ਜੇਲ੍ਹ ਕਰਮਚਾਰੀ ਗੁਰਪ੍ਰੀਤ ਬਾਠ ਨੇ ਮਾਊਂਟ ਯੂਨਾਮ ’ਤੇ ਲਹਿਰਾਇਆ ਤਿਰੰਗਾ

ਧੂਰੀ, 27 ਸਤੰਬਰ (ਲਖਵੀਰ ਸਿੰਘ ਧਾਂਦਰਾ) - ਪੰਜਾਬ ਜੇਲ੍ਹ ਵਿਭਾਗ ਵਿਚ ਸਬ-ਜੇਲ੍ਹ ਮਲੇਰਕੋਟਲਾ ਵਿਖੇ ਤਾਇਨਾਤ ਧੂਰੀ ਦੇ ਗੁਰਪ੍ਰੀਤ ਬਾਠ ਨੇ ਆਪਣੇ ਦ੍ਰਿੜ੍ਹ ਇਰਾਦੇ ਤੇ ਜਜ਼ਬੇ ਦੇ ਨਾਲ ਜੇਲ੍ਹ ਵਿਭਾਗ ਤੇ ਦੇਸ਼ ਦਾ ਨਾਮ ਇੱਕ ਵਾਰ ਫਿਰ ਰੌਸ਼ਨ ਕੀਤਾ ਹੈ। ਜੇਲ੍ਹ ਕਰਮਚਾਰੀ ਗੁਰਪ੍ਰੀਤ ਬਾਠ ਨੇ ਮਾਊਂਟ ਯੂਨਾਮ (20,249 ਫੁੱਟ) ’ਤੇ ਤਿਰੰਗਾ ਫਹਿਰਾਇਆ, ਗੁਰਪ੍ਰੀਤ ਬਾਠ ਨੇ ਦੱਸਿਆ ਕਿ ਇਸ ਚੋਟੀ ’ਤੇ ਉਨ੍ਹਾਂ 20 ਸਤੰਬਰ ਨੂੰ ਚੜ੍ਹਾਈ ਸ਼ੁਰੂ ਕੀਤੀ ਤੇ 26 ਸਤੰਬਰ ਨੂੰ ਮਾਊਂਟ ਯੂਨਾਮ (20,249 ਫੁੱਟ) ’ਤੇ ਤਿਰੰਗਾ ਫਹਿਰਾਇਆ, ਉਨ੍ਹਾਂ ਦੀ ਟੀਮ ਵਿਚ ਸੱਤ ਮੈਂਬਰ ਸ਼ਾਮਿਲ ਸਨ, ਜਿਨ੍ਹਾਂ ਵਿਚੋਂ ਪੰਜ ਪਰਬਤਾਂ ਰੋਹੀਆਂ ਨੇ ਇਸ ਪਰਬਤ ਉੱਪਰ ਸਫਲਤਾਪੂਰਵਕ ਚੜ੍ਹਾਈ ਕੀਤੀ।