ਵਕਾਲਤ ਦੇ ਖੇਤਰ ’ਚ 50 ਸਾਲਾਂ ਦੀਆਂ ਸ਼ਾਨਦਾਰ ਸੇਵਾਵਾਂ ਪੂਰੀਆਂ ਕਰਨ ’ਤੇ ਐਡਵੋਕੇਟ ਗਿੱਲ ਤੇ ਐਡਵੋਕੇਟ ਮਣੀ ਦਾ ਸਨਮਾਨ

ਫਿਲੌਰ, 10 ਨਵੰਬਰ (ਸਤਿੰਦਰ ਸ਼ਰਮਾ)-ਐਡਵੋਕੇਟ ਪ੍ਰਸ਼ੋਤਮ ਸਿੰਘ ਗਿੱਲ ਤੇ ਐਡਵੋਕੇਟ ਚੰਦਰ ਮਣੀ ਵਲੋਂ ਵਕਾਲਤ ਦੇ ਖੇਤਰ ’ਚ 50 ਸਾਲਾਂ ਦਾ ਸ਼ਾਨਦਾਰ ਤੇ ਮਾਣਮੱਤਾ ਸਫ਼ਰ ਪੂਰਾ ਕਰਨ ’ਤੇ ਬਾਰ ਐਸੋਸੀਏਸ਼ਨ ਫਿਲੌਰ ਵਲੋਂ ਇਕ ਪ੍ਰਭਾਵਸ਼ਾਲੀ ਸਮਾਗਮ ਅਯੋਜਤ ਕੀਤਾ ਗਿਆ। ਐਡਵੋਕੇਟ ਗਿੱਲ ਤੇ ਐਡਵੋਕੇਟ ਚੰਦਰ ਮਣੀ ਨੂੰ ਵਧਾਈ ਦਿੰਦੇ ਹੋਏ ਬਾਰ ਦੇ ਪ੍ਰਧਾਨ ਐਡਵੋਕੇਟ ਅਜੈ ਫਿਲੌਰ ਨੇ ਕਿਹਾ ਕਿ ਦੋਵੇਂ ਸੀਨੀਅਰ ਵਕੀਲਾਂ ਵਲੋਂ ਕਾਨੂੰਨੀ ਖੇਤਰ ’ਚ 5 ਦਹਾਕਿਆਂ ਤੱਕ ਨਿਭਾਈਆਂ ਗਈਆਂ ਸੇਵਾਵਾਂ ਬੇਹੱਦ ਮਾਣ ਤੇ ਸਤਿਕਾਰ ਵਾਲੀ ਗੱਲ ਹੈ।