ਪਿੰਡ ਪਹਾੜਪੁਰ ਦਾ ਖੇਡ ਮੁਕਾਬਲਾ ਯਾਦਗਾਰੀ ਹੋ ਨਿੱਬੜਿਆ-ਇੰਜੀ. ਅੰਮ੍ਰਿਤਬੀਰ ਸਿੰਘ ਭੱਲਮਾਜਰਾ
ਪਟਿਆਲਾ, 1 ਨਵੰਬਰ (ਮਨਦੀਪ ਸਿੰਘ ਖਰੌੜ)-ਪਿੰਡ ਪਹਾੜਪੁਰ ਹਲਕਾ ਨਾਭਾ ਵਿਖੇ ਖੇਡਾਂ ’ਚ ਵੱਖ-ਵੱਖ ਉਮਰ ਅਤੇ ਵੱਖ-ਵੱਖ ਰੇਸ ਦੇ ਮੁਕਾਬਲਿਆਂ ਵਿਚ ਨੌਜਵਾਨਾਂ ਨੇ ਭਾਗ ਲਿਆ l ਇਹ ਖੇਡਾਂ ਖਾਲਸਾ ਨੌਜਵਾਨ ਵੈਲਫੇਅਰ ਸੋਸਾਇਟੀ ਸਮੂਹ ਨਗਰ ਨਿਵਾਸੀ ਅਤੇ ਐਨ. ਆਰ.
ਪਟਿਆਲਾ, 1 ਨਵੰਬਰ (ਮਨਦੀਪ ਸਿੰਘ ਖਰੌੜ)-ਪਿੰਡ ਪਹਾੜਪੁਰ ਹਲਕਾ ਨਾਭਾ ਵਿਖੇ ਖੇਡਾਂ ’ਚ ਵੱਖ-ਵੱਖ ਉਮਰ ਅਤੇ ਵੱਖ-ਵੱਖ ਰੇਸ ਦੇ ਮੁਕਾਬਲਿਆਂ ਵਿਚ ਨੌਜਵਾਨਾਂ ਨੇ ਭਾਗ ਲਿਆ l ਇਹ ਖੇਡਾਂ ਖਾਲਸਾ ਨੌਜਵਾਨ ਵੈਲਫੇਅਰ ਸੋਸਾਇਟੀ ਸਮੂਹ ਨਗਰ ਨਿਵਾਸੀ ਅਤੇ ਐਨ.ਆਰ.ਆਈ. ਵੀਰਾਂ ਦੇ ਸਹਿਯੋਗ ਨਾਲ ਯਾਦਗਾਰੀ ਹੋ ਨਿਬੜੀਆਂ l ਇਸ ਮੌਕੇ ਇੰਜੀ. ਅੰਮ੍ਰਿਤਬੀਰ ਸਿੰਘ ਭੱਲਮਾਜਰਾ ਹਲਕਾ ਇੰਚਾਰਜ ਨਾਭਾ (ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ) ਨੇ ਕਿਹਾ ਕਿ ਹਰ ਪਿੰਡ ’ਚ ਇਸ ਤਰ੍ਹਾਂ ਦੀਆਂ ਖੇਡਾਂ ਕਰਵਾਈਆਂ ਜਾਣੀਆਂ ਚਾਹੀਦੀਆਂ ਹਨ ਤਾਂ ਜੋ ਬੱਚਿਆਂ ਨੂੰ ਉਨ੍ਹਾਂ ਦੇ ਭਵਿੱਖ ਅਤੇ ਸਿਹਤ ਸੰਬੰਧੀ ਜਾਗਰੂਕ ਕੀਤਾ ਜਾ ਸਕੇ, ਜੇਕਰ ਬੱਚੇ ਛੋਟੀ ਉਮਰ ਵਿਚ ਹੀ ਖੇਡਾਂ ਵੱਲ ਆਪਣਾ ਧਿਆਨ ਰੱਖਣਗੇ ਤਾਂ ਨਸ਼ਿਆਂ ਤੋਂ ਵੀ ਬਚਿਆ ਜਾ ਸਕਦਾ ਹੈ l ਖੇਡਾਂ ਦੀ ਪ੍ਰਧਾਨਗੀ ਕਰਦੇ ਹੋਏ ਗੁਰਦੀਪ ਸਿੰਘ ਪਹਾੜਪੁਰ ਨੇ ਦੱਸਿਆ ਕਿ ਇਹ ਖੇਡਾਂ ਪਿਛਲੇ ਸੱਤ ਸਾਲ ਤੋਂ ਕਰਵਾਈਆਂ ਜਾ ਰਹੀਆਂ ਹਨ ਉਨ੍ਹਾਂ ਕਿਹਾ ਕਿ ਖੇਡਾਂ ਨੌਜਵਾਨਾਂ ਨੂੰ ਆਪਣੇ ਚੰਗਾ ਭਵਿੱਖ ਬਣਾਉਣ ਲਈ ਸਹਿਯੋਗ ਕਰਦੀਆਂ ਹਨ l ਇਸ ਮੌਕੇ ਜੋਨੀ ਬੱਗਾ, ਜਗਤਾਰ ਸਿੰਘ ਢਿੰਗੀ, ਸੋਨੀ ਧਾਲੀਵਾਲ ਯੂਥ ਪ੍ਰਧਾਨ, ਡਾ. ਕੁਲਵੰਤ ਸਿੰਘ ਪਹਾੜਪੁਰ, ਗੁਰਜੰਟ ਸਿੰਘ ਫੌਜੀ, ਬਹਾਦਰ ਸਿੰਘ ਬੋਪਾਰਾਏ, ਸਰਪੰਚ ਜਤਿੰਦਰ ਸਿੰਘ, ਚਮਕੌਰ ਸਿੰਘ ਟੋਡਰਵਾਲ, ਗੁਰਵਿੰਦਰ ਸਿੰਘ ਟੋਡਰਵਾਲ, ਸਿਮਰਨ ਸਿੰਘ ਟੋਡਰਵਾਲ, ਰਣਜੀਤ ਸਿੰਘ ਕੌਲ ਨੇ ਭਰਵੀਂ ਸ਼ਮੂਲੀਅਤ ਕੀਤੀ।
