ਡਾਲਾ ਪਿੰਡ ਦੇ ਮਾਸੂਮ ਗੁਨਤਾਜ ਸਿੰਘ ਗਿੱਲ ਦੀ ਮੌਤ ਨਾਲ ਇਲਾਕੇ ਵਿਚ ਗਮ ਦਾ ਮਹੌਲ

ਅਜੀਤਵਾਲ, 29 ਅਗਸਤ (ਹਰਦੇਵ ਸਿੰਘ ਮਾਨ)-ਪਿੰਡ ਡਾਲਾ ਨਿਵਾਸੀ ਦਿਲਦਾਰ ਸਿੰਘ (ਸਪੁੱਤਰ ਸਵ: ਹਰਬੰਸ ਸਿੰਘ ਡਿਪਟੀ) ਦੇ 6 ਸਾਲ ਦੇ ਮਸੂਮ ਪੁੱਤਰ ਗੁਨਤਾਜ ਸਿੰਘ ਗਿੱਲ ਦੀ ਨਾਮ ਮੁਰਾਦ ਬਿਮਾਰੀ ਕਾਰਨ ਮੌਤ ਹੋ ਜਾਣ ਤੇ ਇਕੱਲੇ ਡਾਲਾ ਨਗਰ ਹੀ ਨਹੀਂ ਸਮੁੱਚੇ ਇਲਾਕੇ ਵਿਚ ਬੇਹੱਦ ਗਮ ਦਾ ਮਾਹੌਲ ਬਣਿਆ ਹੋਇਆ ਹੈ। ਕਰੀਬੀ ਪਰਿਵਾਰਕ ਮੈਂਬਰ ਜਸਦੀਪ ਸਿੰਘ ਗਿੱਲ ਯੂਥ ਪ੍ਰਧਾਨ ਅਕਾਲੀ ਦਲ ਨੇ ਭਰੇ ਮਨ ਨਾਲ ਦੱਸਿਆ ਕਿ ਮਾਸੂਮ ਗੁਨਤਾਜ ਸਿੰਘ ਪਿਛਲੇ ਸਮੇਂ ਤੋਂ ਕੈਂਸਰ ਦੀ ਨਾ-ਮੁਰਾਦ ਬਿਮਾਰੀ ਤੋਂ ਪੀੜਿਤ ਸੀ, ਜਿਸ ਦਾ ਇਲਾਜ ਰਾਜੀਵ ਗਾਂਧੀ ਹਸਪਤਾਲ ਦਿੱਲੀ ਤੋਂ ਕਰਵਾਇਆ ਗਿਆ ਜਿਸ ਨਾਲ ਉਹ ਬਿਲਕੁਲ ਠੀਕ ਹੋ ਗਿਆ ਸੀ, ਪਰ ਬੀਤੇ ਕੱਲ੍ਹ ਫਿਰ ਸਾਹ ਵਿਚ ਤਕਲੀਫ਼ ਆਉਣ ਕਰਕੇ ਇਸ ਨੂੰ ਮੋਗਾ ਦੇ ਇਕ ਹਸਪਤਾਲ ਵਿਚ ਭਰਤੀ ਕਰਵਾਇਆ, ਜਿੱਥੇ ਕੁਝ ਹੀ ਘੰਟਿਆਂ ਵਿਚ ਗੁਨਤਾਜ ਸਿੰਘ ਪਰਿਵਾਰਿਕ ਮੈਂਬਰਾਂ ਨੂੰ ਰੋਂਦਿਆਂ ਕੁਰਲਾਉਂਦਿਆਂ ਛੱਡ ਕੇ ਇਸ ਦੁਨੀਆਂ ਤੋਂ ਸਦਾ ਲਈ ਰੁਖ਼ਸਤ ਹੋ ਗਿਆ।