ਖ਼ੁਰਾਕ ਫੈਕਟਰੀ ਦੇ ਡਰਾਈਵਰ ਤੋਂ ਖੋਹੀ 38 ਹਜ਼ਾਰ ਦੀ ਰਕਮ ਪੁਲਿਸ ਵਲੋਂ ਬਰਾਮਦ

ਗੁਰੂਸਰ ਸੁਧਾਰ, 28 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ) ਚਾਚਾ ਕੈਟਲ ਫੀਡ ਪਸ਼ੂ ਖ਼ੁਰਾਕ ਫੈਕਟਰੀ ਜਾਂਗਪੁਰ ਰੋਡ ਮੁੱਲਾਂਪੁਰ ਦੇ ਡਰਾਈਵਰ ਹਰਬੰਸ ਸਿੰਘ ਤੋਂ ਕਿਰਪਾਨ ਦਿਖਾ ਕੇ ਡਰਾਉਣ ਉਪਰੰਤ 38 ਹਜ਼ਾਰ ਦੀ ਨਕਦੀ ਖੋਹ ਕਰਨ ਵਾਲੇ ਕਥਿਤ ਦੋਸ਼ੀਆਂ ਤੋਂ ਉਕਤ ਰਕਮ ਥਾਣਾ ਸੁਧਾਰ ਪੁਲਿਸ ਦੇ ਸਹਾਇਕ ਥਾਣੇਦਾਰ ਗੀਤਇੰਦਰਪਾਲ ਸਿੰਘ ਨੇ ਬਰਾਮਦ ਕਰ ਲਈ ਹੈ। ਤਫ਼ਤੀਸ਼ੀ ਅਫ਼ਸਰ ਗੀਤਇੰਦਰਪਾਲ ਸਿੰਘ ਨੇ ਦੱਸਿਆ ਕਿ ਕਥਿਤ ਦੋਸ਼ੀਆਂ ਨੂੰ ਮਾਣਯੋਗ ਅਦਾਲਤ ਪਾਸੋਂ ਰਿਮਾਂਡ ਉਪਰ ਲਿਆ ਹੋਇਆ ਹੈ ਤੇ ਇਸ ਦੌਰਾਨ ਹੀ ਉਨ੍ਹਾਂ ਕੋਲੋਂ ਖੋਹ ਕੀਤੀ ਉਕਤ 38 ਹਜ਼ਾਰ ਦੀ ਨਕਦੀ ਬਰਾਮਦ ਕਰ ਲਈ ਗਈ ਹੈ।