ਨਾਰਾਇਣਗੜ੍ਹ ਦੇ ਸਰਕਾਰੀ ਕਾਲਜ ’ਚ ਦੀਵਾਲੀ ਮੇਲਾ ਲਗਾਇਆ
ਨਾਰਾਇਣਗੜ੍ਹ, 28 ਅਕਤੂਬਰ (ਪੀ ਸਿੰਘ)- ਸਰਕਾਰੀ ਕਾਲਜ ਨਾਰਾਇਣਗੜ੍ਹ ਵਿਖੇ ਮਹਿਲਾ ਸੈੱਲ ਤੇ ਮਹੱਤਵਪੂਰਨ ਦਿਵਸ ਸਮਾਰੋਹ ਕਮੇਟੀ ਦੇ ਸਾਂਝੇ ਸਹਿਯੋਗ ਨਾਲ ਪ੍ਰਿੰ. ਰੋਹਿਤ ਕੁਮਾਰ ਦੀ ਪ੍ਰਧਾਨਗੀ ਹੇਠ ਦੀਵਾਲੀ ਮੇਲਾ ਲਗਾਇਆ ਗਿਆ।
ਨਾਰਾਇਣਗੜ੍ਹ, 28 ਅਕਤੂਬਰ (ਪੀ ਸਿੰਘ)- ਸਰਕਾਰੀ ਕਾਲਜ ਨਾਰਾਇਣਗੜ੍ਹ ਵਿਖੇ ਮਹਿਲਾ ਸੈੱਲ ਤੇ ਮਹੱਤਵਪੂਰਨ ਦਿਵਸ ਸਮਾਰੋਹ ਕਮੇਟੀ ਦੇ ਸਾਂਝੇ ਸਹਿਯੋਗ ਨਾਲ ਪ੍ਰਿੰ. ਰੋਹਿਤ ਕੁਮਾਰ ਦੀ ਪ੍ਰਧਾਨਗੀ ਹੇਠ ਦੀਵਾਲੀ ਮੇਲਾ ਲਗਾਇਆ ਗਿਆ। ਸਮਾਗਮ ਵਿਚ ਐਸ.ਡੀ.ਐਮ. ਸ਼ਿਵਜੀਤ ਭਾਰਤੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ , ਉਨ੍ਹਾਂ ਨਾਲ ਮਹਾਰਾਣੀ ਪਦਮਾਵਤੀ ਸਰਕਾਰੀ ਮਹਿਲਾ ਕਾਲਜ ਸ਼ਹਿਜ਼ਾਦਪੁਰ ਦੀ ਪ੍ਰਿੰ. ਮੀਨਾਕਸ਼ੀ ਸ਼ਰਮਾ ਵੀ ਸ਼ਾਮਿਲ ਹੋਏ। ਸਭ ਤੋਂ ਪਹਿਲਾਂ ਮੁੱਖ ਮਹਿਮਾਨ ਐਸ. ਡੀ. ਐਮ. ਸ਼ਿਵਜੀਤ ਨੇ ਰਿਬਨ ਕੱਟ ਕੇ ਪ੍ਰੋਗਰਾਮ ਦਾ ਉਦਘਾਟਨ ਕੀਤਾ। ਕਾਲਜ ਪ੍ਰਿੰਸੀਪਲ ਨੇ ਮੁੱਖ ਮਹਿਮਾਨ ਤੇ ਮਹਾਰਾਣੀ ਪਦਮਾਵਤੀ ਸਰਕਾਰੀ ਮਹਿਲਾ ਕਾਲਜ ਸਹਿਜਾਦਪੁਰ ਦੀ ਪ੍ਰਿੰਸੀਪਲ ਦਾ ਕਾਲਜ ਪਹੁੰਚਣ ‘ਤੇ ਸਵਾਗਤ ਕੀਤਾ। ਮੁੱਖ ਮਹਿਮਾਨ ਐਸ. ਡੀ. ਐਮ. ਸ਼ਿਵਜੀਤ ਭਾਰਤੀ ਨੇ ਵਿਦਿਆਰਥੀਆਂ ਦੁਆਰਾ ਲਗਾਏ ਗਏ ਸਟਾਲਾਂ ਦਾ ਨਿਰੀਖਣ ਕੀਤਾ। ਮਹਾਰਾਣੀ ਪਦਮਾਵਤੀ ਸਰਕਾਰੀ ਮਹਿਲਾ ਕਾਲਜ ਸਹਿਜਾਦਪੁਰ ਦੀ ਪ੍ਰਿੰ. ਮੀਨਾਕਸ਼ੀ ਸ਼ਰਮਾ ਨੇ ਵੀ ਵਿਦਿਆਰਥੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਆਪਣੇ ਸੰਦੇਸ਼ ਵਿਚ ਕਾਲਜ ਪ੍ਰਿੰ. ਰੋਹਿਤ ਕੁਮਾਰ ਨੇ ਕਿਹਾ ਕਿ ਅਜਿਹੇ ਪ੍ਰੋਗਰਾਮ ਵਿਦਿਆਰਥੀਆਂ ’ਚ ਆਤਮ-ਵਿਸ਼ਵਾਸ, ਲੀਡਰਸ਼ਿਪ ਹੁਨਰ, ਰਚਨਾਤਮਕਤਾ ਤੇ ਸਵੈ-ਰੁਜ਼ਗਾਰ ਵਿਚ ਦਿਲਚਸਪੀ ਪੈਦਾ ਕਰਦੇ ਹਨ। ਮਹਿਲਾ ਸੈੱਲ ਅਤੇ ਮਹੱਤਵਪੂਰਨ ਦਿਵਸ ਸਮਾਰੋਹ ਕਮੇਟੀ ਦੀ ਕੋਆਰਡੀਨੇਟਰ ਪ੍ਰੋ. ਰੇਣੂ ਕੁਮਾਰੀ ਨੇ ਸਾਰੇ ਭਾਗੀਦਾਰਾਂ ਅਤੇ ਸਮਾਗਮ ਦੇ ਪ੍ਰੋਗਰਾਮ ਵਿਚ ਮਦਦ ਕਰਨ ਵਾਲੇ ਕਮੇਟੀ ਮੈਂਬਰਾਂ ਦੀ ਪ੍ਰਸ਼ੰਸਾ ਕੀਤੀ। ਵੱਖ-ਵੱਖ ਸਟਾਲਾਂ ਅਤੇ ਗਤੀਵਿਧੀਆਂ ਵਿਚ ਮੱਲਾਂ ਮਾਰਨ ਵਾਲੇ ਵਿਦਿਆਰਥੀਆਂ ਨੂੰ ਪਹਿਲਾ, ਦੂਜਾ ਅਤੇ ਤੀਜਾ ਇਨਾਮ ਅਤੇ ਸਰਟੀਫਿਕੇਟ ਦਿੱਤੇ ਗਏ। ਮੇਲੇ ਵਿਚ ਡਾ. ਅਪੂਰਵਾ ਚਾਵਲਾ, ਡਾ. ਸੁਮਨ ਲਤਾ, ਡਾ. ਰੇਣੂ ਗੁਪਤਾ, ਡਾ. ਸਤੀਸ਼ ਕੁਮਾਰ, ਡਾ. ਗੁਰਵਿੰਦਰ, ਪ੍ਰੋ. ਕਵਿਤਾ, ਪ੍ਰੋ. ਚੇਤਨ, ਆਸ਼ਿਮਾ ਠਾਕੁਰ, ਡਾ. ਸਪਨਾ ਗੁਪਤਾ ਅਤੇ ਡਾ. ਸਪਨਾ ਸੈਣੀ ਸ਼ਾਮਿਲ ਸਨ।
