ਅਸ਼ੋਕ ਮਿੱਤਲ ਵਲੋਂ ਪੁਰਸ਼ਾਂ ਲਈ ਰਾਸ਼ਟਰੀ ਕਮਿਸ਼ਨ ਬਣਾਉਣ ਦੀ ਮੰਗ
ਚੰਡੀਗੜ੍ਹ, 30 ਅਗਸਤ (ਪੀ. ਟੀ.
ਚੰਡੀਗੜ੍ਹ, 30 ਅਗਸਤ (ਪੀ.ਟੀ.ਆਈ.)-ਰਾਜ ਸਭਾ ਮੈਂਬਰ ਅਸ਼ੋਕ ਕੁਮਾਰ ਮਿੱਤਲ ਨੇ ਪੁਰਸ਼ਾਂ ਲਈ ਰਾਸ਼ਟਰੀ ਕਮਿਸ਼ਨ ਸਥਾਪਤ ਕਰਨ ਲਈ ਗੰਭੀਰ ਰਾਸ਼ਟਰੀ ਚਰਚਾ ਦੀ ਮੰਗ ਕੀਤੀ ਹੈ, ਜਿਸ ’ਚ ਖੋਜਕਰਤਾਵਾਂ, ਕਾਨੂੰਨੀ ਮਾਹਿਰਾਂ, ਕੌਂਸਲਰਾਂ, ਸਮਾਜਿਕ ਕਾਰਕੁਨਾਂ ਤੇ ਨੀਤੀ-ਨਿਰਧਾਰਕਾਂ ਨੂੰ ਇਕੱਠਾ ਕਰਕੇ ਪੁਰਸ਼ਾਂ ਨੂੰ ਪ੍ਰਭਾਵਿਤ ਕਰਨ ਵਾਲੇ ਮੁੱਦਿਆਂ ਦਾ ਵਿਵਸਥਿਤ ਅਧਿਐਨ ਕੀਤਾ ਜਾਵੇ। ਏਕਮ ਨਿਆਏ ਫਾਊਂਡੇਸ਼ਨ ਦੀ ਰਿਪੋਰਟ, ਜਿਸ ਦਾ ਸਿਰਲੇਖ ਹੈ ‘ਪਤਨੀ ਵਲੋਂ ਪਤੀ ਦਾ ਕਤਲ ਅਤੇ ਮਰਦਾਂ ਵਲੋਂ ਖੁਦਕੁਸ਼ੀ: 2024 ਅਤੇ 2025 ਵਿਚ ਮੀਡੀਆ ਵਿੱਚ ਰਿਪੋਰਟ ਕੀਤੀਆਂ ਗਈਆਂ ਘਟਨਾਵਾਂ ਦਾ ਇਕ ਖੋਜ ਰਿਪੋਰਟ ਅਤੇ ਵਿਸ਼ਲੇਸ਼ਣ’ 2024 ਵਿਚ ਪਤੀ/ਸਾਥੀ ਵਲੋਂ ਕਤਲ ਦੇ 244 ਅਤੇ 2025 ਵਿਚ 419 ਮਾਮਲਿਆਂ ਦਾ ਵੇਰਵਾ ਦਿੰਦੀ ਹੈ, ਜਦੋਂਕਿ 2024 ਵਿਚ ਪਤੀ/ਸਾਥੀ ਵਲੋਂ ਖੁਦਕੁਸ਼ੀ ਦੇ 277 ਮਾਮਲੇ ਅਤੇ 2025 ਵਿਚ 426 ਮਾਮਲੇ ਦਰਜ ਕੀਤੇ ਗਏ ਸਨ।ਮਿੱਤਲ ਨੇ ਕਿਹਾ ਕਿ ਇਹ ਚਰਚਾ ਪੁਰਸ਼ਾਂ ਅਤੇ ਔਰਤਾਂ ਵਿਚਕਾਰ ਮੁਕਾਬਲਾ ਪੈਦਾ ਕਰਨ ਬਾਰੇ ਨਹੀਂ ਸੀ, ਸਗੋਂ ਇਹ ਯਕੀਨੀ ਬਣਾਉਣ ਬਾਰੇ ਸੀ ਕਿ ਹਰ ਨਾਗਰਿਕ ਦੀਆਂ ਅਸਲ ਚਿੰਤਾਵਾਂ ਸੁਣੀਆਂ ਜਾਣ।
