ਅਮਿਤ ਸ਼ਾਹ ਦੀ ਆਮਦ ਤੋਂ ਪਹਿਲਾਂ ਅੱਤਵਾਦੀ ਸੰਗਠਨਾਂ ਨੇ ਈਮੇਲ ਰਾਹੀਂ ਬੰਬ ਧਮਾਕੇ ਕਰਨ ਦੀ ਦਿੱਤੀ ਧਮਕੀ

ਧ

ਧਮਕੀ ਭਰੀ ਈਮੇਲ ਆਉਣ ਉਪਰੰਤ ਕੋਰਟ ਕੰਪਲੈਕਸ ’ਚ ਥਾਣਾ ਬਾਰਾਂਦਰੀ ਦੇ ਇੰਚਾਰਜ ਸਾਹਿਲ ਚੌਧਰੀ ਦੀ ਅਗਵਾਈ ’ਚ ਵਾਹਨਾਂ ਦੀ ਜਾਂਚ ਕਰਦੇ ਹੋਏ ਪੁਲਿਸ ਮੁਲਾਜ਼ਮ। ਤਸਵੀਰ–ਜੀਪੀ ਸਿੰਘ 01-10-2026

ਜਲੰਧਰ, 30 ਸਤੰਬਰ (ਜਤਿੰਦਰ ਪੰਮੀ)–ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਅੱਜ ਜਲੰਧਰ ਫੇਰੀ ਤੋਂ ਐਨ ਪਹਿਲਾਂ ਕੁਝ ਅੱਤਵਾਦੀ ਸੰਗਠਨਾਂ ਵਲੋਂ ਈਮੇਲ ਰਾਹੀਂ ਸ਼ਹਿਰ ਦੇ ਕੁਝ ਨਿੱਜੀ ਸਕੂਲਾਂ ਸਮੇਤ ਸ੍ਰੀ ਦੇਵੀ ਤਾਲਾਬ, ਨੇੜੇ ਸਕੂਲ ’ਚ ਬਣਾਏ ਗਏ ਹੈਲੀਪੈਡ ਅਤੇ ਕੋਰਟ ਕੰਪਲੈਕਸ ਤੇ ਦਫਤਰਾਂ ਨੂੰ ਆਈ. ਈ. ਡੀ. ਬੰਬ ਧਮਾਕੇ ਕਰਕੇ ਉਡਾਉਣ ਦੀ ਧਮਕੀ ਦਿੱਤੀ ਗਈ। ਈਮੇਲ ਮਿਲਦਿਆਂ ਹੀ ਤੁਰੰਤ ਨਿੱਜੀ ਸਕੂਲਾਂ ਨੇ ਪੁਲਿਸ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ, ਜਿਸ ’ਤੇ ਪੁਲਿਸ ਦੀਆਂ ਐਂਟੀ ਸਾਬੋਤਾਜ਼ ਟੀਮਾਂ ਤੇ ਡੌਗ ਸੁਕਐਡ ਨੇ ਉਕਤ ਸਕੂਲਾਂ ਤੇ ਥਾਵਾਂ ਦੀ ਬਾਰੀਕੀ ਨਾਲ ਜਾਂਚ ਕੀਤੀ। ਹਾਲਾਂਕਿ ਜਾਂਚ ਦੌਰਾਨ ਕਿਤਿਓਂ ਵੀ ਕੋਈ ਸ਼ੱਕੀ ਵਸਤੂ ਜਾਂ ਪਦਾਰਥ ਬਰਾਮਦ ਨਹੀਂ ਹੋਇਆ। ਦੱਸਣਯੋਗ ਹੈ ਕਿ ਖਾਲਿਸਤਾਨ ਨੈਸ਼ਨਲ ਆਰਮੀ ਤੇ ਬੱਬਰ ਖਾਲਸਾ (ਪਰਮਾਰ ਕੈਨੇਡਾ) ਨਾਂਅ ਦੇ ਪਾਬੰਦੀਸ਼ੁਦੀ ਅੱਤਵਾਦੀ ਸੰਗਠਨਾਂ ਦੇ ਨਾਂਅ ਹੇਠ ਸਵੇਰੇ 7 ਵੱਜ ਕੇ 7 ਮਿੰਟ ’ਤੇ ਸ਼ਹਿਰ ਦੇ ਤਿੰਨ ਸਕੂਲਾਂ ਦੀ ਈਮੇਲ ਆਈ. ਡੀ. ’ਤੇ ਈਮੇਲ ਆਈ। ਇਸ ਵਿਚ ਧਮਕੀ ਦਿੱਤੀ ਗਈ ਕਿ ਭਾਜਪਾ ਆਗੂ ਅਮਿਤ ਸ਼ਾਹ ਨਿਸ਼ਾਨੇ ’ਤੇ ਹੈ, ਇਸ ਲਈ ਸਕੂਲਾਂ ਨੂੰ 11.11 ਵਜੇ ਬੰਬ ਨਾਲ ਉਡਾ ਦਿੱਤਾ ਜਾਵੇਗਾ। ਈਮੇਲ ਵਿਚ ਲਿਖਿਆ ਗਿਆ ਸੀ ਕਿ ਰੈਲੀ ਵਿਚ 2000 ਬੱਸਾਂ ਵਿਚੋਂ 2-3 ਬੱਸਾਂ ਵਿਚ ਬੰਬ ਰੱਖੇ ਗਏ ਹਨ, ਸਟੇਜ ਹੇਠਾਂ ਆਈ. ਈ. ਡੀ. ਫਿੱਟ ਕਰ ਦਿੱਤਾ ਹੈ। ਇਸ ਤੋਂ ਇਲਾਵਾ 2.11 ਵਜੇ ਕੋਰਟ ਕੰਪਲੈਕਸ ਤੇ 3.11 ਵਜੇ ਦਫ਼ਤਰ ਵਿਚ ਧਮਾਕੇ ਕੀਤੇ ਜਾਣਗੇ। ਇਸ ਸੰਬੰਧੀ ਏ. ਸੀ. ਪੀ. ਵੈਸਟ ਆਤਿਸ਼ ਭਾਟੀਆ ਨੇ ਦੱਸਿਆ ਕਿ ਸ਼ਹਿਰ ਦੇ ਵੱਖ-ਵੱਖ ਸਕੂਲਾਂ ਨੂੰ ਬੰਬ ਉਡਾਉਣ ਨਾਲ ਦੀ ਧਮਕੀ ਭਰੀ ਈਮੇਲ ਆਈ ਸੀ। ਸੂਚਨਾ ਮਿਲਣ ’ਤੇ ਉਕਤ ਥਾਵਾਂ ’ਤੇ ਬਾਰੀਕੀ ਨਾਲ ਜਾਂਚ-ਪੜਤਾਲ ਕੀਤੀ ਗਈ ਪਰ ਇਸ ਦੌਰਾਨ ਕੁਝ ਨਹੀਂ ਮਿਲਿਆ। 30 ਮੁਨੀਸ਼ (4) ਪੀ. ਏ. ਪੀ. ’ਚ ਪ੍ਰਬੰਧਕਾਂ ਨਾਲ ਮੀਟਿੰਗ ਕਰਦੇ ਹੋਏ ਏ. ਸੀ. ਪੀ. ਵੈਸਟ ਆਤਿਸ਼ ਭਾਟੀਆ। ਤਸਵੀਰ–ਜੀਪੀ ਸਿੰਘ।