8 ਹੁੱਕੇ ਤੇ 120 ਲੀਟਰ ਨਾਜਾਇਜ਼ ਡ੍ਰਾਓਟ ਬੀਅਰ ਬਰਾਮਦ, ਮਾਲਕ ਗ੍ਰਿਫ਼ਤਾਰ
ਮਕਸੂਦਾਂ, 11 ਸਤੰਬਰ (ਸੌਰਵ ਮਹਿਤਾ) : ਕਮਿਸ਼ਨਰੇਟ ਪੁਲਿਸ ਵੱਲੋਂ ਨਾਜਾਇਜ਼ ਕਾਰੋਬਾਰਾਂ ਖ਼ਿਲਾਫ਼ ਚਲਾਈ ਜਾ ਰਹੀ ਮੁਹਿੰਮ ਤਹਿਤ ਥਾਣਾ ਡਵੀਜ਼ਨ ਨੰਬਰ 8 ਦੀ ਪੁਲਿਸ ਨੇ ਪਠਾਨਕੋਟ ਚੌਂਕ ਵਿਖੇ ਬਿਨਾਂ ਲਾਇਸੈਂਸ ਚੱਲ ਰਹੇ ਹੁੱਕਾ ਬਾਰ ’ਤੇ ਛਾਪਾ ਮਾਰ ਕੇ 8 ਹੁੱਕੇ ਅਤੇ 120 ਲੀਟਰ ਨਾਜਾਇਜ਼ ਡ੍ਰਾਓਟ ਬੀਅਰ ਬਰਾਮਦ ਕੀਤੀ ਹੈ। ਪੁਲਿਸ ਨੇ ਹੁੱਕਾ ਬਾਰ ਦੇ ਮਾਲਕ ਸ਼ਿਵਾ ਠਾਕੁਰ ਪੁੱਤਰ ਵਿਜੈ ਕੁਮਾਰ ਵਾਸੀ ਰੇਲਵੇ ਰੋਡ, ਧੰਨ ਮੁਹੱਲਾ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਮਕਸੂਦਾਂ, 11 ਸਤੰਬਰ (ਸੌਰਵ ਮਹਿਤਾ) : ਕਮਿਸ਼ਨਰੇਟ ਪੁਲਿਸ ਵੱਲੋਂ ਨਾਜਾਇਜ਼ ਕਾਰੋਬਾਰਾਂ ਖ਼ਿਲਾਫ਼ ਚਲਾਈ ਜਾ ਰਹੀ ਮੁਹਿੰਮ ਤਹਿਤ ਥਾਣਾ ਡਵੀਜ਼ਨ ਨੰਬਰ 8 ਦੀ ਪੁਲਿਸ ਨੇ ਪਠਾਨਕੋਟ ਚੌਂਕ ਵਿਖੇ ਬਿਨਾਂ ਲਾਇਸੈਂਸ ਚੱਲ ਰਹੇ ਹੁੱਕਾ ਬਾਰ ’ਤੇ ਛਾਪਾ ਮਾਰ ਕੇ 8 ਹੁੱਕੇ ਅਤੇ 120 ਲੀਟਰ ਨਾਜਾਇਜ਼ ਡ੍ਰਾਓਟ ਬੀਅਰ ਬਰਾਮਦ ਕੀਤੀ ਹੈ। ਪੁਲਿਸ ਨੇ ਹੁੱਕਾ ਬਾਰ ਦੇ ਮਾਲਕ ਸ਼ਿਵਾ ਠਾਕੁਰ ਪੁੱਤਰ ਵਿਜੈ ਕੁਮਾਰ ਵਾਸੀ ਰੇਲਵੇ ਰੋਡ, ਧੰਨ ਮੁਹੱਲਾ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲਿਸ ਅਨੁਸਾਰ ਕਮਿਸ਼ਨਰ ਪੁਲਿਸ ਸਤਿੰਦਰ ਸਿੰਘ ਦੇ ਦਿਸ਼ਾ-ਨਿਰਦੇਸ਼ਾਂ ਹੇਠ ਥਾਣਾ ਡਵੀਜ਼ਨ ਨੰਬਰ 8 ਦੀ ਟੀਮ ਵੱਲੋਂ ਆਬਕਾਰੀ ਵਿਭਾਗ ਦੇ ਅਧਿਕਾਰੀ ਨੂੰ ਨਾਲ ਲੈ ਕੇ ਹੁੱਕਾ ਬਾਰ ਦੀ ਜਾਂਚ ਕੀਤੀ ਗਈ। ਇਸ ਦੌਰਾਨ ਬਾਰ ਬਿਨਾਂ ਲਾਇਸੈਂਸ ਦੇ ਚੱਲਦਾ ਪਾਇਆ ਗਿਆ। ਮੌਕੇ ਤੋਂ 50-50 ਲੀਟਰ ਦੇ ਦੋ ਡਰੰਮ ਅਤੇ 20 ਲੀਟਰ ਦਾ ਇਕ ਡਰੰਮ, ਕੁੱਲ 120 ਲੀਟਰ ਡ੍ਰਾਓਟ ਬੀਅਰ ਅਤੇ 8 ਹੁੱਕੇ ਬਰਾਮਦ ਹੋਏ। ਇਸ ਸਬੰਧੀ ਥਾਣਾ ਡਵੀਜ਼ਨ ਨੰਬਰ 8 ਵਿੱਚ ਮੁਕੱਦਮਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਸ਼ਹਿਰ ’ਚ ਹੋਰ ਹੁੱਕਾ ਬਾਰਾਂ ’ਤੇ ਵੀ ਨਜ਼ਰ ਦੀ ਲੋੜ : ਸੂਤਰਾਂ ਅਨੁਸਾਰ ਸ਼ਹਿਰ ਵਿੱਚ ਹੋਰ ਵੀ ਕਈ ਥਾਵਾਂ ’ਤੇ ਚੋਰੀ-ਛਿਪੇ ਹੁੱਕਾ ਪਿਲਾਉਣ ਦਾ ਕਾਰੋਬਾਰ ਚੱਲਣ ਦੀ ਚਰਚਾ ਹੈ। ਚਿੰਤਾ ਦੀ ਗੱਲ ਇਹ ਹੈ ਕਿ ਅਜਿਹੀਆਂ ਥਾਵਾਂ ’ਤੇ ਸਕੂਲਾਂ ਤੇ ਕਾਲਜਾਂ ਦੇ ਵਿਦਿਆਰਥੀਆਂ ਦੀ ਮੌਜੂਦਗੀ ਵੀ ਦੇਖਣ ਨੂੰ ਮਿਲਦੀ ਹੈ। ਅਜਿਹੇ ਵਿੱਚ ਪੁਲਿਸ ਵੱਲੋਂ ਪੂਰੇ ਸ਼ਹਿਰ ਵਿੱਚ ਅਜਿਹੀਆਂ ਥਾਵਾਂ ਦੀ ਜਾਂਚ ਕਰਨਾ ਜ਼ਰੂਰੀ ਬਣ ਜਾਂਦਾ ਹੈ। ਇਸ ਦੇ ਨਾਲ ਹੀ ਵਿਆਹਾਂ ਅਤੇ ਹੋਰ ਸਮਾਗਮਾਂ ਵਿੱਚ ਲਗਾਏ ਜਾਂਦੇ ਹੁੱਕਾ ਸਟਾਲ ਵੀ ਸਵਾਲਾਂ ਦੇ ਘੇਰੇ ਵਿੱਚ ਹਨ। ਜੇਕਰ ਨਿਯਮਾਂ ਦੀ ਉਲੰਘਣਾ ਕਰਕੇ ਹੁੱਕਾ ਪਿਲਾਉਣਾ ਨਾਜਾਇਜ਼ ਹੈ ਤਾਂ ਕੀ ਪ੍ਰਸ਼ਾਸਨਿਕ ਅਧਿਕਾਰੀ ਸਮਾਗਮਾਂ ਵਿੱਚ ਲੱਗਦੇ ਅਜਿਹੇ ਸਟਾਲਾਂ ਵੱਲ ਵੀ ਧਿਆਨ ਦੇਣਗੇ, ਇਹ ਆਉਣ ਵਾਲੇ ਦਿਨਾਂ ਵਿੱਚ ਦੇਖਣਾ ਹੋਵੇਗਾ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
