ਬੀਕੇਯੂ ਉਗਰਾਹਾਂ ਵਲੋਂ ਪਿੰਡ ਪਥਰਾਲਾ ’ਚ ਮੀਟਿੰਗ
ਸੰਗਤ ਮੰਡੀ , 25 ਸਤੰਬਰ ( ਅੰਮ੍ਰਿਤ ਸ਼ਰਮਾ )- ਭਾਰਤੀ ਕਿਸਾਨ ਯੂਨੀਅਨ ਏਕਤਾ - ਉਗਰਾਹਾਂ ਬਲਾਕ ਸੰਗਤ ਵੱਲੋਂ ਪਿੰਡ ਪਥਰਾਲਾ ਵਿਖੇ ਪਿੰਡ ਪੱਧਰ ਦੀ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ । ਮੀਟਿੰਗ ‘ ਚ ਬਲਾਕ ਆਗੂ ਧਰਮਪਾਲ ਸਿੰਘ ਜੰਡੀਆਂ ਵਿਸ਼ੇਸ਼ ਤੌਰ ‘ ਤੇ ਪਹੁੰਚੇ ।
ਸੰਗਤ ਮੰਡੀ , 25 ਸਤੰਬਰ ( ਅੰਮ੍ਰਿਤ ਸ਼ਰਮਾ )- ਭਾਰਤੀ ਕਿਸਾਨ ਯੂਨੀਅਨ ਏਕਤਾ - ਉਗਰਾਹਾਂ ਬਲਾਕ ਸੰਗਤ ਵੱਲੋਂ ਪਿੰਡ ਪਥਰਾਲਾ ਵਿਖੇ ਪਿੰਡ ਪੱਧਰ ਦੀ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ । ਮੀਟਿੰਗ ‘ ਚ ਬਲਾਕ ਆਗੂ ਧਰਮਪਾਲ ਸਿੰਘ ਜੰਡੀਆਂ ਵਿਸ਼ੇਸ਼ ਤੌਰ ‘ ਤੇ ਪਹੁੰਚੇ । ਮੀਟਿੰਗ ਦੌਰਾਨ ਆਗੂ ਧਰਮਪਾਲ ਸਿੰਘ ਜੰਡੀਆਂ ਨੇ ਪਿੰਡ ਕਮੇਟੀ ਤੇ ਕਿਸਾਨਾਂ ਨੂੰ 5 ਅਕਤੂਬਰ ਨੂੰ ਡੀਸੀ ਦਫ਼ਤਰ ਬਠਿੰਡਾ ਦੇ ਕੀਤੇ ਜਾ ਰਹੇ ਮੁਕੰਮਲ ਘਿਰਾਓ ਸਬੰਧੀ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ । ਉਨ੍ਹਾਂ ਜਥੇਬੰਦੀ ਦੀਆਂ 13 ਮੰਗਾਂ ਪੜ੍ਹ ਕੇ ਸੁਣਾਈਆਂ ਤੇ ਕਿਹਾ ਕਿ ਇਹ ਮੰਗਾਂ ਹਰ ਘਰ , ਹਰ ਚੁੱਲ੍ਹੇ ਤੱਕ ਪਹੁੰਚਾਉਣੀਆਂ ਹਨ । ਉਨ੍ਹਾਂ ਸਪੱਸ਼ਟ ਕਿਹਾ ਕਿ ਸਾਰੇ ਕਿਸਾਨ ਆਪਣੇ ਕੰਮ - ਧੰਦੇ ਮੁਕਾ ਕੇ ਪੂਰੀ ਤਿਆਰੀ ਨਾਲ ਪਹੁੰਚਣ । ਧਰਮਪਾਲ ਸਿੰਘ ਜੰਡੀਆਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਭਾਵੇਂ ਇਹ ਸੰਘਰਸ਼ ‘ ਚ ਜਿੰਨਾ ਮਰਜ਼ੀ ਸਮਾਂ ਲੱਗ ਜਾਵੇ , ਦਿਨ - ਰਾਤ ਉੱਥੇ ਹੀ ਡਟੇ ਰਹਿਣਾ ਪਵੇਗਾ । ਜੇਕਰ ਸਰਕਾਰ ਨੇ ਮੰਗਾਂ ਨਾ ਮੰਨੀਆਂ ਤਾਂ ਸੂਬਾ ਇਕਾਈ ਵੱਲੋਂ ਜੋ ਵੀ ਅਗਲਾ ਫ਼ੈਸਲਾ ਲਿਆ ਜਾਵੇਗਾ , ਉਸ ਮੁਤਾਬਿਕ ਹੀ ਅਗਲੀ ਰਣਨੀਤੀ ਤੈਅ ਕੀਤੀ ਜਾਵੇਗੀ ।
