ਮਹਿੰਦਰਾ ਪਿੱਕਅਪ ਨੇ ਨੌਜਵਾਨ ਨੂੰ ਕੁਚਲਿਆ-ਮੌਕੇ ’ਤੇ ਮੌਤ
ਦੀਨਾਨਗਰ, 2 ਸਤੰਬਰ (ਸ਼ਾਮ ਸਿੰਘ ਘੁੰਮਣ/ਸੋਢੀ/ਸ਼ਰਮਾ)-ਬੀਤੀ ਰਾਤ ਜੀ. ਟੀ ਰੋਡ ਦੀਨਾਨਗਰ ਵਿਖੇ ਕੇਸਰ ਸਿਨੇਮਾ ਨੇੜੇ ਵਾਪਰੇ ਇਕ ਹਾਦਸੇ ਵਿਚ ਮਹਿੰਦਰਾ ਪਿਕਅਪ ਗੱਡੀ ਹੇਠਾਂ ਆਉਣ ਨਾਲ ਨੌਜਵਾਨ ਦੀ ਮੌਤ ਹੋ ਗਈ।
ਦੀਨਾਨਗਰ, 2 ਸਤੰਬਰ (ਸ਼ਾਮ ਸਿੰਘ ਘੁੰਮਣ/ਸੋਢੀ/ਸ਼ਰਮਾ)-ਬੀਤੀ ਰਾਤ ਜੀ.ਟੀ ਰੋਡ ਦੀਨਾਨਗਰ ਵਿਖੇ ਕੇਸਰ ਸਿਨੇਮਾ ਨੇੜੇ ਵਾਪਰੇ ਇਕ ਹਾਦਸੇ ਵਿਚ ਮਹਿੰਦਰਾ ਪਿਕਅਪ ਗੱਡੀ ਹੇਠਾਂ ਆਉਣ ਨਾਲ ਨੌਜਵਾਨ ਦੀ ਮੌਤ ਹੋ ਗਈ। ਮ੍ਰਿਤਕ ਨੌਜਵਾਨ ਦੀ ਪਹਿਚਾਣ ਰਜਤ ਕੁਮਾਰ (26) ਪੁੱਤਰ ਰਾਮ ਮੂਰਤੀ ਵਾਸੀ ਗਾਂਧੀ ਗੇਟ ਦੀਨਾਨਗਰ ਵਜੋਂ ਹੋਈ ਹੈ ਜੋ ਨੇੜਲੀ ਹੀ ਇਕ ਦੁਕਾਨ ’ਤੇ ਕੰਮ ਕਰਦਾ ਸੀ ਅਤੇ ਦੁਕਾਨ ਬੰਦ ਹੋਣ ਮਗਰੋਂ ਘਰ ਪਰਤ ਰਿਹਾ ਸੀ। ਮਿਲੀ ਜਾਣਕਾਰੀ ਅਨੁਸਾਰ ਰਜਤ ਕੁਮਾਰ ਦੁਕਾਨ ਬੰਦ ਕਰਨ ਮਗਰੋਂ ਰਾਤ ਦੱਸ ਵਜੇ ਦੇ ਕਰੀਬ ਸੜਕ ਕੰਢੇ ਇਕ ਹੋਰ ਵਿਅਕਤੀ ਨਾਲ ਖੜਾ ਸੀ ਕਿ ਅਚਾਨਕ ਇਕ ਮਹਿੰਦਰਾ ਪਿਕਅਪ ਪੀ.ਬੀ.35.ਏ.ਪੀ.6882 ਵਲੋਂ ਕੁਚਲ ਦੇਣ ਨਾਲ ਰਜਤ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਹਾਦਸੇ ਮਗਰੋਂ ਗੱਡੀ ਦਾ ਡਰਾਈਵਰ ਮੌਕੇ ਤੋਂ ਭੱਜਣ ’ਚ ਕਾਮਯਾਬ ਰਿਹਾ। ਮੌਕੇ ’ਤੇ ਮੌਜੂਦ ਲੋਕਾਂ ਅਨੁਸਾਰ ਘਟਨਾ ਮਹਿੰਦਰਾ ਪਿਕਅਪ ਦੇ ਡਰਾਈਵਰ ਦੀ ਲਾਪਰਵਾਹੀ ਨਾਲ ਵਾਪਰੀ ਹੈ, ਫਿਲਹਾਲ ਸਾਰੀ ਘਟਨਾ ਸੀ.ਸੀ.ਟੀ.ਵੀ ਕੈਮਰੇ ਵਿਚ ਕੈਦ ਹੋ ਗਈ ਹੈ। ਪੁਲਿਸ ਨੇ ਮੌਕੇ ’ ਤੇ ਪਹੁੰਚ ਕੇ ਲਾਸ਼ ਤੇ ਮਹਿੰਦਰਾ ਪਿਕਅਪ ਗੱਡੀ ਕਬਜੇ ’ਚ ਲੈਣ ਮਗਰੋਂ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
