ਰਾਮ ਤੀਰਥ, 22 ਜਨਵਰੀ (ਧਰਵਿੰਦਰ ਸਿੰਘ ਔਲਖ)-ਰਾਮ ਤੀਰਥ ਰੋਡ 'ਤੇ ਸਥਿਤ ਅਨੰਦਪੁਰੀ ਐਵੀਨਿਊ ਦੀ ਰਹਿਣ ਵਾਲੀ ਔਰਤ ਜਗਜੀਤ ਕੌਰ ਪਤਨੀ ਸਤਨਾਮ ਸਿੰਘ ਕੋਲੋਂ ਲੁਟੇਰਿਆਂ ਨੇ ਚਲਦੇ ਆਟੋ 'ਚੋਂ ਹੀ ਪਰਸ ਖੋਹ ਲਿਆ ਤੇ ਫਰਾਰ ਹੋ ਗਏ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਪੀੜਤ ਔਰਤ ਨੇ ਦੱਸਿਆ ਕਿ ਉਹ ਆਪਣੀ ਵੱਡੀ ਭੈਣ ਨਾਲ ਰਾਜਾਸਾਂਸੀ ਤੋਂ ਅੰਮਿ੍ਤਸਰ ਵੱਲ ਨੂੰ ਆ ਰਹੀ ਸੀ, ਜਦੋਂ ਉਹ ਕੰਬੋਅ ਥਾਣੇ ਤੋਂ ਥੋੜਾ ਅੱਗੇ ਲੰਘੇ ਤਾਂ ਪਿੱਛੋਂ ਆਏ ਦੋ ਮੋਟਰਸਾਈਕਲਾਂ 'ਤੇ ਸਵਾਰ ਲੁਟੇਰਿਆਂ ਨੇ ਉਨ੍ਹਾਂ ਕੋਲੋਂ ਪਰਸ ਖੋਹ ਲਿਆ ਤੇ ਫਰਾਰ ਹੋ ਗਏ, ਜਿਸ ਵਿਚ ਵੀਵੋ ਦਾ ਮੋਬਾਇਲ, ਘਰ ਦੀਆਂ ਚਾਬੀਆਂ ਅਤੇ ਕੁਝ ਪੈਸੇ ਸਨ | ਇਸ ਸੰਬੰਧੀ ਉਨ੍ਹਾਂ ਨੇ ਪੁਲਿਸ ਥਾਣਾ ਕੰਬੋਅ ਵਿਖੇ ਦਰਖਾਸਤ ਲਿਖਵਾ ਦਿੱਤੀ ਹੈ |
