ਥਾਪਰ ਇੰਸਟੀਚਿਊਟ ਨੇ ਦੋ ਐੱਫ਼. ਆਈ. ਸੀ. ਸੀ. ਆਈ. ਹਾਇਰ ਐਜੂਕੇਸ਼ਨ ਐਕਸੀਲੈਂਸ ਐਵਾਰਡ-2026 ਜਿੱਤੇ
ਪਟਿਆਲਾ, 12 ਅਕਤੂਬਰ (ਅ. ਬ.)
ਪਟਿਆਲਾ, 12 ਅਕਤੂਬਰ (ਅ. ਬ.)- ਥਾਪਰ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਪਟਿਆਲਾ ਨੇ ਐੱਫ਼. ਆਈ. ਸੀ. ਸੀ. ਆਈ. ਹਾਇਰ ਐਜੂਕੇਸ਼ਨ ਐਕਸੀਲੈਂਸ ਅਵਾਰਡ-2026 ਵਿਚ ਦੋ ਸਨਮਾਨ ਹਾਸਲ ਕੀਤੇ ਹਨ। ‘ਯੂਨੀਵਰਸਿਟੀ ਆਫ਼ ਦ ਈਅਰ 2026’ ਅਤੇ ‘ਡਿਜੀਟਲ ਪਰਿਵਰਤਨ ਵਿਚ ਉੱਤਮਤਾ 2026’ ਇਹ ਮਾਨਤਾ ਸੰਸਥਾ ਦੇ 70ਵੇਂ ਸਥਾਪਨਾ ਦਿਵਸ (ਫਾਊਂਡਰਜ਼ ਡੇਅ) ਦੇ ਨਾਲ ਮੇਲ ਖਾਂਦੀ ਹੈ, ਜੋ ਉੱਚ ਸਿੱਖਿਆ, ਖੋਜ ਤੇ ਨਵੀਨਤਾ ਵਿਚ ਸੱਤ ਦਹਾਕਿਆਂ ਦੇ ਯੋਗਦਾਨ ਦਾ ਪ੍ਰਤੀਕ ਹੈ। ਇਹ ਪੁਰਸਕਾਰ ਸੰਸਥਾ ਦੁਆਰਾ ਅਕਾਦਮਿਕ ਉੱਤਮਤਾ ਤੇ ਖੋਜ ਨੂੰ ਮਜ਼ਬੂਤ ਕਰਨ ਦੇ ਨਾਲ-ਨਾਲ ਆਰਟੀਫੀਸ਼ੀਅਲ ਇੰਟੈਲੀਜੈਂਸ, ਉੱਚ-ਕਾਰਜਕੁਸ਼ਲਤਾ ਵਾਲੀ ਕੰਪਿਊਟਿੰਗ ਅਤੇ ਉੱਭਰਦੀਆਂ ਤਕਨਾਲੋਜੀਆਂ ਰਾਹੀਂ ਡਿਜੀਟਲ ਸਮਰੱਥਾਵਾਂ ਨੂੰ ਅੱਗੇ ਵਧਾਉਣ ਲਈ ਕੀਤੇ ਗਏ ਯਤਨਾਂ ਨੂੰ ਮਾਨਤਾ ਦਿੰਦੇ ਹਨ। 12ਵੇਂ ਐੱਫ਼. ਆਈ. ਸੀ. ਸੀ. ਆਈ. ਹਾਇਰ ਐਜੂਕੇਸ਼ਨ ਐਕਸੀਲੈਂਸ ਅਵਾਰਡ 8 ਅਕਤੂਬਰ 2026 ਨੂੰ ਨਵੀਂ ਦਿੱਲੀ ਦੇ ਭਾਰਤ ਮੰਡਪਮ ਵਿਖੇ ਆਯੋਜਿਤ 21ਵੇਂ ਐੱਫ਼. ਆਈ. ਸੀ. ਸੀ. ਆਈ. ਹਾਇਰ ਐਜੂਕੇਸ਼ਨ ਸੰਮੇਲਨ ਦੇ ਉਦਘਾਟਨੀ ਸੈਸ਼ਨ ਦੌਰਾਨ ਪ੍ਰਦਾਨ ਕੀਤੇ ਗਏ। ਇਸ ਸੰਮੇਲਨ ਦਾ ਵਿਸ਼ਾ “ਨਵੀਂ ਦੁਨੀਆ ਲਈ ਉੱਚ ਸਿੱਖਿਆ: ਸੁਧਾਰ, ਲਚਕਤਾ ਤੇ ਸਾਰਥਕਤਾ” ਸੀ। ਇਹ ਪੁਰਸਕਾਰ ਪਦਮ ਵਿਭੂਸ਼ਣ ਨਾਲ ਸਨਮਾਨਿਤ ਤੇ ਮਨੁੱਖੀ ਸਰੋਤ ਵਿਕਾਸ ਦੇ ਸਾਬਕਾ ਕੇਂਦਰੀ ਮੰਤਰੀ ਡਾ. ਮੁਰਲੀ ਮਨੋਹਰ ਜੋਸ਼ੀ ਦੁਆਰਾ ਦਿੱਤੇ ਗਏ। ਇਸ ਸੈਸ਼ਨ ਵਿਚ ਨੀਤੀ ਆਯੋਗ ਦੇ ਮੈਂਬਰ ਡਾ. ਆਰ. ਬਾਲਾਸੁਬਰਾਮਨੀਅਮ, ਐੱਫ਼. ਆਈ. ਸੀ. ਸੀ. ਆਈ. ਦੇ ਸਕੱਤਰ ਜਨਰਲ ਅਨੰਤ ਸਵਰੂਪ, ਅਤੇ ਐੱਫ਼. ਆਈ. ਸੀ. ਸੀ. ਆਈ. ਹਾਇਰ ਐਜੂਕੇਸ਼ਨ ਕਮੇਟੀ ਦੀ ਚੇਅਰਪਰਸਨ ਤੇ ਸਿੰਬਾਇਓਸਿਸ ਇੰਟਰਨੈਸ਼ਨਲ ਯੂਨੀਵਰਸਿਟੀ ਦੀ ਚਾਂਸਲਰ ਡਾ. ਵਿਦਿਆ ਯੇਰਾਵਦੇਕਰ ਵੀ ਸ਼ਾਮਲ ਹੋਏ। ਦੇਸ਼ ਭਰ ਦੇ ਵਾਈਸ-ਚਾਂਸਲਰ, ਸਿੱਖਿਆ ਸ਼ਾਸਤਰੀ, ਨੀਤੀ ਨਿਰਮਾਤਾ ਤੇ ਉਦਯੋਗ ਜਗਤ ਦੇ ਆਗੂ ਵੀ ਇਸ ਵਿਚ ਸ਼ਾਮਿਲ ਸਨ।
