ਸ੍ਰੀ ਬਾਬਾ ਤਾਰਾ ਕੁਟੀਆ ਵਿਖੇ ਅੰਨਕੂਟ ਉਤਸਵ ਤੇ ਭੰਡਾਰਾ ਕਰਵਾਇਆ
ਸਿਰਸਾ, 9 ਨਵੰਬਰ (ਭੁਪਿੰਦਰ ਪੰਨੀਵਾਲੀਆ)- ਰੌਸ਼ਨੀਆਂ ਦੇ ਤਿਓਹਾਰ ਦੀਵਾਲੀ ਤੋਂ ਬਾਅਦ ਸਿਰਸਾ ਵਿੱਚ ਸਥਿਤ ਉੱਤਰੀ ਭਾਰਤ ਦੇ ਇੱਕ ਪ੍ਰਮੁੱਖ ਧਾਰਮਿਕ ਸਥਾਨ ਸ਼੍ਰੀ ਬਾਬਾ ਤਾਰਾ ਕੁਟੀਆ ਵਿਖੇ ਅੰਨਕੂਟ ਭੰਡਾਰਾ ਧੂਮਧਾਮ ਨਾਲ ਮਨਾਇਆ ਗਿਆ। ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਇਸ ਭੰਡਾਰੇ ਵਿੱਚ ਪਹੁੰਚੇ।
ਸਿਰਸਾ, 9 ਨਵੰਬਰ (ਭੁਪਿੰਦਰ ਪੰਨੀਵਾਲੀਆ)- ਰੌਸ਼ਨੀਆਂ ਦੇ ਤਿਓਹਾਰ ਦੀਵਾਲੀ ਤੋਂ ਬਾਅਦ ਸਿਰਸਾ ਵਿੱਚ ਸਥਿਤ ਉੱਤਰੀ ਭਾਰਤ ਦੇ ਇੱਕ ਪ੍ਰਮੁੱਖ ਧਾਰਮਿਕ ਸਥਾਨ ਸ਼੍ਰੀ ਬਾਬਾ ਤਾਰਾ ਕੁਟੀਆ ਵਿਖੇ ਅੰਨਕੂਟ ਭੰਡਾਰਾ ਧੂਮਧਾਮ ਨਾਲ ਮਨਾਇਆ ਗਿਆ। ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਇਸ ਭੰਡਾਰੇ ਵਿੱਚ ਪਹੁੰਚੇ। ਸਾਬਕਾ ਮੰਤਰੀ ਅਤੇ ਹਰਿਆਣਾ ਲੋਕਹਿਤ ਪਾਰਟੀ ਦੇ ਪ੍ਰਧਾਨ ਗੋਪਾਲ ਕਾਂਡਾ ਨੇ ਸ਼੍ਰੀ ਬਾਬਾ ਤਾਰਾ ਜੀ ਕੁਟੀਆ ਦੇ ਮੁੱਖ ਸੇਵਕ ਗੋਬਿੰਦ ਕਾਂਡਾ ਦੇ ਸਹਿਯੋਗ ਨਾਲ ਵਿਸ਼ਾਲ ਅੰਨਕੂਟ ਭੰਡਾਰੇ ਦਾ ਉਦਘਾਟਨ ਕੀਤਾ। ਗੋਪਾਲ ਕਾਂਡਾ ਅਤੇ ਗੋਬਿੰਦ ਕਾਂਡਾ ਨੇ ਸਾਰਿਆਂ ਨੂੰ ਅੰਨਕੂਟ ਉਤਸਵ, ਵਿਸ਼ਵਕਰਮਾ ਦਿਵਸ ਅਤੇ ਭਾਈ ਦੂਜ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਸ ਮੌਕੇ ’ਤੇ ਗੋਪਾਲ ਕਾਂਡਾ ਨੇ ਰਾਜ ਦੇ ਲੋਕਾਂ ਨੂੰ ਵਿਸ਼ਵਕਰਮਾ ਦਿਵਸ, ਗੋਵਰਧਨ ਪੂਜਾ ਅਤੇ ਭਾਈ ਦੂਜ ਦੀ ਵਧਾਈ ਦਿੰਦੇ ਹੋਏ ਕਿਹਾ ਕਿ ਅੰਨਕੂਟ ਚੜ੍ਹਾਉਣ ਨਾਲ ਅਧਿਆਤਮਿਕ ਤਾਕਤ ਅਤੇ ਚੰਗੀ ਸਿਹਤ ਮਿਲਦੀ ਹੈ। ਹਰ ਕੋਈ ਸ਼ਰਧਾ ਨਾਲ ਇਕੱਠੇ ਹੋ ਕੇ ਪ੍ਰਸ਼ਾਦ ਦਾ ਸੇਵਨ ਕਰਦਾ ਹੈ, ਆਪਸੀ ਸਦਭਾਵਨਾ ਅਤੇ ਭਾਈਚਾਰੇ ਨੂੰ ਉਤਸ਼ਾਹਿਤ ਕਰਦਾ ਹੈ। ਹਜ਼ਾਰਾਂ ਸ਼ਰਧਾਲੂਆਂ ਨੇ ਸ਼੍ਰੀ ਬਾਬਾ ਤਾਰਾ ਜੀ ਦੀ ਸਮਾਧੀ ’ਤੇ ਮੱਥਾ ਟੇਕਿਆ ਅਤੇ ਅੰਨਕੂਟ ਪ੍ਰਸ਼ਾਦ ਪ੍ਰਾਪਤ ਕੀਤੇ। ਇਸ ਮੌਕੇ ’ਤੇ ਗੋਬਿੰਦ ਕਾਂਡਾ ਨੇ ਸ਼ਰਧਾਲੂਆਂ ਨਾਲ ਵੀ ਮੁਲਾਕਾਤ ਕੀਤੀ ਅਤੇ ਤਿਉਹਾਰਾਂ ਲਈ ਆਪਣੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ।
