ਅਖਿਲ ਭਾਰਤੀ ਗ੍ਰਾਹਕ ਪੰਚਾਇਤ ਨੇ ਨੂਰਪੁਰ ਬੇਦੀ - ਰੂੜੇਮਾਜਰਾ ਸੜਕ ਦੀ ਖਸਤਾ ਹਾਲ ਦਾ ਮੁੱਦਾ ਚੁੱਕਿਆ
ਨੂਰਪੁਰ ਬੇਦੀ, 4 ਅਕਤੂਬਰ (ਢੀਂਡਸਾ)-ਅਖਿਲ ਭਾਰਤੀ ਗ੍ਰਾਹਕ ਪੰਚਾਇਤ ਵਲੋਂ ਨੂਰਪੁਰ ਬੇਦੀ–ਰੂੜੇ ਮਾਜਰਾ–ਨੂਰਪੁਰ ਖ਼ੁਰਦ ਸੜਕ ਦੀ ਤਰਸਯੋਗ ਹਾਲਤ ਦਾ ਮੁੱਦਾ ਉਠਾਇਆ ਹੈ ਅਤੇ ਇੱਕ ਮਹੀਨੇ ਅੰਦਰ ਮੁਕੰਮਲ ਰੀਕਾਰਪੇਟਿੰਗ ਦੀ ਮੰਗ ਕੀਤੀ ਹੈ । ਅਖਿਲ ਭਾਰਤੀ ਗ੍ਰਾਹਕ ਪੰਚਾਇਤ ਦੇ ਲੀਗਲ ਸੈੱਲ ਦੇ ਸਟੇਟ ਪ੍ਰਮੁੱਖ (ਚੀਫ਼) ਇੰਜੀਨੀਅਰ ਬ੍ਰਿਜ ਮੋਹਨ ਨੇ ਕਿਹਾ ਕਿ ਨੂਰਪੁਰ ਬੇਦੀ–ਰੂੜੇ ਮਾਜਰਾ–ਨੂਰਪੁਰ ਖ਼ੁਰਦ ਸੜਕ ਅਤੇ ਰੂੜੇ ਮਾਜਰਾ ਤੋਂ ਟੇਢੇਵਾਲ, ਮਨਕੋਲੀ ਅਤੇ ਜਟੋਲੀ ਵੱਲ ਜਾਂਦੀ ਸੰਪਰਕ ਸੜਕ ਦੀ ਬੇਹੱਦ ਖਸਤਾ ਹਾਲਤ ਹੈ।
ਨੂਰਪੁਰ ਬੇਦੀ, 4 ਅਕਤੂਬਰ (ਢੀਂਡਸਾ)-ਅਖਿਲ ਭਾਰਤੀ ਗ੍ਰਾਹਕ ਪੰਚਾਇਤ ਵਲੋਂ ਨੂਰਪੁਰ ਬੇਦੀ–ਰੂੜੇ ਮਾਜਰਾ–ਨੂਰਪੁਰ ਖ਼ੁਰਦ ਸੜਕ ਦੀ ਤਰਸਯੋਗ ਹਾਲਤ ਦਾ ਮੁੱਦਾ ਉਠਾਇਆ ਹੈ ਅਤੇ ਇੱਕ ਮਹੀਨੇ ਅੰਦਰ ਮੁਕੰਮਲ ਰੀਕਾਰਪੇਟਿੰਗ ਦੀ ਮੰਗ ਕੀਤੀ ਹੈ । ਅਖਿਲ ਭਾਰਤੀ ਗ੍ਰਾਹਕ ਪੰਚਾਇਤ ਦੇ ਲੀਗਲ ਸੈੱਲ ਦੇ ਸਟੇਟ ਪ੍ਰਮੁੱਖ (ਚੀਫ਼) ਇੰਜੀਨੀਅਰ ਬ੍ਰਿਜ ਮੋਹਨ ਨੇ ਕਿਹਾ ਕਿ ਨੂਰਪੁਰ ਬੇਦੀ–ਰੂੜੇ ਮਾਜਰਾ–ਨੂਰਪੁਰ ਖ਼ੁਰਦ ਸੜਕ ਅਤੇ ਰੂੜੇ ਮਾਜਰਾ ਤੋਂ ਟੇਢੇਵਾਲ, ਮਨਕੋਲੀ ਅਤੇ ਜਟੋਲੀ ਵੱਲ ਜਾਂਦੀ ਸੰਪਰਕ ਸੜਕ ਦੀ ਬੇਹੱਦ ਖਸਤਾ ਹਾਲਤ ਹੈ। ਉਨ੍ਹਾਂ ਸਵਾਲ ਕੀਤਾ ਹੈ ਕਿ ਕਈ ਪਿੰਡਾਂ ਲਈ ਅਹਿਮ ਇਸ ਸੜਕ ਨੂੰ ਟੋਇਆਂ, ਡੂੰਘੇ ਖੱਡਿਆਂ, ਉੱਖੜੀ ਬਜਰੀ ਅਤੇ ਟੁੱਟੀ ਸਤ੍ਹਾ ਵਿਚ ਕਿਵੇਂ ਤਬਦੀਲ ਹੋਣ ਦਿੱਤਾ ਗਿਆ। ਟੁੱਟੀ ਅਤੇ ਅਸਮਾਨ ਸੜਕ ਖ਼ਾਸ ਕਰਕੇ ਦੋਪਹੀਆ ਵਾਹਨ ਚਾਲਕਾਂ ਲਈ ਗੰਭੀਰ ਖ਼ਤਰਾ ਹੈ ਅਤੇ ਮੈਡੀਕਲ ਐਮਰਜੈਂਸੀ ਦੌਰਾਨ ਬੇਲੋੜੀ ਦੇਰੀ ਦਾ ਕਾਰਨ ਬਣ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਵਿਧਾਇਕ ਐਡਵੋਕੇਟ ਦਿਨੇਸ਼ ਚੱਢਾ ਨਾਲ ਸਬੰਧਿਤ ਸਥਾਨਕ ਦਫ਼ਤਰ ਵੀ ਇਸੇ ਸੜਕ ’ਤੇ ਸਥਿਤ ਹੈ। ਸੰਗਠਨ ਨੇ ਇੱਕ ਮਹੀਨੇ ਅੰਦਰ ਤਕਨੀਕੀ ਜਾਂਚ, ਮੁਕੰਮਲ ਰੀਕਾਰਪੇਟਿੰਗ/ਮੁਰੰਮਤ, ਢੁਕਵੀਂ ਨਿਕਾਸੀ ਅਤੇ ਲੋੜੀਂਦੀ ਮਜ਼ਬੂਤੀ ਦੀ ਮੰਗ ਕੀਤੀ ਹੈ।
