ਕਰਵਾਚੌਥ ਦੇ ਤਿਉਹਾਰ ਮੌਕੇ ਸਜੇ ਬਾਜ਼ਾਰ
ਨਵੀਂ ਦਿੱਲੀ, 28 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਕਰਵਾਚੌਥ ਦੇ ਤਿਉਹਾਰ ਪ੍ਰਤੀ ਦਿੱਲੀ ਦੇ ਬਾਜ਼ਾਰਾਂ ਵਿਚ ਖੂਬ ਰੌਣਕ ਮੇਲਾ ਲੱਗਿਆ ਹੋਇਆ ਹੈ ਅਤੇ ਦੁਕਾਨਾਂ ਸਾਮਾਨ ਦੇ ਨਾਲ ਖੂਬ ਸਜੀਆਂ ਹੋਈਆਂ ਹਨ।
ਨਵੀਂ ਦਿੱਲੀ, 28 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਕਰਵਾਚੌਥ ਦੇ ਤਿਉਹਾਰ ਪ੍ਰਤੀ ਦਿੱਲੀ ਦੇ ਬਾਜ਼ਾਰਾਂ ਵਿਚ ਖੂਬ ਰੌਣਕ ਮੇਲਾ ਲੱਗਿਆ ਹੋਇਆ ਹੈ ਅਤੇ ਦੁਕਾਨਾਂ ਸਾਮਾਨ ਦੇ ਨਾਲ ਖੂਬ ਸਜੀਆਂ ਹੋਈਆਂ ਹਨ। ਔਰਤਾਂ ਵਲੋਂ ਕਰਵਾਚੌਥ ਦੇ ਸਾਮਾਨ ਦੀ ਖੂਬ ਖਰੀਦਦਾਰੀ ਕੀਤੀ ਜਾ ਰਹੀ ਹੈ। ਬਾਜ਼ਾਰਾਂ ਵਿਚ ਥਾਂ-ਥਾਂ ’ਤੇ ਮਹਿੰਦੀ ਲਗਾਉਣ ਵਾਲੇ ਬੈਠੇ ਹਨ ਅਤੇ ਇਨ੍ਹਾਂ ਤੋਂ ਔਰਤਾਂ ਆਪਣੇ ਹੱਥਾਂ ’ਤੇ ਮਹਿੰਦੀ ਲਗਵਾ ਰਹੀਆਂ ਹਨ। ਔਰਤਾਂ ਬਾਜ਼ਾਰ ਵਿਚੋਂ ਰੰਗ-ਬਰੰਗੀਆਂ ਚੂੜੀਆਂ, ਪੂਜਾ ਦੀਆਂ ਥਾਲੀਆਂ, ਸੂਟ, ਸਾੜੀਆਂ ਤੇ ਹਾਰ ਸ਼ਿੰਗਾਰ ਦਾ ਸਾਮਾਨ ਖਰੀਦ ਰਹੀਆਂ ਹਨ। ਮਹਿੰਦੀ ਲਗਾਉਣ ਵਾਲਿਆਂ ਦੀ ਇਨ੍ਹਾਂ ਦਿਨਾਂ ਵਿਚ ਖੂਬ ਚਾਂਦੀ ਹੋ ਰਹੀ ਹੈ ਅਤੇ ਮਹਿੰਦੀ ਲਗਾਉਣ ਵਾਲੀਆਂ ਔਰਤਾਂ ਦੀਆਂ ਕਤਾਰਾਂ ਲੱਗੀਆਂ ਹੋਈਆਂ ਹਨ। ਇਸ ਤੋਂ ਇਲਾਵਾ ਬਿਊਟੀ ਪਾਰਲਰਾਂ ’ਤੇ ਵੀ ਖੂਬ ਭੀੜ ਹੋ ਰਹੀ ਹੈ। ਕੁੱਝ ਬਿਊਟੀ ਪਾਰਲਰ ਵਾਲਿਆਂ ਦੇ ਤਿਉਹਾਰਾਂ ਤੋਂ ਪਹਿਲਾਂ ਹੀ ਬਿਊਟੀ ਪੈਕੇਜ ਲਿਆ ਹੋਇਆ ਹੈ। ਆਰਟੀਫੀਸ਼ੀਅਲ (ਨਕਲੀ) ਜਵੈਲਰੀ ਦੀਆਂ ਦੁਕਾਨਾਂ ’ਤੇ ਵੀ ਔਰਤਾਂ ਇਸ ਦੀ ਖੂਬ ਖਰੀਦਦਾਰੀ ਕਰ ਰਹੀਆਂ ਹਨ।
