ਅੱਜ ਤੋਂ ਦਿੱਲੀ ’ਚ ਨਹੀਂ ਦਾਖ਼ਲ ਹੋ ਸਕਣਗੇ ਗੈਰ ਬੀ.ਐਸ.-6 ਵਾਹਨ

ਨਵੀਂ ਦਿੱਲੀ, 31 ਅਕਤੂਬਰ (ਜਗਤਾਰ ਸਿੰਘ)-ਨਵੀਂ ਦਿੱਲੀ ’ਚ 1 ਨਵੰਬਰ 2026 ਤੋਂ 31 ਜਨਵਰੀ 2027 ਤੱਕ ਕਈ ਤਰ੍ਹਾਂ ਦੇ ਵਾਹਨਾਂ ਦੇ ਦਾਖ਼ਲੇ ’ਤੇ ਪਾਬੰਦੀਆਂ ਲਗਾਈਆਂ ਹਨ। ਹਦਾਇਤਾਂ ਮੁਤਾਬਿਕ ਦਿੱਲੀ ਤੋਂ ਬਾਹਰ (ਜਿਵੇਂ ਨੋਇਡਾ, ਗੁਰੂਗ੍ਰਾਮ, ਫ਼ਰੀਦਾਬਾਦ, ਗਾਜ਼ੀਆਬਾਦ ਆਦਿ) ਰਜਿਸਟਰਡ ਉਹ ਸਾਰੀਆਂ ਗੱਡੀਆਂ ਜੋ ਬੀ.ਐਸ.-6 ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦੀਆਂ, ਦੂਜੇ ਸੂਬਿਆਂ ਤੋਂ ਆਉਣ ਵਾਲੀਆਂ ਇੰਟਰਸਟੇਟ ਡੀਜ਼ਲ ਬੱਸਾਂ ਜੋ ਬੀ.ਐਸ.-6 ਮਿਆਰਾਂ ਤੋਂ ਘੱਟ ਹਨ, ਤੋਂ ਇਲਾਵਾ ਖੇਤੀਬਾੜੀ ਟਰੈਕਟਰ ਅਤੇ ਸਥਾਨਕ ਤੌਰ ’ਤੇ ਅਸੈਂਬਲ ਕੀਤੇ ਗਏ ਜੁਗਾੜ ਵਾਹਨ ਅਤੇ ਬੀ.ਐਸ.-6 ਗੱਡੀ ਹੋਣ ਦੇ ਬਾਵਜੂਦ ਜੇਕਰ ਵੈਧ ਪ੍ਰਦੂਸ਼ਣ ਸਰਟੀਫਿਕੇਟ ਨਹੀਂ ਹੈ, ਦੇ ਦਿੱਲੀ ’ਚ ਦਾਖ਼ਲੇ ’ਤੇ ਮੁਕੰਮਲ ਰੋਕ ਰਹੇਗੀ।