ਨਵਾਂਸ਼ਹਿਰ ਜੈਨ ਸਭਾ ਵਿਖੇ ਸਾਧਿਕਾ ਮਹਾਂਸਾਧਵੀ ਸੁਚੇਤਾ ਮਹਾਰਾਜ ਦਾ ਜਨਮ ਦਿਹਾੜਾ ਮਨਾਇਆ

ਅ

ਅਜੀਤ ਡੈਸਕ 08-09-2026

ਨਵਾਂਸ਼ਹਿਰ, 7 ਸਤੰਬਰ (ਹਰਮਿੰਦਰ ਸਿੰਘ ਪਿੰਟੂ)-ਜੈਨ ਸਭਾ ਨਵਾਂਸ਼ਹਿਰ ਦੇ ਜਨਰਲ ਸਕੱਤਰ ਰਤਨ ਕੁਮਾਰ ਜੈਨ ਨੇ ਦੱਸਿਆ ਕਿ ਮਹਾਂ ਸਾਧਵੀ ਸਵਾਤੀ ਮਹਾਰਾਜ, ਸੁਪ੍ਰਗਿਆ, ਸੁਦੀਪਤੀ ਤੇ ਸੁਵਿਧਾ ਮਹਾਰਾਜ ਦੀ ਮੌਜੂਦਗੀ ਅਤੇ ਪ੍ਰਧਾਨ ਮੁਨੀਸ਼ ਜੈਨ ਦੀ ਅਗਵਾਈ ਵਿਚ ਮਹਾਸਾਧਵੀ ਸੁਚੇਤਾ ਮਹਾਰਾਜ ਦਾ ਪ੍ਰਕਾਸ਼ ਪੁਰਬ ਬੜੀ ਸ਼ਰਧਾ ਭਾਵਨਾ ਨਾਲ ਮਨਾਇਆ। ਇਸ ਮੌਕੇ ਜੈਨ ਮਹਿਲਾ ਸੰਘ ਦੀ ਮੰਤਰੀ ਤ੍ਰਿਪਤਾ ਜੈਨ, ਜੈਨ ਸਭਾ ਦੇ ਮੀਤ ਪ੍ਰਧਾਨ ਰਜਨੀਸ਼ ਜੈਨ ਗੁੱਗੂ ਤੇ ਸੰਦੀਪ ਜੈਨ ਨੇ ਵਜ੍ਰਪੰਜਰ ਮਹਾਸਤੋਤਰ ਦਾ ਜਾਪ ਕੀਤਾ। ਮਹਾਸਾਧਵੀ ਸਵਾਤੀ ਮਹਾਰਾਜ ਨੇ ਦੱਸਿਆ ਕਿ ਇਸ ਸਤੋਤਰ ਦਾ ਜਾਪ ਕਰਨ ਨਾਲ ਹਰ ਤਰ੍ਹਾਂ ਦੇ ਦੁੱਖਾਂ ਤੋਂ ਛੁਟਕਾਰਾ ਮਿਲਦਾ ਹੈ । ਮਹਾਸਾਧਵੀ ਸਵਾਤੀ ਮਹਾਰਾਜ ਨੇ ਸੁਚੇਤਾ ਮਹਾਰਾਜ ਦੇ ਜੀਵਨ ਬਾਰੇ ਦੱਸਿਆ ਕਿ ਉਨ੍ਹਾਂ ਦਾ ਜਨਮ ਸੁਧਾਰ ਪਿੰਡ ਵਿਚ ਹੋਇਆ ਸੀ। ਉਨ੍ਹਾਂ ਨੇ 29 ਸਾਲ ਬ੍ਰਹਮਚਾਰੀ ਦਾ ਪਾਲਣ ਕੀਤਾ ਅਤੇ ਦੋ ਸਾਲ ਪਹਿਲਾਂ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ। ਜਦੋਂ ਸ੍ਰੀ ਨਰੇਂਦਰ ਜੈਨ ਦੇ ਪੁੱਤਰ ਤਪੱਸਵੀ ਸਮਾਜ ਸੇਵਕ ਰੋਹਿਤ ਜੈਨ ਨੇ ਸਿਰਫ਼ ਪਾਣੀ ਪੀ ਕੇ 8 ਦਿਨ ਤਪੱਸਿਆ ਕੀਤੀ, ਤਾਂ ਐਸ. ਐਸ. ਜੈਨ ਸਭਾ ਅਤੇ ਸਾਰੇ ਮੰਡਲਾਂ ਦੇ ਮੈਂਬਰਾਂ ਨੇ ਉਨ੍ਹਾਂ ਨੂੰ ਮਹਿੰਦੀ ਲਗਾਈ ਅਤੇ ਉਨ੍ਹਾਂ ਦੀ ਭਲਾਈ ਦੀ ਕਾਮਨਾ ਕੀਤੀ। ਰਜਨੀਸ਼ ਜੈਨ ਗੁੱਗੂ ਵਲੋਂ ਪ੍ਰਵਚਨ ਵਿਚ ਮੌਜੂਦ ਸਾਰੇ ਗੁਰੂ ਭਗਤਾਂ ਲਈ ਗੌਤਮ ਪ੍ਰਸਾਦੀ ਦਾ ਪ੍ਰਬੰਧ ਕੀਤਾ ਗਿਆ। ਐਸ. ਐਸ. ਜੈਨ ਸਭਾ ਦੇ ਮੁੱਖ ਸਰਪ੍ਰਸਤ ਨੇਮ ਕੁਮਾਰ ਜੈਨ, ਪ੍ਰਧਾਨ ਮਨੀਸ਼ ਜੈਨ, ਜਨਰਲ ਸਕੱਤਰ ਰਤਨ ਕੁਮਾਰ ਜੈਨ, ਖਜ਼ਾਨਚੀ ਰਾਕੇਸ਼ ਜੈਨ ਬੱਬੀ, ਸਲਾਹਕਾਰ ਅਚਲ ਜੈਨ, ਸਰਪ੍ਰਸਤ ਜਵਾਹਰ ਲਾਲ ਜੈਨ ਅਤੇ ਹੋਰ ਮੈਂਬਰਾਂ ਨੇ ਤਪੱਸਵੀਆਂ ਰੋਹਿਤ ਜੈਨ, ਤ੍ਰਿਪਤਾ ਜੈਨ, ਰਜਨੀਸ਼ ਜੈਨ, ਮਨੀਸ਼ ਜੈਨ, ਸੰਦੀਪ ਜੈਨ, ਰੇਖਾ ਜੈਨ, ਨਮਿਤਾ ਜੈਨ, ਸ਼ਿਵਾਲੀ ਜੈਨ ਨੂੰ ਹਾਰ ਪਾ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਜੈਨ ਯੁਵਤੀ ਮੰਡਲ ਦੀ ਮੁਖੀ ਰਿਤੂ ਜੈਨ, ਮੀਨਾਕਸ਼ੀ ਜੈਨ, ਜਯੋਤਿਸ਼ਾ ਜੈਨ, ਕ੍ਰਿਤੀ ਜੈਨ, ਦੀਪਿਕਾ ਜੈਨ, ਸੰਪਦਾ ਜੈਨ, ਸ਼ਰੂਤੀ ਜੈਨ, ਚਿਰਾਂਸ਼ੀ ਜੈਨ, ਲਘਵ ਜੈਨ ਵਲੋਂ ਮਹਾਂ ਸਾਧਵੀ ਸੁਚੇਤਾ ਮਹਾਰਾਜ ਦੇ ਜਨਮ ਅਤੇ ਜੀਵਨ ’ਤੇ ਆਧਾਰਿਤ ਸੁੰਦਰ ਨਾਟਕ ਪੇਸ਼ ਕੀਤਾ। ਪ੍ਰਵਚਨ ਦੇ ਅੰਤ ਵਿਚ ਮਹਾਂ ਸਾਧਵੀ ਸਵਾਤੀ ਮਹਾਰਾਜ ਨੇ ਮੰਗਲ ਪਾਠ ਦਾ ਪਾਠ ਕੀਤਾ।

ਪਿਛਲੀ ਖ਼ਬਰ ਡੇਰਾ ਬਾਬਾ ਇੰਦਰ ਦਾਸ ਵਿਖੇ ਕਲਸ਼ ਯਾਤਰਾ ਕੱਢੀ ਅਗਲੀ ਖ਼ਬਰ ਭੱਲਾ ਬੇਟ ਤੇ ਕੁਹਾਰ ਮੰਡ ਦੇ ਸਰਬਪੱਖੀ ਵਿਕਾਸ ਲਈ 5 ਲੱਖ ਰੁਪਏ ਦੇ ਗ੍ਰਾਂਟ ਚੈੱਕ ਭੇਟ

ਨਵਾਂਸ਼ਹਿਰ ਜੈਨ ਸਭਾ ਵਿਖੇ ਸਾਧਿਕਾ ਮਹਾਂਸਾਧਵੀ ਸੁਚੇਤਾ ਮਹਾਰਾਜ ਦਾ ਜਨਮ ਦਿਹਾੜਾ ਮਨਾਇਆ

ਸੰਬੰਧਿਤ ਖ਼ਬਰਾਂ