ਯੋਗੇਸ਼ ਗਰਗ ਨੇ ਥਾਣਾ ਮੁਖੀ ਚੀਮਾ ਵਜੋਂ ਸੰਭਾਲਿਆ ਅਹੁਦਾ

ਚੀਮਾ ਮੰਡੀ, 7 ਸਤੰਬਰ (ਗੁਰਜੀਤ ਸਿੰਘ ਚਹਿਲ) - ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਪਿੰਡ ਸ਼ੇਰੋ ਆਮਦ ਸਮੇਂ ਕਾਲਾ ਝੰਡਾ ਵਿਖਾ ਕੇ ਸ਼ਾਤਮਈ ਰੋਸ ਪ੍ਰਦਰਸ਼ਨ ਕਰਨ ਵਾਲੇ ਨੌਜਵਾਨ ਮੋਹਨਜੀਤ ਸਿੰਘ ਸ਼ੇਰੋ ਦੀ ਪੁਲਿਸ ਵਲੋਂ ਕੀਤੀ ਗਈ ਕੁੱਟਮਾਰ ਕਾਰਨ ਚਰਚਾ ‘ਚ ਆਏ ਥਾਣਾ ਚੀਮਾ ਮੰਡੀ ਦੇ ਮੁਖੀ ਬਲਜੀਤ ਸਿੰਘ ਦੇ ਪੁਲਿਸ ਲਾਈਨ ਸੰਗਰੂਰ ਵਿਖੇ ਕੀਤੇ ਤਬਾਦਲੇ ਤੋਂ ਬਾਅਦ ਥਾਣਾ ਚੀਮਾ ਮੰਡੀ ਵਿਖੇ ਯੋਗੇਸ਼ ਗਰਗ ਨੇ ਨਵੇਂ ਥਾਣਾ ਮੁਖੀ ਵਜੋਂ ਆਪਣਾ ਅਹੁਦਾ ਸੰਭਾਲ ਲਿਆ ਹੈ। ਯੋਗੇਸ਼ ਗਰਗ ਇਸ ਤੋਂ ਪਹਿਲਾਂ ਥਾਣਾ ਸਿਟੀ ਖਨੌਰੀ ਵਿਖੇ ਥਾਣਾ ਮੁਖੀ ਵਜੋਂ ਆਪਣੀਆਂ ਸੇਵਾਵਾਂ ਨਿਭਾਅ ਰਹੇ ਸਨ ।