22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 22-11-2026

ਅਲਾਸਕਾ ’ਚ ਸੈਨੇਟ ਚੋਣਾਂ ਦੀ ਜੇਤੂ ਪੈਲਟੋਲਾ ਦੀ ਚੋਣ ਮੁਹਿੰਮ ਸੰਘੀ ਜਾਂਚ ਦੇ ਘੇਰੇ ’ਚ

ਨਿਊਯਾਰਕ, 21 ਨਵੰਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਅਲਾਸਕਾ ਦੀ ਸੈਨੇਟ ਚੋਣ ਵਿਚ ਡੈਮੋਕ੍ਰੇਟ ਮੈਰੀ ਪੈਲਟੋਲਾ ਦੀ ਜਿੱਤ ਸਾਹਮਣੇ ਆਉਣ ਮਗਰੋਂ ਵੀ ਸਿਆਸੀ ਖਿੱਚੋਤਾਣ ਮੁੱਕੀ ਨਹੀਂ ਹੈ। ਹਾਰਨ ਵਾਲੇ ਰਿਪਬਲਿਕਨ ਸੈਨੇਟਰ ਡੈਨ ਸਲੀਵਨ ਨੇ ਵੋਟਰਾਂ ਨੂੰ ਭੁਲੇਖੇ ਵਿਚ ਪਾਉਣ ਦੀ ਸਾਜ਼ਿਸ਼ ਦੇ ਦੋਸ਼ ਲਾਏ ...

Ad Position 21
No active advertisement
ਅਜੀਤ ਡੈਸਕ 22-11-2026

ਨਿਊਯਾਰਕ, 21 ਨਵੰਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਅਲਾਸਕਾ ਦੀ ਸੈਨੇਟ ਚੋਣ ਵਿਚ ਡੈਮੋਕ੍ਰੇਟ ਮੈਰੀ ਪੈਲਟੋਲਾ ਦੀ ਜਿੱਤ ਸਾਹਮਣੇ ਆਉਣ ਮਗਰੋਂ ਵੀ ਸਿਆਸੀ ਖਿੱਚੋਤਾਣ ਮੁੱਕੀ ਨਹੀਂ ਹੈ। ਹਾਰਨ ਵਾਲੇ ਰਿਪਬਲਿਕਨ ਸੈਨੇਟਰ ਡੈਨ ਸਲੀਵਨ ਨੇ ਵੋਟਰਾਂ ਨੂੰ ਭੁਲੇਖੇ ਵਿਚ ਪਾਉਣ ਦੀ ਸਾਜ਼ਿਸ਼ ਦੇ ਦੋਸ਼ ਲਾਏ ਹਨ। ਇਸੇ ਮਾਮਲੇ ਵਿਚ ਪੈਲਟੋਲਾ ਦੀ ਚੋਣ ਮੁਹਿੰਮ ਤੇ ਡੈਮੋਕ੍ਰੇਟਿਕ ਸੈਨੇਟ ਚੋਣ ਕਮੇਟੀ ਦੀ ਭੂਮਿਕਾ ਦੀ ਵੱਡੇ ਪੱਧਰ ਉੱਤੇ ਸੰਘੀ ਜਾਂਚ ਚੱਲ ਰਹੀ ਹੈ। ਵਿਵਾਦ ਡੈਨੀਅਲ ਜੇ. ਸਲੀਵਨ ਨਾਂਅ ਦੇ ਇਕ ਹੋਰ ਉਮੀਦਵਾਰ ਨੂੰ ਚੋਣ ਮੈਦਾਨ ਵਿਚ ਉਤਾਰਨ ਨੂੰ ਲੈ ਕੇ ਹੈ।

ਦੋਸ਼ ਹੈ ਕਿ ਮੌਜੂਦਾ ਸੈਨੇਟਰ ਨਾਲ ਮਿਲਦਾ-ਜੁਲਦਾ ਨਾਂਅ ਹੋਣ ਕਾਰਨ ਉਸ ਨੂੰ ਵੋਟਰਾਂ ਵਿਚ ਭੁਲੇਖਾ ਪਾਉਣ ਲਈ ਚੋਣ ਲੜਾਈ ਗਈ। ਪੈਲਟੋਲਾ ਅਤੇ ਪਾਰਟੀ ਦੀ ਸੈਨੇਟ ਚੋਣ ਕਮੇਟੀ ਨੇ ਇਸ ਯੋਜਨਾ ਵਿਚ ਸ਼ਾਮਲ ਹੋਣ ਤੋਂ ਇਨਕਾਰ ਕੀਤਾ ਹੈ। ਰਿਪੋਰਟਾਂ ਮੁਤਾਬਕ ਜਾਂਚ ਲਈ ਘੱਟੋ-ਘੱਟ 50 ਐੱਫ.ਬੀ.ਆਈ. ਏਜੰਟ ਤੇ ਨਿਆਂ ਵਿਭਾਗ ਦੇ ਇਕ ਦਰਜਨ ਤੋਂ ਵੱਧ ਵਕੀਲ ਲਾਏ ਗਏ ਹਨ। ਪੰਜ ਖੇਤਰੀ ਦਫ਼ਤਰ ਜਾਂਚ ਵਿਚ ਜੁਟੇ ਹੋਏ ਹਨ। ਜਾਣਕਾਰੀ ਅਤੇ ਦਸਤਾਵੇਜ਼ ਹਾਸਲ ਕਰਨ ਲਈ 200 ਤੋਂ ਵੱਧ ਸੰਮਨ ਜਾਰੀ ਕੀਤੇ ਗਏ ਹਨ, ਜਦਕਿ ਕਰੀਬ 100 ਪੱਤਰ ਭੇਜ ਕੇ ਸੰਬੰਧਿਤ ਲੋਕਾਂ ਨੂੰ ਰਿਕਾਰਡ ਸੰਭਾਲ ਕੇ ਰੱਖਣ ਲਈ ਕਿਹਾ ਗਿਆ ਹੈ।

ਅਲਾਸਕਾ ’ਚ ਇਕ ਸੰਘੀ ਗ੍ਰੈਂਡ ਜਿਊਰੀ ਵੀ ਸਬੂਤਾਂ ਦੀ ਸਮੀਖਿਆ ਕਰ ਰਹੀ ਹੈ। ਦੱਸੇ ਗਏ ਚੋਣ ਅੰਕੜਿਆਂ ਅਨੁਸਾਰ ਪੈਲਟੋਲਾ ਨੂੰ 1,44,486 ਤੇ ਡੈਨ ਸਲੀਵਨ ਨੂੰ 1,31,965 ਵੋਟਾਂ ਮਿਲੀਆਂ। ਦੋਵਾਂ ਵਿਚਕਾਰ 12,521 ਵੋਟਾਂ ਦਾ ਫ਼ਰਕ ਹੈ। ਡੈਨੀਅਲ ਜੇ. ਸਲੀਵਨ ਸਮੇਤ ਬਾਕੀ ਛੋਟੇ ਉਮੀਦਵਾਰਾਂ ਨੂੰ ਮਿਲਾ ਕੇ 5,561 ਵੋਟਾਂ ਪਈਆਂ, ਜੋ ਇਸ ਫ਼ਰਕ ਤੋਂ ਘੱਟ ਹਨ। ਹਾਲਾਂਕਿ ਜਾਂਚ ਦਾ ਸਵਾਲ ਇਹ ਹੈ ਕਿ ਉਮੀਦਵਾਰ ਨੂੰ ਮੈਦਾਨ ’ਚ ਉਤਾਰਨ ਦੇ ਯਤਨਾਂ ਦੌਰਾਨ ਕੋਈ ਕਾਨੂੰਨ ਤੋੜਿਆ ਗਿਆ ਸੀ ਜਾਂ ਨਹੀਂ। ਪੈਲਟੋਲਾ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਅਜਿਹੇ ਕਿਸੇ ਯਤਨ ਬਾਰੇ ਜਾਣਕਾਰੀ ਨਹੀਂ ਸੀ ਅਤੇ ਉਹ ਵੋਟਰਾਂ ਨੂੰ ਧੋਖੇ ’ਚ ਪਾ ਕੇ ਚੋਣ ਜਿੱਤਣ ਵਿੱਚ ਵਿਸ਼ਵਾਸ ਨਹੀਂ ਰੱਖਦੀ। ਉਧਰ ਸਲੀਵਨ ਦਾ ਦੋਸ਼ ਹੈ ਕਿ ਇਹ ਯੋਜਨਾ ਲੰਮੇ ਸਮੇਂ ਤੋਂ ਗੁਪਤ ਢੰਗ ਨਾਲ ਚਲਾਈ ਜਾ ਰਹੀ ਸੀ।

Ad Position 22
No active advertisement
ਪਿਛਲੀ ਖ਼ਬਰ ਸਕੁਐਮਿਸ਼ ਨੇੜੇ ਕਿਸ਼ਤੀ ਪਲਟਣ ਕਾਰਨ 29 ਸਾਲਾ ਮੁਟਿਆਰ ਦੀ ਮੌਤ ਅਗਲੀ ਖ਼ਬਰ ਮੈਕਸੀਕੋ ਵਲੋਂ ਨਸ਼ਾ ਤਸਕਰ ‘ਐਲ ਚਾਪੋ ਇਸਿਦਰੋ’ ਗ੍ਰਿਫ਼ਤਾਰ
Ad Position 24