ਡੈਰਿਕ ਇੰਟਰਨੈਸ਼ਨਲ ਸਕੂਲ ਬੰਗਾ ਦੀ ਪ੍ਰਿੰਸੀਪਲ ਨੈਸ਼ਨਲ ਸਕੂਲ ਐਵਾਰਡ ਨਾਲ ਸਨਮਾਨਿਤ

ਅ

ਅਜੀਤ ਡੈਸਕ 09-09-2026

ਬੰਗਾ, 8 ਸਤੰਬਰ (ਧਰਮਵੀਰ ਪਾਲ)-ਡੈਰਿਕ ਇੰਟਰਨੈਸ਼ਨਲ ਸਕੂਲ ਬੰਗਾ ਲਈ ਇਹ ਬੇਹੱਦ ਮਾਣ ਤੇ ਖੁਸ਼ੀ ਦਾ ਮੌਕਾ ਹੈ ਕਿ ਸਕੂਲ ਦੀ ਸਤਿਕਾਰਯੋਗ ਪ੍ਰਿੰਸੀਪਲ ਨੀਨਾ ਭਾਰਦਵਾਜ ਨੂੰ ਸਿੱਖਿਆ ਦੇ ਖੇਤਰ ਵਿਚ ਉਨ੍ਹਾਂ ਦੇ ਸ਼ਾਨਦਾਰ ਯੋਗਦਾਨ, ਦੂਰਦਰਸ਼ੀ ਅਗਵਾਈ ਤੇ ਸਮਰਪਿਤ ਸੇਵਾਵਾਂ ਲਈ ਵਕਾਰੀ ਨੈਸ਼ਨਲ ਸਕੂਲ ਐਵਾਰਡ 2026 ਨਾਲ ਸਨਮਾਨਿਤ ਕੀਤਾ। ਇਸ ਵਕਾਰੀ ਸਮਾਗਮ ਵਿਚ ਦੇਸ਼ ਭਰ ਤੋਂ ਸਿੱਖਿਆਵਿਦਾਂ ਤੇ ਸਿੱਖਿਆ ਜਗਤ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਸ਼ਿਰਕਤ ਕੀਤੀ। ਸਮਾਗਮ ਦੀ ਵਿਸ਼ੇਸ਼ਤਾ ਨੂੰ ਹੋਰ ਵਧਾਉਂਦੇ ਹੋਏ ਸ੍ਰੀਮਤੀ ਨੀਨਾ ਭਾਰਦਵਾਜ ਨੇ ਹੋਰ ਪ੍ਰਸਿੱਧ ਸਿੱਖਿਆਵਿਦਾਂ ਦੇ ਨਾਲ ਪੈਨਲਿਸਟ ਵਜੋਂ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਉਨ੍ਹਾਂ ਨੇ ਆਧੁਨਿਕ ਸਿੱਖਿਆ, ਵਿਦਿਆਰਥੀਆਂ ਦੀਆਂ ਬਦਲਦੀਆਂ ਲੋੜਾਂ ਤੇ ਗੁਣਵੱਤਾਪੂਰਨ ਤੇ ਸਰਬਪੱਖੀ ਸਿੱਖਿਆ ਨਾਲ ਸੰਬੰਧਤ ਮਹੱਤਵਪੂਰਨ ਮੁੱਦਿਆਂ ’ਤੇ ਆਪਣੇ ਵਿਚਾਰ ਪ੍ਰਭਾਵਸ਼ਾਲੀ ਢੰਗ ਨਾਲ ਸਾਂਝੇ ਕੀਤੇ। ਪੈਨਲ ਚਰਚਾ ਦਾ ਵਿਸ਼ਾ ਸੀ ‘ਤਕਨਾਲੋਜੀ: ਏ. ਆਈ. ਅਤੇ ਨਿਵੇਸ਼ ’ਤੇ ਵਾਪਸੀ ਤੇ ਉਪ-ਵਿਸ਼ਾ ਸੀ ‘ਸਮਾਰਟ ਨਿਵੇਸ਼ ਜਾਂ ਮਹਿੰਗਾ ਪ੍ਰਯੋਗ। ਇਹ ਯਕੀਨੀ ਬਣਾਉਣਾ ਕਿ ਤਕਨਾਲੋਜੀ ਸਕੂਲਾਂ ਵਿਚ ਅਸਲ ਤੇ ਪ੍ਰਭਾਵਸ਼ਾਲੀ ਨਤੀਜੇ ਪ੍ਰਦਾਨ ਕਰੇ। ਇਸ ਸ਼ਾਨਦਾਰ ਸਮਾਗਮ ਦੇ ਮੁੱਖ ਮਹਿਮਾਨ ਚਿਰਾਗ ਪਾਸਵਾਨ ਕੇਂਦਰੀ ਫੂਡ ਪ੍ਰੋਸੈਸਿੰਗ ਇੰਡਸਟਰੀਜ਼ ਮੰਤਰੀ ਭਾਰਤ ਸਰਕਾਰ ਸਨ। ਸਮਾਗਮ ਦੇ ਵਿਸ਼ੇਸ਼ ਮਹਿਮਾਨ ਨਿਖਿਲ ਮਿਗਲਾਨੀ ਡਿਪਟੀ ਡਾਇਰੈਕਟਰ ਲੋਕ ਸਭਾ ਸਕੱਤਰੇਤ ਵਲੋਂ ਸ੍ਰੀਮਤੀ ਨੀਨਾ ਭਾਰਦਵਾਜ ਨੂੰ ਵੱਕਾਰੀ ਨੈਸ਼ਨਲ ਸਕੂਲ ਐਵਾਰਡ 2026 ਪ੍ਰਦਾਨ ਕੀਤਾ। ਇਹ ਸਨਮਾਨ ਉਨ੍ਹਾਂ ਦੀ ਦੂਰਦਰਸ਼ੀ ਅਗਵਾਈ, ਸਿੱਖਿਆ ਪ੍ਰਤੀ ਅਤੁੱਟ ਸਮਰਪਣ, ਗੁਣਵੱਤਾਪੂਰਨ ਸਿੱਖਿਆ ਪ੍ਰਤੀ ਵਚਨਬੱਧਤਾ ਤੇ ਵਿਦਿਆਰਥੀਆਂ ਦੇ ਸਰਬਪੱਖੀ ਵਿਕਾਸ ਲਈ ਕੀਤੇ ਜਾ ਰਹੇ ਅਣਥੱਕ ਯਤਨਾਂ ਦਾ ਪ੍ਰਮਾਣ ਹੈ। ਸ੍ਰੀਮਤੀ ਨੀਨਾ ਭਾਰਦਵਾਜ ਨੇ ਕਿਹਾ ਕਿ ਇਹ ਸਨਮਾਨ ਸਿਰਫ਼ ਉਨ੍ਹਾਂ ਦੀ ਨਿੱਜੀ ਉਪਲਬਧੀ ਨਹੀਂ, ਸਗੋਂ ਵਿਦਿਆਰਥੀਆਂ, ਅਧਿਆਪਕਾਂ, ਮਾਪਿਆਂ ਤੇ ਸਕੂਲ ਨਾਲ ਜੁੜੇ ਹਰ ਸਹਿਯੋਗੀ ਦੇ ਸਾਂਝੇ ਯਤਨਾਂ, ਵਿਸ਼ਵਾਸ ਅਤੇ ਸਮਰਪਣ ਨੂੰ ਸਮਰਪਿਤ ਹੈ।

ਪਿਛਲੀ ਖ਼ਬਰ ਪੰਜਾਬ ’ਚ ਕਾਨੂੰਨ ਵਿਵਸਥਾ ਫੇਲ੍ਹ, ਸਰਕਾਰ ਸਿਰਫ ਨਸ਼ਾ ਮੁਕਤੀ ਦਾ ਰਾਗ ਅਲਾਪ ਰਹੀ-ਹੌਬੀ ਧਾਲੀਵਾਲ ਅਗਲੀ ਖ਼ਬਰ ਖੰਡੂਪੁਰ ਵਿਖੇ ਸਾਲਾਨਾ ਨਾਮਵਰ ਛਿੰਝ ਮੇਲੇ ਦੌਰਾਨ ਭਲਕੇ ਹੋਣਗੇ ਚੋਟੀ ਦੇ ਮੁਕਾਬਲੇ

ਡੈਰਿਕ ਇੰਟਰਨੈਸ਼ਨਲ ਸਕੂਲ ਬੰਗਾ ਦੀ ਪ੍ਰਿੰਸੀਪਲ ਨੈਸ਼ਨਲ ਸਕੂਲ ਐਵਾਰਡ ਨਾਲ ਸਨਮਾਨਿਤ

ਸੰਬੰਧਿਤ ਖ਼ਬਰਾਂ