ਗਣਪਤੀ ਚਤੁਰਥੀ ਦੇ ਪਹਿਲੇ ਦਿਨ ਸ੍ਰੀ ਬਾਲਾਜੀ ਸੰਕੀਰਤਨ ਮੰਡਲ ਨੇ ਕੀਤੀ ਪੂਜਾ
ਭੁੱਚੋ ਮੰਡੀ, 14 ਸਤੰਬਰ (ਪੱਤਰ ਪ੍ਰੇਰਕ)- ਸ੍ਰੀ ਬਾਲਾਜੀ ਸੰਕੀਰਤਨ ਮੰਡਲ ਭੁੱਚੋ ਮੰਡੀ ਵਲੋਂ ਗਣਪਤੀ ਚਤੁਰਥੀ ‘ਤੇ ਪਹਿਲੇ ਦਿਨ ਦੀ ਪੂਜਾ ਸ਼ਰਧਾ ਅਤੇ ਭਗਤੀ ਭਾਵਨਾ ਨਾਲ ਵਿਧੀਵਤ ਤੌਰ ‘ਤੇ ਸੰਪੂਰਨ ਕਰਵਾਈ ਗਈ। ਪੂਜਾ-ਅਰਚਨਾ ਪੰਡਿਤ ਰਮਨ ਸ਼ਰਮਾ ਨੇ ਮੰਤਰ ਉਚਾਰਨ ਨਾਲ ਕਰਵਾਈ।
ਭੁੱਚੋ ਮੰਡੀ, 14 ਸਤੰਬਰ (ਪੱਤਰ ਪ੍ਰੇਰਕ)- ਸ੍ਰੀ ਬਾਲਾਜੀ ਸੰਕੀਰਤਨ ਮੰਡਲ ਭੁੱਚੋ ਮੰਡੀ ਵਲੋਂ ਗਣਪਤੀ ਚਤੁਰਥੀ ‘ਤੇ ਪਹਿਲੇ ਦਿਨ ਦੀ ਪੂਜਾ ਸ਼ਰਧਾ ਅਤੇ ਭਗਤੀ ਭਾਵਨਾ ਨਾਲ ਵਿਧੀਵਤ ਤੌਰ ‘ਤੇ ਸੰਪੂਰਨ ਕਰਵਾਈ ਗਈ। ਪੂਜਾ-ਅਰਚਨਾ ਪੰਡਿਤ ਰਮਨ ਸ਼ਰਮਾ ਨੇ ਮੰਤਰ ਉਚਾਰਨ ਨਾਲ ਕਰਵਾਈ। ਇਸ ਅਵਸਰ ‘ਤੇ ਅਸ਼ੋਕ ਕੁਮਾਰ ਨੇ ਪਰਿਵਾਰ ਸਮੇਤ ਭਗਵਾਨ ਗਣੇਸ਼ ਦੀ ਪੂਜਾ-ਅਰਚਨਾ ਕਰਕੇ ਸੁਖ-ਸਮ੍ਰਿੱਧੀ ਅਤੇ ਮਨੁੱਖਤਾ ਦੀ ਖ਼ੁਸ਼ਹਾਲੀ ਦੀ ਕਾਮਨਾ ਕੀਤੀ। ਇਸ ਮੌਕੇ ਬਾਲਾਜੀ ਸੰਕੀਰਤਨ ਮੰਡਲ ਦੇ ਪ੍ਰਧਾਨ ਭੂਸ਼ਨ ਗਰਗ ਤੋਂ ਇਲਾਵਾ ਦਰਸ਼ਨ ਪਾਲ, ਜਸਪਾਲ, ਮੁਕੇਸ਼, ਸੰਜੀਵ ਨਿੱਕਾ, ਜਗਜੀਤ ਸਿੰਘ, ਨਿਧੀ, ਪ੍ਰੀਤੀ, ਕੁਨਿਸ਼ਿਕਾ, ਹਿਮਾਂਸ਼ੀ, ਕੁਸ਼ਲ, ਨਿਤਿਨ ਸਮੇਤ ਮੰਡਲ ਦੇ ਮੈਂਬਰ ਅਤੇ ਸ਼ਰਧਾਲੂ ਮੌਜੂਦ ਸਨ।
