ਜਲੰਧਰ, 17 ਅਕਤੂਬਰ (ਸ਼ਿਵ)-ਵੈੱਸਟ ਹਲਕੇ ਵਿਚ ਧਾਰਮਿਕ ਅਤੇ ਸਮਾਜਿਕ ਜਥੇਬੰਦੀਆਂ ਵੱਲੋਂ ਬਾਬੂ ਜਗਜੀਵਨ ਰਾਮ ਚੌਕ ਤੋਂ ਲੈ ਕੇ ਫੁੱਟਬਾਲ ਚੌਕ ਤੱਕ ਰੋਸ ਮਾਰਚ ਕੱਢਿਆ ਗਿਆ | ਚੀਫ਼ ਜਸਟਿਸ ਦੇ ਅਪਮਾਨ ਅਤੇ ਵਾਈ. ਪੂਰਨ ਕੁਮਾਰ ਨੂੰ ਖ਼ੁਦਕੁਸ਼ੀ ਕਰਨ ਕਰਕੇ ਇਹ ਰੋਸ ਮਾਰਚ ਕੱਢਿਆ ਗਿਆ | ਇਸ ਮੌਕੇ ਵਾਈ. ਪੂਰਨ ਕੁਮਾਰ ਨੂੰ ਸ਼ਰਧਾਂਜਲੀ ਦੇ ਕੇ ਸਰਕਾਰ ਦਾ ਪੁਤਲਾ ਸਾੜਿਆ ਗਿਆ | ਇਸ ਮੌਕੇ ਲੋਕਾਂ ਵੱਲੋਂ ਦੋਵੇਂ ਘਟਨਾਵਾਂ ਨੂੰ ਲੈ ਕੇ ਨਿੰਦਾ ਪ੍ਰਸਤਾਵ ਪਾਸ ਕੀਤਾ ਗਿਆ | ਸਾਰੇ ਬੁਲਾਰਿਆਂ ਨੇ ਆਪਣੇ ਸੰਬੋਧਨ ਵਿਚ ਕੇਂਦਰ ਅਤੇ ਹਰਿਆਣਾ ਸਰਕਾਰ ਦੀਆਂ ਦਲਿਤ ਵਿਰੋਧੀ ਨੀਤੀਆਂ ਦੀ ਨਿੰਦਾ ਕੀਤੀ ਗਈ | ਇਸ ਮੌਕੇ ਕੌਂਸਲਰ ਪਵਨ ਕੁਮਾਰ, ਕੌਂਸਲਰ ਮੁਨੀਸ਼, ਗੁਲਜ਼ਾਰੀ ਲਾਲ ਸਾਰੰਗਲ, ਅਸ਼ਵਨੀ ਜੰਗਰਾਲ, ਕਮਲ ਲੋਚ, ਸਵਰਨ ਦਾਸ, ਵੀ. ਕੇ. ਸਾਰੰਗਲ, ਸੁਰਿੰਦਰ ਚੌਧਰੀ, ਮੰਗਾ ਰਾਮ ਸਾਰੰਗਲ, ਨਰੇਸ਼ ਕਾਕਾ, ਬਲਵਿੰਦਰ ਬੁੱਲ੍ਹੀ, ਦਰਸ਼ਨ ਜਰੇਵਾਲ, ਸ਼ਾਲੂ ਜਰੇਵਾਲ, ਪ੍ਰਭਦਿਆਲ ਭਗਤ, ਅਵਤਾਰ ਵਿਰਦੀ, ਗੁਰਪ੍ਰਸਾਦ, ਰਤਨ ਲਾਲ ਮੀਣੀਆ, ਐਡਵੋਕੇਟ ਰਾਜੇਸ਼ ਧੂਪਰ, ਗੁਰਦੀਪ, ਕੇਵਲ ਕ੍ਰਿਸ਼ਨ, ਰਮੇਸ਼ ਕੁਮਾਰ, ਵਿਸ਼ੂ ਦੇਵ ਤੇ ਹੋਰ ਹਾਜ਼ਰ ਸਨ |
