ਖ਼ੁਦ ਕਰਜ਼ੇ ’ਚ ਡੁੱਬਿਆ ਪਾਕਿ ਹੁਣ ਦੂਜੇ ਦੇਸ਼ਾਂ ਨੂੰ ਕਰਜ਼ਾ ਸੰਭਾਲਣ ਦੇ ਦੇਵੇਗਾ ਗੁਰ
ਅੰਮ੍ਰਿਤਸਰ, 20 ਅਕਤੂਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ਦੇ ਵਿੱਤ ਮੰਤਰੀ ਮੁਹੰਮਦ ਔਰੰਗਜ਼ੇਬ ਨੇ ਬੈਂਕਾਕ ਵਿਚ ਸੰਯੁਕਤ ਰਾਸ਼ਟਰ ਦੇ ਸਮਰਥਨ ਪ੍ਰਾਪਤ ‘ਬੋਰੋਅਰਜ਼ ਪਲੇਟਫਾਰਮ’ ਦੀ ਗਵਰਨਿੰਗ ਕੌਂਸਲ ਦੇ ਪ੍ਰਧਾਨ ਵਜੋਂ ਅਹੁਦਾ ਸੰਭਾਲ ਲਿਆ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਪਾਕਿਸਤਾਨ ਖ਼ੁਦ ਭਾਰੀ ਵਿਦੇਸ਼ੀ ਕਰਜ਼ੇ ਦੇ ਬੋਝ ਹੇਠ ਦੱਬਿਆ ਹੋਇਆ ਹੈ।
ਅੰਮ੍ਰਿਤਸਰ, 20 ਅਕਤੂਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ਦੇ ਵਿੱਤ ਮੰਤਰੀ ਮੁਹੰਮਦ ਔਰੰਗਜ਼ੇਬ ਨੇ ਬੈਂਕਾਕ ਵਿਚ ਸੰਯੁਕਤ ਰਾਸ਼ਟਰ ਦੇ ਸਮਰਥਨ ਪ੍ਰਾਪਤ ‘ਬੋਰੋਅਰਜ਼ ਪਲੇਟਫਾਰਮ’ ਦੀ ਗਵਰਨਿੰਗ ਕੌਂਸਲ ਦੇ ਪ੍ਰਧਾਨ ਵਜੋਂ ਅਹੁਦਾ ਸੰਭਾਲ ਲਿਆ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਪਾਕਿਸਤਾਨ ਖ਼ੁਦ ਭਾਰੀ ਵਿਦੇਸ਼ੀ ਕਰਜ਼ੇ ਦੇ ਬੋਝ ਹੇਠ ਦੱਬਿਆ ਹੋਇਆ ਹੈ। ਮਾਰਚ 2026 ਦੇ ਅਖੀਰ ਤੱਕ ਉਸ ਦਾ ਬਾਹਰੀ ਕਰਜ਼ਾ ਤੇ ਦੇਣਦਾਰੀਆਂ 137.55 ਅਰਬ ਡਾਲਰ ਸਨ। ਪਾਕਿਸਤਾਨ ਨੇ ਆਈ.ਐੱਮ.ਐੱਫ. ਤੋਂ ਕਈ ਵਿੱਤੀ ਸਹਾਇਤਾ ਪੈਕੇਜ ਹਾਸਲ ਕੀਤੇ ਹਨ। ਔਰੰਗਜ਼ੇਬ ਨੇ ਕਰਜ਼ਾ ਪ੍ਰਬੰਧਨ ਸੁਧਾਰਨ, ਆਰਥਿਕ ਤਜ਼ਰਬੇ ਸਾਂਝੇ ਕਰਨ ਅਤੇ ਵਿਕਾਸ ਲਈ ਨਵੇਂ ਵਿੱਤੀ ਸਰੋਤ ਲੱਭਣ ਨੂੰ ਆਪਣੀ ਤਰਜੀਹ ਦੱਸਿਆ। ਹਾਲਾਂਕਿ, ਇਸ ਅਹੁਦੇ ਨਾਲ ਪਾਕਿਸਤਾਨ ਨੂੰ ਕਰਜ਼ਾ ਮੁਆਫ਼ੀ ਜਾਂ ਕਿਸ਼ਤਾਂ ਵਿਚ ਛੋਟ ਨਹੀਂ ਮਿਲੇਗੀ।
