ਵਰਲਡ ਯੂਨੀਵਰਸਿਟੀ ਵਲੋਂ ਕੰਧਾਰੀ ਬੈਵਰੇਜਿਜ਼ ਪ੍ਰਾਈਵੇਟ ਲਿਮਟਿਡ ਵਿਖੇ ਉਦਯੋਗਿਕ ਦੌਰਾ
ਫ਼ਤਹਿਗੜ੍ਹ ਸਾਹਿਬ, 20 ਸਤੰਬਰ (ਬਲਜਿੰਦਰ ਸਿੰਘ)-ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਰਲਡ ਯੂਨੀਵਰਸਿਟੀ ਦੇ ਕਾਮਰਸ ਅਤੇ ਮੈਨੇਜਮੈਂਟ ਵਿਭਾਗ ਦੇ ਬਿਜ਼ਨਸ ਕਲੱਬ ਵਲੋਂ ਐਮ. ਬੀ.
ਫ਼ਤਹਿਗੜ੍ਹ ਸਾਹਿਬ, 20 ਸਤੰਬਰ (ਬਲਜਿੰਦਰ ਸਿੰਘ)-ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਰਲਡ ਯੂਨੀਵਰਸਿਟੀ ਦੇ ਕਾਮਰਸ ਅਤੇ ਮੈਨੇਜਮੈਂਟ ਵਿਭਾਗ ਦੇ ਬਿਜ਼ਨਸ ਕਲੱਬ ਵਲੋਂ ਐਮ.ਬੀ.ਏ. ਅਤੇ ਐਮ.ਕਾਮ. ਦੇ ਵਿਦਿਆਰਥੀਆਂ ਲਈ ਕੰਧਾਰੀ ਬੈਵਰੇਜਿਜ਼ ਪ੍ਰਾਈਵੇਟ ਲਿਮਟਿਡ ਵਿਖੇ ਇਕ ਰੋਜ਼ਾ ਉਦਯੋਗਿਕ ਦੌਰਾ ਕਰਵਾਇਆ ਗਿਆ। ਇਹ ਦੌਰਾ ਡਾ. ਕੰਚਨ ਰਾਣੀ ਮੁਖੀ ਕਾਮਰਸ ਤੇ ਮੈਨੇਜਮੈਂਟ ਵਿਭਾਗ ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਇਸ ਦਾ ਮੁੱਖ ਮਕਸਦ ਵਿਦਿਆਰਥੀਆਂ ਨੂੰ ਉਦਯੋਗ ਦੇ ਕੰਮਕਾਜ ਨਾਲ ਸਿੱਧੇ ਤੌਰ ’ਤੇ ਜਾਣੂ ਕਰਵਾਉਣਾ ਅਤੇ ਪੜ੍ਹਾਈ ਨੂੰ ਅਮਲੀ ਤਜਰਬੇ ਨਾਲ ਜੋੜਨਾ ਸੀ। ਦੌਰੇ ਦਾ ਤਾਲਮੇਲ ਡਾ. ਨਵਲੀਨ ਕੌਰ ਬਿਜ਼ਨਸ ਕਲੱਬ ਤਾਲਮੇਲ ਵਲੋਂ ਕੀਤਾ ਗਿਆ। ਡਾ. ਰੁਚੀ ਮਲਹੋਤਰਾ ਸੀਨੀਅਰ ਅਧਿਆਪਕ ਅਤੇ ਬਿਜ਼ਨਸ ਕਲੱਬ ਦੀਆਂ ਮੈਂਬਰਾਨ ਨਵਨੀਤ ਕੌਰ ਅਤੇ ਜਪਨੀਤ ਕੌਰ ਵੀ ਵਿਦਿਆਰਥੀਆਂ ਦੀ ਅਗਵਾਈ ਕੀਤੀ। ਵਿਦਿਆਰਥੀਆਂ ਨੇ ਪੀਣ ਵਾਲੇ ਪਦਾਰਥ ਤਿਆਰ ਕਰਨ, ਗੁਣਵੱਤਾ ਦੀ ਪਰਖ, ਸਮਾਨ ਦੀ ਆਵਾਜਾਈ, ਮੰਡੀਕਰਨ, ਮਨੁੱਖੀ ਵਸੀਲਿਆਂ ਦੀ ਸੰਭਾਲ ਅਤੇ ਅਦਾਰੇ ਦੇ ਹੋਰ ਕੰਮਾਂ ਬਾਰੇ ਸਿੱਧੀ ਜਾਣਕਾਰੀ ਹਾਸਲ ਕੀਤੀ। ਇਸ ਦੌਰੇ ਰਾਹੀਂ ਉਨ੍ਹਾਂ ਨੂੰ ਕਿਤਾਬੀ ਗਿਆਨ ਨੂੰ ਅਸਲ ਕੰਮਕਾਜ ਨਾਲ ਜੋੜਨ ਦਾ ਮੌਕਾ ਮਿਲਿਆ। ਵਿਦਿਆਰਥੀਆਂ ਨੇ ਇਸ ਦੌਰੇ ਦੀ ਸਰਾਹਨਾ ਕਰਦਿਆਂ ਕਿਹਾ ਕਿ ਇਸ ਨਾਲ ਉਨ੍ਹਾਂ ਦੇ ਅਮਲੀ ਗਿਆਨ ਅਤੇ ਉਦਯੋਗ ਬਾਰੇ ਸਮਝ ਵਿਚ ਵਾਧਾ ਹੋਇਆ ਹੈ।
