ੀਲੇ ਕੈਪਸੂਲ ਅਤੇ ਇਕ ਮੋਬਾਈਲ ਫੋਨ ਸਮੇਤ ਕਾਬੂ ਕੀਤਾ ਗਿਆ ਹੈ | ਸਿਟੀ ਥਾਣਾ ਦੇ ਐਸ.ਆਈ ਸੁਖਦੇਵ ਸਿੰਘ ਨੇ ਦੱਸਿਆ ਹੈ ਕਿ ਦੌਰਾਨ-ਏ-ਗਸ਼ਤ ਇਤਲਾਹ ਮਿਲੀ ਕਿ ਇਕ ਨੌਜਵਾਨ ਜੋ ਜੇਲ੍ਹ ਦੀ ਬੈਕ ਸਾਈਡ ਬਣੇ ਗਰਾਊਾਡ ਵਿਚ ਖੜ੍ਹਾ ਹੈ | ਜਿਸ ਕੋਲ ਇਕ ਪਿੱਠੂ ਬੈਗ ਵਿਚ ਜਰਦਾ (ਤੰਬਾਕੂ) ਅਤੇ ਕੈਪਸੂਲ ਪਾਏ ਹੋਏ ਹਨ ਜੋ ਆਪਣੇ ਸਾਥੀਆਂ ਹਵਾਲਾਤੀ ਜੋ ਜੇਲ੍ਹ ਅੰਦਰ ਬੰਦ ਹਨ, ਨੂੰ ਦੇਣ ਵਾਸਤੇ ਜੇਲ੍ਹ ਅੰਦਰ ਸੁੱਟਣ ਦੀ ਤਿਆਰੀ ਕਰ ਰਿਹਾ ਹੈ | ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਛਾਪੇਮਾਰੀ ਦੌਰਾਨ ਸ਼ਮਸ਼ੇਰ ਸਿੰਘ ਉਰਫ਼ ਸ਼ੈਰੀ ਪੁੱਤਰ ਸੁਖਚੈਨ ਸਿੰਘ ਵਾਸੀ ਬਸਤੀ ਨਿਜ਼ਾਮਦੀਨ ਵਾਲੀ ਥਾਣਾ ਸਦਰ ਫਿਰੋਜ਼ਪੁਰ ਨੂੰ ਪਿੱਠੂ ਬੈਗ ਸਮੇਤ ਕਾਬੂ ਕੀਤਾ ਅਤੇ ਤਲਾਸ਼ੀ ਦੌਰਾਨ ਪਿੱਠੂ ਬੈਗ ਦੇ ਵਿਚੋਂ 75 ਪੁੜੀਆਂ ਜਰਦਾ (ਤੰਬਾਕੂ),50 ਕੈਪਸੂਲ ਬਰਾਮਦ ਹੋਏ | ਪੁਲਿਸ ਨੇ ਉਕਤ ਨੌਜਵਾਨ ਨੂੰ ਨਸ਼ਾ ਅਤੇ ਇਕ ਮੋਬਾਈਲ ਫੋਨ ਸਮੇਤ ਕਾਬੂ ਕਰਕੇ ਸਿਟੀ ਥਾਣਾ ਫਿਰੋਜ਼ਪੁਰ ਵਿਚ ਮਾਮਲਾ ਦਰਜ ਕੀਤਾ ਹੈ |
