ਖਾਣ ਪੀਣ ਦੀਆਂ ਖ਼ਰਾਬ ਵਸਤੂਆਂ ਵੇਚ ਕੇ ਮੁਨਾਫਾ ਕਰਨ ਵਾਲਿਆਂ ਖਿਲਾਫ਼ ਸਿਹਤ ਵਿਭਾਗ ਸਖ਼ਤ
15 ਕਿਲੋ ਪੁਰਾਣੀਆਂ ਮਠਿਆਈਆਂ ਤੇ 12 ਲੀਟਰ ਚਟਣੀ ਡੋਲ੍ਹ ਕੇ ਕੀਤੀ ਨਸ਼ਟ
ਅੰਮ੍ਰਿਤਸਰ, 21 ਸਤੰਬਰ (ਰੇਸ਼ਮ ਸਿੰਘ)-ਖਾਣ ਪੀਣ ਦੀਆਂ ਨਕਲੀ ਵਸਤੂਆਂ ਵੇਚ ਕੇ ਮੁਨਾਫਾ ਕਮਾ ਰਹੇ ਕਾਰੋਬਾਰੀਆਂ ਦੀ ਹੁਣ ਖ਼ੈਰ ਨਹੀਂ ਜਿਨ੍ਹਾਂ ਖਿਲਾਫ਼ ਸਿਹਤ ਵਿਭਾਗ ਨੇ ਸ਼ਿਕੰਜ਼ਾ ਕੱਸ ਦਿੱਤਾ ਹੈ। ਜ਼ਿਲ੍ਹਾ ਸਿਹਤ ਅਧਿਕਾਰੀ ਡਾ: ਮਨਜੀਤ ਸਿੰਘ ਰਟੌਲ ਨੇ ਦੱਸਿਆ ਕਿ ਦੋ ਦਿਨਾਂ ’ਚ ਫੂਡ ਸੇਫਟੀ ਵਿੰਗ ਦੀਆਂ ਵਿਸੇਸ਼ ਟੀਮਾਂ ਬਣਾ ਕੇ ਕੀਤੀ ਜਾਂਚ ਉਪਰੰਤ ਮਠਿਆਈ ਤੇ ਬੇਕਰੀ ਦੀਆਂ ਕਰੀਬ 25 ਦੁਕਾਨਾਂ ‘ਤੇ ਛਾਪੇਮਾਰੀ ਕੀਤੀ ਗਈ ।
ਅੰਮ੍ਰਿਤਸਰ, 21 ਸਤੰਬਰ (ਰੇਸ਼ਮ ਸਿੰਘ)-ਖਾਣ ਪੀਣ ਦੀਆਂ ਨਕਲੀ ਵਸਤੂਆਂ ਵੇਚ ਕੇ ਮੁਨਾਫਾ ਕਮਾ ਰਹੇ ਕਾਰੋਬਾਰੀਆਂ ਦੀ ਹੁਣ ਖ਼ੈਰ ਨਹੀਂ ਜਿਨ੍ਹਾਂ ਖਿਲਾਫ਼ ਸਿਹਤ ਵਿਭਾਗ ਨੇ ਸ਼ਿਕੰਜ਼ਾ ਕੱਸ ਦਿੱਤਾ ਹੈ। ਜ਼ਿਲ੍ਹਾ ਸਿਹਤ ਅਧਿਕਾਰੀ ਡਾ: ਮਨਜੀਤ ਸਿੰਘ ਰਟੌਲ ਨੇ ਦੱਸਿਆ ਕਿ ਦੋ ਦਿਨਾਂ ’ਚ ਫੂਡ ਸੇਫਟੀ ਵਿੰਗ ਦੀਆਂ ਵਿਸੇਸ਼ ਟੀਮਾਂ ਬਣਾ ਕੇ ਕੀਤੀ ਜਾਂਚ ਉਪਰੰਤ ਮਠਿਆਈ ਤੇ ਬੇਕਰੀ ਦੀਆਂ ਕਰੀਬ 25 ਦੁਕਾਨਾਂ ‘ਤੇ ਛਾਪੇਮਾਰੀ ਕੀਤੀ ਗਈ । ਜਿਸ ਦੌਰਾਨ ਸਫਾਈ ਪੱਖੋਂ ਕਮੀਆਂ ਪਾਏ ਜਾਣ ’ਤੇ 14 ਖਾਧ ਕਾਰੋਬਾਰੀਆਂ ਨੂੰ ਸੁਧਾਰ ਹਿੱਤ ਚੇਤਾਵਨੀ ਨੋਟਿਸ ਦਿੱਤੇ ਗਏ। ਜਦੋਂ ਕਿ 5 ਕਾਰੋਬਾਰੀਆਂ ਦੇ ਖਾਣ ਪੀਣ ਵਾਲੀਆਂ ਥਾਵਾਂ ’ਤੇ ਸਾਫ ਸਫਾਈ ਦੇ ਪ੍ਰਬੰਧ ਨਾਕਸ ਹੋਣ ਕਾਰਨ ਚਲਾਨ ਕੱਟੇ ਗਏ। ਇਸ ਤੋਂ ਇਲਾਵਾ ਬਿਨ੍ਹਾ ਲਾਇਸੰਸ ਕਾਰੋਬਾਰ ਕਰਨ ਵਾਲਿਆਂ ਦੇ ਮਾਮਲੇ ’ਚ ਇਕ ਖਿਲਾਫ਼ ਕੇਸ ਦਰਜ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਟੀਮ ’ਚ ਫੂਡ ਸੇਫਟੀ ਅਫਸਰ ਸਤਨਾਮ ਸਿੰਘ, ਅਮਨਦੀਪ ਸਿੰਘ, ਸਿਮਰਨਜੀਤ ਸਿੰਘ, ਰਜਨੀ ਰਾਣੀ ਤੇ ਕਮਲਦੀਪ ਕੌਰ ਸ਼ਾਮਿਲ ਸਨ ਜਿਨ੍ਹਾ ਵਲੋਂ ਖਾਣ ਪੀਣ ਦਾ ਕੰਮ ਕਰਦੇ ਕਾਰੋਬਾਰੀਆਂ ਨੂੰ ਸਫਾਈ ਦੇ ਸਖ਼ਤ ਨਿਯਮਾਂ ਦੀ ਪਾਲਣਾ ਕਰਨ ਲਈ ਹਦਾਇਤਾਂ ਦਿੱਤੀਆਂ ਗਈਆਂ।
