ਭਾਰਤ ਦੀਆਂ ਰੂਸੀ ਤੇਲ ਦਰਾਮਦਾਂ ਲਗਭਗ 1.8 ਮਿਲੀਅਨ ਬੈਰਲ ਪ੍ਰਤੀ ਦਿਨ ’ਤੇ ਕਾਇਮ, ਮੱਧ ਪੂਰਬ ਨੇ ਘਾਟ ਪੂਰੀ ਕੀਤੀ
ਨਵੀਂ ਦਿੱਲੀ, 24 ਸਤੰਬਰ (ਪੀ. ਟੀ.
ਨਵੀਂ ਦਿੱਲੀ, 24 ਸਤੰਬਰ (ਪੀ.ਟੀ. ਆਈ.) -ਭਾਰਤ ਵਲੋਂ ਰੂਸੀ ਕੱਚੇ ਤੇਲ ਦੀ ਦਰਾਮਦ ਸਤੰਬਰ ਵਿਚ ਲਗਭਗ 1.8 ਮਿਲੀਅਨ ਬੈਰਲ ਪ੍ਰਤੀ ਦਿਨ ਚੱਲ ਰਹੀ ਹੈ, ਜੋ ਅਗਸਤ ਦੇ ਮੁਕਾਬਲੇ ਵੱਡੇ ਪੱਧਰ ’ਤੇ ਸਥਿਰ ਹੈ ਪਰ ਜੁਲਾਈ ਦੇ ਪੱਧਰ ਤੋਂ ਹੇਠਾਂ ਹੈ, ਕਿਉਂਕਿ ਰਿਫਾਈਨਰੀ ਰੱਖ-ਰਖਾਅ ਅਤੇ ਚੀਨ ਵੱਲੋਂ ਵਧੀ ਖਰੀਦ ਨੇ ਰੂਸੀ ਸਪਲਾਈ ਨੂੰ ਘਟਾਇਆ, ਜਦਕਿ ਮੱਧ ਪੂਰਬੀ ਸਪਲਾਇਰਾਂ ਨੇ ਘਾਟ ਪੂਰੀ ਕਰਨ ਲਈ ਕਦਮ ਚੁੱਕਿਆ। ਗਲੋਬਲ ਕਮੋਡਿਟੀਜ਼ ਡਾਟਾ ਅਤੇ ਐਨਾਲਿਟਿਕਸ ਫਰਮ ਕਪਲਰ ਦੇ ਅੰਕੜਿਆਂ ਮੁਤਾਬਿਕ, ਭਾਰਤ ਨੇ ਅਗਸਤ ਵਿਚ ਰੂਸੀ ਕੱਚੇ ਤੇਲ ਦੀ 2.82 ਮਿਲੀਅਨ ਬੈਰਲ ਪ੍ਰਤੀ ਦਿਨ ਦਰਾਮਦ ਕੀਤੀ, ਜੋ ਅਗਸਤ ਵਿੱਚ ਘਟ ਕੇ 2.08 ਮਿਲੀਅਨ ਬੈਰਲ ਪ੍ਰਤੀ ਦਿਨ ਰਹਿ ਗਈ। ਇਰਾਕ ਅਤੇ ਸਾਊਦੀ ਅਰਬ ਨੇ ਰੂਸੀ ਮਾਤਰਾ ਵਿਚ ਆਈ ਕਮੀ ਪੂਰੀ ਕੀਤੀ। ਇਰਾਕ ਨੇ ਇਸ ਮਹੀਨੇ ਲਗਭਗ 505,000 ਬੈਰਲ ਪ੍ਰਤੀ ਦਿਨ ਕੱਚਾ ਤੇਲ ਸਪਲਾਈ ਕੀਤਾ, ਜੋ ਅਗਸਤ ਦੇ 163,000 ਤੋਂ ਵੱਧ ਹੈ। ਸਾਊਦੀ ਮਾਤਰਾ ਵੀ ਸਤੰਬਰ ਵਿੱਚ ਵਧ ਕੇ 576,000 ਬੈਰਲ ਪ੍ਰਤੀ ਦਿਨ ਹੋ ਗਈ, ਜੋ ਪਿਛਲੇ ਮਹੀਨੇ 347,000 ਬੈਰਲ ਪ੍ਰਤੀ ਦਿਨ ਸੀ। ਯੂ.ਏ.ਈ. ਨੇ 522,000 ਬੈਰਲ ਪ੍ਰਤੀ ਦਿਨ ਸਪਲਾਈ ਕੀਤਾ, ਜੋ ਅਗਸਤ ਦੇ 546,000 ਬੈਰਲ ਪ੍ਰਤੀ ਦਿਨ ਦੇ ਮੁਕਾਬਲੇ ਵੱਡੇ ਪੱਧਰ ’ਤੇ ਅਣਬਦਲਿਆ ਰਿਹਾ। ਫਿਲਹਾਲ, ਰੂਸੀ ਦਰਾਮਦਾਂ ਲਗਭਗ 1.8 ਮਿਲੀਅਨ ਬੈਰਲ ਪ੍ਰਤੀ ਦਿਨ ਚੱਲ ਰਹੀਆਂ ਹਨ ਅਤੇ ਮੱਧ ਪੂਰਬੀ ਸਪਲਾਇਰ ਹਾਲੀਆ ਘਾਟ ਦਾ ਵੱਡਾ ਹਿੱਸਾ ਪੂਰਾ ਕਰ ਰਹੇ ਹਨ, ਇਸ ਲਈ ਭਾਰਤੀ ਬਾਜ਼ਾਰ ਰੂਸੀ ਕੱਚੇ ਤੇਲ ਤੋਂ ਪੂਰੀ ਤਰ੍ਹਾਂ ਦੂਰ ਹੋਣ ਦੀ ਬਜਾਏ ਆਪਣੇ ਆਪ ਨੂੰ ਅਨੁਕੂਲ ਕਰਦਾ ਦਿਖਾਈ ਦੇ ਰਿਹਾ ਹੈ।
