ਨਿਪਾਲ: 9 ਦਿਨਾਂ ਬਾਅਦ ਸੁਰੰਗ ਵਿਚੋਂ ਜ਼ਿੰਦਾ ਮਿਲੇ 2 ਮਜ਼ਦੂਰ

ਕਾਠਮੰਡੂ, 4 ਸਤੰਬਰ- ਨਿਪਾਲ ਹੜ੍ਹਾਂ ਦੇ ਦਸ ਦਿਨਾਂ ਬਾਅਦ ਤ੍ਰਿਸ਼ੂਲੀ-3 'ਏ' ਹਾਈਡ੍ਰੋਪਾਵਰ ਪ੍ਰੋਜੈਕਟ ਦੀ ਸੁਰੰਗ ਵਿਚੋਂ ਦੋ ਮਜ਼ਦੂਰਾਂ ਨੂੰ ਜ਼ਿੰਦਾ ਬਚਾਇਆ ਗਿਆ। ਬਚਾਅ ਟੀਮਾਂ ਨੇ ਸ਼ੁੱਕਰਵਾਰ ਸਵੇਰੇ ਉਨ੍ਹਾਂ ਨੂੰ ਸੁਰੱਖਿਅਤ ਬਾਹਰ ਕੱਢਿਆ। ਉਨ੍ਹਾਂ ਦੀ ਪਛਾਣ ਸੰਜੇ ਸਾਹ ਅਤੇ ਕਬੀਰ ਮਹਾਰਜਨ ਵਜੋਂ ਹੋਈ। ਹੜ੍ਹਾਂ ਤੋਂ ਬਾਅਦ ਸੁਰੰਗ ਵਿਚ 42 ਮਜ਼ਦੂਰਾਂ ਦੇ ਫਸਣ ਦੀ ਰਿਪੋਰਟ ਹੈ। ਦੋ ਵਿਅਕਤੀਆਂ ਦੇ ਜ਼ਿੰਦਾ ਮਿਲਣ ਨਾਲ ਬਚਾਅ ਕਾਰਜ ਲਈ ਉਮੀਦਾਂ ਜਗੀਆਂ ਹਨ।

ਬਚਾਅ ਕਾਰਜ ਦੌਰਾਨ ਸੁਰੰਗ ਦੇ ਅੰਦਰੋਂ ਮਨੁੱਖੀ ਆਵਾਜ਼ਾਂ ਸੁਣੀਆਂ ਗਈਆਂ। ਇਸ ਤੋਂ ਬਾਅਦ ਨਿਪਾਲ ਫੌਜ ਅਤੇ ਹਥਿਆਰਬੰਦ ਪੁਲਿਸ ਬਲ ਦੀਆਂ ਟੀਮਾਂ ਸੁਰੰਗ ਵਿਚ ਦਾਖਲ ਹੋਈਆਂ ਅਤੇ ਖੋਜ ਤੇਜ਼ ਕਰ ਦਿੱਤੀ। ਹੜ੍ਹਾਂ ਕਾਰਨ 5,300 ਤੋਂ ਵੱਧ ਲੋਕ ਲਾਪਤਾ ਹਨ। ਹੁਣ ਤੱਕ 1,259 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦੋਂ ਕਿ ਰਾਹਤ ਅਤੇ ਬਚਾਅ ਟੀਮਾਂ ਨੇ 12,038 ਲੋਕਾਂ ਨੂੰ ਬਚਾਇਆ ਹੈ।