ਸ਼ਤਰੂਜੀਤ ਕਪੂਰ ਦੀ ਥਾਂ ਸੰਜੈ ਸਿੰਘਲ ਸੰਭਾਲਣਗੇ ਆਈ.ਟੀ.ਬੀ.ਪੀ. ਦੀ ਕਮਾਨ
ਨਵੀਂ ਦਿੱਲੀ, 28 ਅਕਤੂਬਰ (ਉਪਮਾ ਡਾਗਾ ਪਾਰਥ)-ਭਾਰਤ-ਤਿੱਬਤ ਸੀਮਾ-ਪੁਲਿਸ ( ITBP ) ਦੇ ਮੁਖੀ ਸ਼ਤਰੂਜੀਤ ਕਪੂਰ ਦਾ ਕਾਰਜਕਾਲ ਖਤਮ ਹੋਣ ’ਤੇ ਉਨ੍ਹਾਂ ਦੀ ਥਾਂ ’ਤੇ ਸਸ਼ਸਤਰ ਸੀਮਾ ਬਲ (ਐਸ. ਐਸ.
ਨਵੀਂ ਦਿੱਲੀ, 28 ਅਕਤੂਬਰ (ਉਪਮਾ ਡਾਗਾ ਪਾਰਥ)-ਭਾਰਤ-ਤਿੱਬਤ ਸੀਮਾ-ਪੁਲਿਸ ( ITBP ) ਦੇ ਮੁਖੀ ਸ਼ਤਰੂਜੀਤ ਕਪੂਰ ਦਾ ਕਾਰਜਕਾਲ ਖਤਮ ਹੋਣ ’ਤੇ ਉਨ੍ਹਾਂ ਦੀ ਥਾਂ ’ਤੇ ਸਸ਼ਸਤਰ ਸੀਮਾ ਬਲ (ਐਸ. ਐਸ. ਬੀ.) ਦੇ ਮੁਖੀ ਸੰਜੈ ਸਿੰਘਲ ITBP ਦਾ ਵਾਧੂ ਭਾਰ ਸੰਭਾਲਣਗੇ। ਗ੍ਰਹਿ ਮੰਤਰਾਲੇ ਵਲੋਂ ਇਹ ਆਦੇਸ਼ 27 ਅਕਤੂਬਰ ਨੂੰ ਜਾਰੀ ਕੀਤਾ ਗਿਆ। ਸ਼ਤਰੂਜੀਤ ਕਪੂਰ ਦੇ 22 ਅਕਤੂਬਰ ਨੂੰ ਰਾਜਸਥਾਨ ਦੇ ਅਲਵਰ ’ਚ ਹੋਏ ਇਕ ਪ੍ਰੋਗਰਾਮ ’ਚ ਦਿੱਤੇ ਬਿਆਨ ਤੋਂ ਬਾਅਦ ਸਿਆਸੀ ਹੰਗਾਮਾ ਹੋਇਆ ਸੀ, ਜਿਸ ’ਤੇ ਉਨ੍ਹਾਂ ਕਿਹਾ ਸੀ ਕਿ ਅਰੁਣਾਚਲ ਪ੍ਰਦੇਸ਼ ’ਚ ਕਈ ਥਾਵਾਂ ’ਤੇ ਚੀਨੀ ਫੌਜੀਆਂ ਨਾਲ ਆਹਮਣਾ-ਸਾਹਮਣਾ ਹੋ ਰਿਹਾ ਹੈ। ਕਾਂਗਰਸ ਸਮੇਤ ਹੋਰ ਵਿਰੋਧੀ ਧਿਰਾਂ ਨੇ ਚੀਨੀ ਘੁਸਪੈਠ ਨੂੰ ਲੈ ਕੇ ਸਰਕਾਰ ਤੋਂ ਸਪੱਸ਼ਟੀਕਰਨ ਮੰਗਿਆ ਸੀ। ਗ੍ਰਹਿ ਮੰਤਰਾਲੇ ਵਲੋਂ ਜਾਰੀ ਆਦੇਸ਼ ਮੁਤਾਬਿਕ 27 ਅਕਤੂਬਰ 2026 ਨੂੰ ਹਰਿਆਣਾ ਕੈਡਰ ਦੇ IPS ਸ਼ਤਰੂਜੀਤ ਸਿੰਘ ਕਪੂਰ ਦੇ ਰਿਟਾਇਰਡ ਹੋਣ ’ਤੇ ਉੱਤਰ ਪ੍ਰਦੇਸ਼ ਕੈਡਰ ਦੇ IPS ਸੰਜੈ ਸਿੰਘ ਨੂੰ ITBP ਦੇ ਡਾਇਰੈਕਟਰ ਜਨਰਲ ਦਾ ਵਾਧੂ ਭਾਰ ਦਿੱਤਾ ਜਾਵੇਗਾ।
