ਚੰਨੀ ਦੀ ਸਾਈਕਲ ਯਾਤਰਾ ਦੌਰਾਨ ਕਈ ਵਿਅਕਤੀ ਸ੍ਰੀ ਚਮਕੌਰ ਸਾਹਿਬ ਨਿਕਲਦਿਆਂ ਹੀ ਸਾਈਕਲ ਲੈ ਕੇ ਖਿਸਕੇ
ਸ੍ਰੀ ਚਮਕੌਰ ਸਾਹਿਬ, 13 ਨਵੰਬਰ (ਜਗਮੋਹਣ ਸਿੰਘ ਨਾਰੰਗ)-ਸਾਬਕਾ ਮੁੱਖ ਮੰਤਰੀ ਤੇ ਲੋਕ ਸਭਾ ਮੈਂਬਰ ਚਰਨਜੀਤ ਸਿੰਘ ਚੰਨੀ ਦਾ 12 ਨਵੰਬਰ ਦਾ ਪ੍ਰੋਗਰਾਮ ਭਾਵੇਂ ਪੂਰੀ ਤਰ੍ਹਾਂ ਸਫਲ ਰਿਹਾ ਤੇ ਇਸ ਦੌਰਾਨ ਯਾਤਰਾ ਲਈ ਤੋਰੇ 2 ਹਜ਼ਾਰ ਦੇ ਕਰੀਬ ਸਾਈਕਲ ਸਵਾਰਾਂ ਨੂੰ ਤੋਰਿਆ ਪਰ ਮੰਡੀ ਤੱਕ ਪਹੁੰਚਦਿਆਂ ਕਈ ਸਾਈਕਲ ਸਵਾਰ ਮੰਡੀ ਵਿਚੋਂ ਹੁੰਦਿਆਂ ਉੱਥੋਂ ਖਿਸਕ ਗਏ। ਜਿਸ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਲੋਕਾਂ ਵਲੋਂ ਪਾਈਆਂ ਜਾ ਰਹੀਆਂ ਹਨ।
ਸ੍ਰੀ ਚਮਕੌਰ ਸਾਹਿਬ, 13 ਨਵੰਬਰ (ਜਗਮੋਹਣ ਸਿੰਘ ਨਾਰੰਗ)-ਸਾਬਕਾ ਮੁੱਖ ਮੰਤਰੀ ਤੇ ਲੋਕ ਸਭਾ ਮੈਂਬਰ ਚਰਨਜੀਤ ਸਿੰਘ ਚੰਨੀ ਦਾ 12 ਨਵੰਬਰ ਦਾ ਪ੍ਰੋਗਰਾਮ ਭਾਵੇਂ ਪੂਰੀ ਤਰ੍ਹਾਂ ਸਫਲ ਰਿਹਾ ਤੇ ਇਸ ਦੌਰਾਨ ਯਾਤਰਾ ਲਈ ਤੋਰੇ 2 ਹਜ਼ਾਰ ਦੇ ਕਰੀਬ ਸਾਈਕਲ ਸਵਾਰਾਂ ਨੂੰ ਤੋਰਿਆ ਪਰ ਮੰਡੀ ਤੱਕ ਪਹੁੰਚਦਿਆਂ ਕਈ ਸਾਈਕਲ ਸਵਾਰ ਮੰਡੀ ਵਿਚੋਂ ਹੁੰਦਿਆਂ ਉੱਥੋਂ ਖਿਸਕ ਗਏ। ਜਿਸ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਲੋਕਾਂ ਵਲੋਂ ਪਾਈਆਂ ਜਾ ਰਹੀਆਂ ਹਨ। ਭਾਵੇਂ ਇਸ ਸੰਬੰਧੀ ਕੀਤੇ ਸਮਾਗਮ ਦੌਰਾਨ ਪੰਜਾਬ ਕਾਂਗਰਸ ਪਾਰਟੀ ਦੀ ਲੀਡਰਸ਼ਿਪ ਵੱਡੀ ਗਿਣਤੀ ਵਿਚ ਪੁੱਜੀ ਹੋਣ ਕਾਰਨ, ਸ੍ਰੀ ਚੰਨੀ ਪਾਰਟੀ ਹਾਈਕਮਾਨ ’ਤੇ ਇਕ ਵੱਡੀ ਛਾਪ ਛੱਡ ਰਹੇ ਹਨ । ਇਹ ਸਾਈਕਲ ਯਾਤਰਾ ਜਿਥੋਂ ਵੀ ਲੰਘ ਰਹੀ ਹੈ ਚਰਨਜੀਤ ਸਿੰਘ ਚੰਨੀ ਨੂੰ ਦੇਖਣ ਤੇ ਮਿਲਣ ਵਾਲਿਆਂ ਦੀ ਭੀੜ ਜਮਾ ਹੋ ਰਹੀ ਹੈ ਪਰ ਯਾਤਰਾ ਦੌਰਾਨ ਖਿਸਕੇ ਦਰਜਨਾਂ ਸਾਈਕਲ ਸਵਾਰਾਂ ਦੀ ਚਰਚਾ ਇਲਾਕੇ ਭਰ ਵਿਚ ਹੋ ਰਹੀ ਹੈ। ਸਟੇਡੀਅਮ ਵਿਚ ਰੈਲੀ ਦੌਰਾਨ ਸਾਬਕਾ ਸੰਮਤੀ ਮੈਂਬਰ ਨੰਬਰਦਾਰ ਜਸਵੀਰ ਸਿੰਘ ਜਟਾਣਾ ਸਮੇਤ ਕਈਆਂ ਦੀਆਂ ਜੇਬ ਕਤਰਿਆਂ ਵਲੋਂ ਜੇਬਾਂ ਵੀ ਸਾਫ਼ ਹੋਈਆਂ ਹਨ।
