ਰੰਗਾਂ ਦਾ ਸਾਧਕ ਸੋਭਾ ਸਿੰਘ ਦੀ ਯਾਦ ’ਚ ਬਾਲਿਆਂਵਾਲੀ ਵਿਖੇ 20 ਨੂੰ ਸਜੇਗਾ ਚਿੱਤਰਾਂ ਦਾ ਮੇਲਾ
ਬਾਲਿਆਂਵਾਲੀ , 15 ਨਵੰਬਰ ( ਕੁਲਦੀਪ ਮਤਵਾਲਾ )- ਪੇਂਡੂ ਸਾਹਿਤ ਸਭਾ ਰਜਿ . ਬਾਲਿਆਂਵਾਲੀ ਦੀ ਮਹੀਨਾਵਾਰ ਮੀਟਿੰਗ ਸੁਖਦਰਸ਼ਨ ਗਰਗ ਦੀ ਪ੍ਰਧਾਨਗੀ ਹੇਠ ਕਵੀਸ਼ਰ ਮਾਘੀ ਸਿੰਘ ਗਿੱਲ ਯਾਦਗਾਰੀ ਲਾਇਬਰੇਰੀ ਅਤੇ ਬ੍ਰਿਗੇਡੀਅਰ ਬੰਤ ਸਿੰਘ ਮੈਮੋਰੀਅਲ ਸੁਵਿਧਾ ਕੇਂਦਰ ਅਤੇ ਕੰਪਿਊਟਰ ਸੈਂਟਰ ਬਾਲਿਆਂਵਾਲੀ ਵਿਖੇ ਹੋਈ ।
ਬਾਲਿਆਂਵਾਲੀ , 15 ਨਵੰਬਰ ( ਕੁਲਦੀਪ ਮਤਵਾਲਾ )- ਪੇਂਡੂ ਸਾਹਿਤ ਸਭਾ ਰਜਿ . ਬਾਲਿਆਂਵਾਲੀ ਦੀ ਮਹੀਨਾਵਾਰ ਮੀਟਿੰਗ ਸੁਖਦਰਸ਼ਨ ਗਰਗ ਦੀ ਪ੍ਰਧਾਨਗੀ ਹੇਠ ਕਵੀਸ਼ਰ ਮਾਘੀ ਸਿੰਘ ਗਿੱਲ ਯਾਦਗਾਰੀ ਲਾਇਬਰੇਰੀ ਅਤੇ ਬ੍ਰਿਗੇਡੀਅਰ ਬੰਤ ਸਿੰਘ ਮੈਮੋਰੀਅਲ ਸੁਵਿਧਾ ਕੇਂਦਰ ਅਤੇ ਕੰਪਿਊਟਰ ਸੈਂਟਰ ਬਾਲਿਆਂਵਾਲੀ ਵਿਖੇ ਹੋਈ । ਮੀਟਿੰਗ ਵਿਚ ਸਭਾ ਵਲੋਂ ਵਿਸ਼ਵ ਪ੍ਰਸਿੱਧ ਚਿੱਤਰਕਾਰ ਸ੍ਰ . ਸੋਭਾ ਸਿੰਘ ਦੀ 125 ਵੀਂ ਜਨਮ ਸ਼ਤਾਬਦੀ ਨੂੰ ਸਮਰਪਿਤ ਅੰਤਰ ਸਕੂਲ ਅਤੇ ਅੰਤਰ ਕਾਲਜ ਚਿੱਤਰਕਲਾ ਮੁਕਾਬਲਾ 20 ਨਵੰਬਰ 2026 ਦਿਨ ਸ਼ੁੱਕਰਵਾਰ ਨੂੰ ਇਸੇ ਸਥਾਨ ‘ ਤੇ ਕਰਵਾਉਣ ਦਾ ਫੈਸਲਾ ਕੀਤਾ ਗਿਆ । ਇਸ ਰੰਗਲੇ ਪ੍ਰੋਗਰਾਮ ਵਿਚ ਬਤੌਰ ਮੁੱਖ ਮਹਿਮਾਨ ਐਡਵੋਕੇਟ ਹਰਦੀਪ ਸਿੰਘ ਸਰਾਂ ( ਚੇਅਰਮੈਨ ਜ਼ਿਲ੍ਹਾ ਯੋਜਨਾ ਕਮੇਟੀ ਬਠਿੰਡਾ ) ਪੁੱਜਣਗੇ । ਸਾਹਿਤਕ ਦੌਰ ਚ ਹਰਜਿੰਦਰ ਕੌਰ ਨੇ ਵਿਅੰਗ ਪੜ੍ਹਿਆ , ਜੀਤ ਸਿੰਘ ਚਹਿਲ ਨੇ ਚੋਣਾਂ ਨਾਲ ਸਬੰਧਿਤ ਕਵਿਤਾ ਪੇਸ਼ ਕੀਤੀ , ਸੱਤਪਾਲ ਸਿੰਘ ਗਿੱਲ ਨੇ ਕਵੀਸ਼ਰੀ ਪੇਸ਼ ਕੀਤੀ , ਇੰਦਰ ਸਿੰਘ ਨੇ ਵਾਰਤਕ ਸੁਣਾਈ , ਮਾਸਟਰ ਜਗਨ ਨਾਥ ਨੇ ਵਾਰਤਕ ਪੜ੍ਹੀ ਅਤੇ ਸੁਖਦਰਸ਼ਨ ਗਰਗ ਨੇ ਤਾਜ਼ਾ ਰੁਬਾਈਆਂ ਪੇਸ਼ ਕੀਤੀਆਂ । ਪੜ੍ਹੀਆਂ ਰਚਨਾਵਾਂ ਤੇ ਉਸਾਰੂ ਅਲੋਚਨਾ ਹੋਈ । ਇਸ ਮੁਕਾਬਲੇ ਨੂੰ ਲੈ ਕੇ ਕਲਾ ਅਤੇ ਸਾਹਿਤ ਪ੍ਰੇਮੀਆਂ ਚ ਭਾਰੀ ਉਤਸ਼ਾਹ ਹੈ । ਮੀਟਿੰਗ ਚ ਗੁਰਮੀਤ ਕੁਮਾਰ ਹਾਜ਼ਰ ਸਨ ।
