ਲੜਕੀਆਂ ਐਕਟੀਵਾ ਖੋ ਕੇ ਹੋਈਆਂ ਫ਼ਰਾਰ
ਲੁਧਿਆਣਾ, 24 ਸਤੰਬਰ (ਪਰਮਿੰਦਰ ਸਿੰਘ ਆਹੂਜਾ)-ਥਾਣਾ ਡਿਵੀਜ਼ਨ ਨੰਬਰ ਦੋ ਦੇ ਘੇਰੇ ਅੰਦਰ ਪੈਂਦੇ ਇਲਾਕੇ ਜੇਲ੍ਹ ਰੋਡ ’ਤੇ ਦੋ ਲੜਕੀਆਂ ਇਕ ਲੜਕੇ ਪਾਸੋਂ ਐਕਟੀਵਾ ਖੋਹ ਕੇ ਫ਼ਰਾਰ ਹੋ ਗਈਆਂ। ਜਾਣਕਾਰੀ ਅਨੁਸਾਰ ਪੁਲਿਸ ਵਲੋਂ ਇਸ ਸਬੰਧੀ ਸੁਰਿੰਦਰ ਕੌਰ ਵਾਸੀ ਕਾਮਰਾਨ ਰੋਡ ਦੀ ਸ਼ਿਕਾਇਤ ’ਤੇ ਭੂਮੀ ਅਤੇ ਪੂਨਮ ਤੁਲੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ।
ਲੁਧਿਆਣਾ, 24 ਸਤੰਬਰ (ਪਰਮਿੰਦਰ ਸਿੰਘ ਆਹੂਜਾ)-ਥਾਣਾ ਡਿਵੀਜ਼ਨ ਨੰਬਰ ਦੋ ਦੇ ਘੇਰੇ ਅੰਦਰ ਪੈਂਦੇ ਇਲਾਕੇ ਜੇਲ੍ਹ ਰੋਡ ’ਤੇ ਦੋ ਲੜਕੀਆਂ ਇਕ ਲੜਕੇ ਪਾਸੋਂ ਐਕਟੀਵਾ ਖੋਹ ਕੇ ਫ਼ਰਾਰ ਹੋ ਗਈਆਂ। ਜਾਣਕਾਰੀ ਅਨੁਸਾਰ ਪੁਲਿਸ ਵਲੋਂ ਇਸ ਸਬੰਧੀ ਸੁਰਿੰਦਰ ਕੌਰ ਵਾਸੀ ਕਾਮਰਾਨ ਰੋਡ ਦੀ ਸ਼ਿਕਾਇਤ ’ਤੇ ਭੂਮੀ ਅਤੇ ਪੂਨਮ ਤੁਲੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲਿਸ ਪਾਸ ਲਿਖਵਾਈ ਮੁੱਢਲੀ ਰਿਪੋਰਟ ਵਿਚ ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਬੀਤੇ ਦਿਨ ਉਸ ਦਾ ਲੜਕਾ ਪ੍ਰਭਜੋਤ ਸਿੰਘ ਸਿਵਲ ਹਸਪਤਾਲ ਨੇੜੇ ਸਥਿਤ ਬੀਕਾਨੇਰ ਬੇਕਰੀ ਤੋਂ ਪੈਟੀਜ ਖਾਣ ਲਈ ਖੜ੍ਹਾ ਸੀ। ਇਸ ਦੌਰਾਨ ਉਕਤ ਕਥਿਤ ਦੋਸ਼ੀ ਲੜਕੀਆਂ ਉਥੇ ਆਈਆਂ ਤੇ ਉਸ ਨਾਲ ਬਹਿਸ ਪਈਆਂ। ਇਹਨਾਂ ਲੜਕੀਆਂ ਵਲੋਂ ਉਸ ਦੇ ਲੜਕੇ ਪਾਸੋਂ ਐਕਟੀਵਾ ਖੋਹ ਲਿਆ ਤੇ ਫ਼ਰਾਰ ਹੋ ਗਈਆਂ। ਸ਼ਿਕਾਇਤਕਰਤਾ ਵਲੋਂ ਇਹ ਸਾਰਾ ਮਾਮਲਾ ਪੁਲਿਸ ਦੇ ਧਿਆਨ ਵਿਚ ਲਿਆਂਦਾ ਤਾਂ ਪੁਲਿਸ ਵਲੋਂ ਕਾਰਵਾਈ ਕਰਦਿਆਂ ਇਸ ਮਾਮਲੇ ਵਿਚ ਕੇਸ ਦਰਜ ਕਰ ਲਿਆ। ਹਾਲ ਦੀ ਘੜੀ ਇਸ ਮਾਮਲੇ ਵਿਚ ਗ੍ਰਿਫ਼ਤਾਰੀ ਨਹੀਂ ਕੀਤੀ ਗਈ ਹੈ।
