ਲਾਇਨਜ਼ ਕਲੱਬ ਅਪੈਕਸ ਵਲੋਂ ਲਾਇਨ ਪ੍ਰੋ. ਦੀਪਕ ਚੋਪੜਾ ਪ੍ਰਧਾਨ ਵਜੋਂ ਨਿਯੁਕਤ
ਲੁਧਿਆਣਾ, 13 ਅਗਸਤ (ਜਸਵਿੰਦਰ ਸਿੰਘ)-ਲਾਇਨਜ਼ ਕਲੱਬ ਲੁਧਿਆਣਾ ਅਪੈਕਸ, ਲਾਇਨਜ਼ ਇੰਟਰਨੈਸ਼ਨਲ ਡਿਸਟ੍ਰਿਕਟ 321 ਐਫ. ਵਲੋਂ ਬੜੇ ਉਤਸ਼ਾਹ ਅਤੇ ਸ਼ਾਨੋ-ਸ਼ੌਕਤ ਨਾਲ ਇੰਸਟਾਲੇਸ਼ਨ ਸਮਾਰੋਹ ਕਰਵਾਇਆ ਗਿਆ।
ਲੁਧਿਆਣਾ, 13 ਅਗਸਤ (ਜਸਵਿੰਦਰ ਸਿੰਘ)-ਲਾਇਨਜ਼ ਕਲੱਬ ਲੁਧਿਆਣਾ ਅਪੈਕਸ, ਲਾਇਨਜ਼ ਇੰਟਰਨੈਸ਼ਨਲ ਡਿਸਟ੍ਰਿਕਟ 321 ਐਫ. ਵਲੋਂ ਬੜੇ ਉਤਸ਼ਾਹ ਅਤੇ ਸ਼ਾਨੋ-ਸ਼ੌਕਤ ਨਾਲ ਇੰਸਟਾਲੇਸ਼ਨ ਸਮਾਰੋਹ ਕਰਵਾਇਆ ਗਿਆ। ਇਸ ਮੌਕੇ ਲਾਇਨ ਪ੍ਰੋ. ਦੀਪਕ ਚੋਪੜਾ ਨੂੰ ਰਸਮੀ ਤੌਰ ’ਤੇ ਕਲੱਬ ਦੇ ਪ੍ਰਧਾਨ ਵਜੋਂ ਸਥਾਪਿਤ ਕੀਤਾ ਗਿਆ ਅਤੇ ਉਨ੍ਹਾਂ ਦੇ ਨਾਲ ਬੋਰਡ ਆਫ਼ ਡਾਇਰੈਕਟਰਜ਼ ਨੇ ਵੀ ਆਪਣਾ ਅਹੁਦਾ ਸੰਭਾਲਿਆ। ਡਿਸਟ੍ਰਿਕਟ ਗਵਰਨਰ ਲਾਇਨ ਅਜੇ ਗੋਇਲ ਐਮ. ਜੇ. ਐਫ. ਸਮਾਰੋਹ ਦੇ ਮੁੱਖ ਮਹਿਮਾਨ ਸਨ, ਜਦਕਿ ਫ਼ਸਟ ਵਾਈਸ ਡਿਸਟ੍ਰਿਕਟ ਗਵਰਨਰ ਲਾਇਨ ਨਰੇਸ਼ ਗੋਇਲ ਨੇ ਇੰਸਟਾਲੇਸ਼ਨ ਅਫ਼ਸਰ ਦੀ ਭੂਮਿਕਾ ਨਿਭਾਈ। ਲਾਇਨ ਨਕੇਸ਼ ਗਰਗ ਪੀ.ਐਮ.ਜੇ.ਐਫ., ਐਲ.ਸੀ.ਆਈ.ਐਫ. ਏਰੀਆ ਲੀਡਰ, ਮੁੱਖ ਬੁਲਾਰੇ ਵਜੋਂ ਸ਼ਾਮਲ ਹੋਏ। ਲਾਇਨ ਯੋਗੇਸ਼ ਸੋਨੀ ਨੇ ਇੰਡਕਸ਼ਨ ਅਫ਼ਸਰ ਅਤੇ ਲਾਇਨ ਮੁਕੇਸ਼ ਮਦਾਨ ਡੀ.ਸੀ.ਐਸ. ਨੇ ਪ੍ਰਧਾਨਗੀ ਅਫ਼ਸਰ ਵਜੋਂ ਸਮਾਰੋਹ ਦੀ ਸ਼ੋਭਾ ਵਧਾਈ। ਰਸਮੀ ਤੌਰ ’ਤੇ ਪ੍ਰਧਾਨ ਦਾ ਅਹੁਦਾ ਸੰਭਾਲਣ ਤੋਂ ਬਾਅਦ ਪ੍ਰਧਾਨ ਲਾਇਨ ਪ੍ਰੋ. ਦੀਪਕ ਚੋਪੜਾ ਨੇ ਉਤਸ਼ਾਹ ਨਾਲ ਆਪਣੀ ਜ਼ਿੰਮੇਵਾਰੀ ਸਵੀਕਾਰ ਕੀਤੀ ਅਤੇ ਕਲੱਬ ਦੀ ਅਗਵਾਈ ਸਮਰਪਣ, ਇਮਾਨਦਾਰੀ ਅਤੇ ਸੇਵਾ ਭਾਵਨਾ ਨਾਲ ਕਰਨ ਦੀ ਵਚਨਬੱਧਤਾ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਭਰੋਸਾ ਦਿਵਾਇਆ ਕਿ ਬੋਰਡ ਆਫ਼ ਡਾਇਰੈਕਟਰਜ਼ ਅਤੇ ਕਲੱਬ ਦੇ ਮੈਂਬਰਾਂ ਦੇ ਸਰਗਰਮ ਸਹਿਯੋਗ ਨਾਲ ਉਹ ਕਲੱਬ ਦੀਆਂ ਮਨੁੱਖਤਾ ਦੀ ਸੇਵਾ ਨਾਲ ਸਬੰਧਿਤ ਗਤੀਵਿਧੀਆਂ ਨੂੰ ਹੋਰ ਮਜ਼ਬੂਤ ਕਰਨ, ਕਮਿਊਨਿਟੀ ਸਰਵਿਸ ਪ੍ਰੋਜੈਕਟਾਂ ਦਾ ਵਿਸਥਾਰ ਕਰਨ ਅਤੇ ਲਾਇਨਜ਼ ਇੰਟਰਨੈਸ਼ਨਲ ਦੇ ਆਦਰਸ਼ਾਂ ਨੂੰ ਕਾਇਮ ਰੱਖਣ ਲਈ ਪੂਰੀ ਤਨਦੇਹੀ ਨਾਲ ਕੰਮ ਕਰਨਗੇ। ਲਾਇਨ ਅਜੇ ਗੋਇਲ, ਲਾਇਨ ਨਰੇਸ਼ ਗੋਇਲ, ਲਾਇਨ ਯੋਗੇਸ਼ ਸੋਨੀ ਅਤੇ ਲਾਇਨ ਨਕੇਸ਼ ਗਰਗ ਨੇ ਵੀ ਇਸ ਮੌਕੇ ਸੰਬੋਧਨ ਕੀਤਾ। ਲਾਇਨ ਵਿਜੈ ਸ਼ਰਮਾ ਨੇ ਸਵਾਗਤੀ ਭਾਸ਼ਣ ਦਿੱਤਾ, ਜਦਕਿ ਲਾਇਨ ਰਿਪਨ ਗੋਇਲ ਨੇ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ। ਲਾਇਨ ਡਾ. ਧਰਮ ਸਿੰਘ ਨੇ ਮੰਚ ਸੰਚਾਲਨ ਦੀ ਜ਼ਿੰਮੇਵਾਰੀ ਨਿਭਾਈ। ਲਾਇਨ ਰੁਪਾਲੀ ਚੋਪੜਾ ਨੇ ਪ੍ਰਾਰਥਨਾ ਕਰਵਾਈ, ਜਦਕਿ ਲਾਇਨ ਕਮਲ ਕਿਸ਼ੋਰ ਨੇ ਝੰਡਾ ਸਲਾਮੀ ਦੀ ਰਸਮ ਨਿਭਾਈ। ਇਸ ਮੌਕੇ ਲਾਇਨ ਸਬੋਧ ਜਿੰਦਲ ਅਤੇ ਲਾਇਨ ਨੀਨਾ ਜਿੰਦਲ ਨੂੰ ਲਾਇਨਜ਼ ਕਲੱਬ ਦੇ ਨਵੇਂ ਮੈਂਬਰਾਂ ਵਜੋਂ ਸ਼ਾਮਿਲ ਕੀਤਾ ਗਿਆ। ਕਲੱਬ ਦੇ ਸਕੱਤਰ ਲਾਇਨ ਕਮਲ ਕਿਸ਼ੋਰ, ਖ਼ਜ਼ਾਨਚੀ ਲਾਇਨ ਮੁਨੀਸ਼ ਕੁਮਾਰ, ਐਡਮਿਨਿਸਟ੍ਰੇਟਰ ਲਾਇਨ ਵਿਜੈ ਸ਼ਰਮਾ, ਪੀ.ਆਰ.ਓ. ਲਾਇਨ ਡਾ. ਧਰਮ ਸਿੰਘ ਅਤੇ ਡਾਇਰੈਕਟਰ ਲਾਇਨ ਵਿਨੋਦ ਗੁਪਤਾ ਅਤੇ ਲਾਇਨ ਰਿਪਨ ਗੋਇਲ ਸਮੇਤ ਕਲੱਬ ਦੇ ਹੋਰ ਮੈਂਬਰ ਵੀ ਹਾਜ਼ਰ ਸਨ।
