ਅਣਪਛਾਤੇ ਵਿਅਕਤੀ ਨੇ ਕਰੂਜ਼ਰ ਟਰੈਕਸ ਗੱਡੀ ਚੋਰੀ ਕੀਤੀ
ਕੋਟਕਪੂਰਾ , 30 ਸਤੰਬਰ ( ਮੋਹਰ ਸਿੰਘ ਗਿੱਲ )- ਮਨਪ੍ਰੀਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਪੁੱਤਰ ਬੰਤਾ ਸਿੰਘ ਵਾਸੀ ਪਿੰਡ ਮੱਲਕੇ ਜ਼ਿਲ੍ਹਾ ਮੋਗਾ ਨੇ ਸ਼ਹਿਰੀ ਪੁਲਿਸ ਕੋਟਕਪੂਰਾ ਨੂੰ ਬਿਆਨ ਦੇ ਕੇ ਦੱਸਿਆ ਕਿ ਉਹ ਟੈਕਸੀ ਚਲਾਉਂਦਾ ਹੈ । ਉਸ ਦੇ ਨਾਮ ’ ਤੇ ਇਕ ਕਰੂਜ਼ਰ ਟਰੈਕਸ ਗੱਡੀ ਹੈ ।
ਕੋਟਕਪੂਰਾ , 30 ਸਤੰਬਰ ( ਮੋਹਰ ਸਿੰਘ ਗਿੱਲ )- ਮਨਪ੍ਰੀਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਪੁੱਤਰ ਬੰਤਾ ਸਿੰਘ ਵਾਸੀ ਪਿੰਡ ਮੱਲਕੇ ਜ਼ਿਲ੍ਹਾ ਮੋਗਾ ਨੇ ਸ਼ਹਿਰੀ ਪੁਲਿਸ ਕੋਟਕਪੂਰਾ ਨੂੰ ਬਿਆਨ ਦੇ ਕੇ ਦੱਸਿਆ ਕਿ ਉਹ ਟੈਕਸੀ ਚਲਾਉਂਦਾ ਹੈ । ਉਸ ਦੇ ਨਾਮ ’ ਤੇ ਇਕ ਕਰੂਜ਼ਰ ਟਰੈਕਸ ਗੱਡੀ ਹੈ । ਬਿਆਨ ਕਰਤਾ ਨੇ ਲਵਨੀਤ ਸਿੰਘ ਉਰਫ਼ ਲੱਕੀ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਕਿਲ੍ਹਾ ਰੋਡ ਕੋਟਕਪੂਰਾ ਨੂੰ ਡਰਾਈਵਰ ਰੱਖਿਆ ਹੋਇਆ ਹੈ । ਮਿਤੀ 23.09.2026 ਨੂੰ ਵਕਤ ਕਰੀਬ 6.00 ਵਜੇ ਸ਼ਾਮ ਦੇ ਲਵਨੀਤ ਸਿੰਘ ਡਰਾਈਵਰ ਕਰੂਜ਼ਰ ਟਰੈਕਸ ਗੱਡੀ ਕਿਲ੍ਹੇ ਦੇ ਸਾਹਮਣੇ ਬਾਕੀ ਗੱਡੀਆਂ ਨਾਲ ਪਾਰਕਿੰਗ ਵਿਚ ਲਗਾ ਕੇ ਆਪਣੇ ਘਰ ਚਲਾ ਗਿਆ । ਜਦ ਉਸ ਨੇ ਅਗਲੇ ਦਿਨ ਵਕਤ ਕਰੀਬ 11 ਵਜੇ ਆ ਕੇ ਵੇਖਿਆ ਤਾਂ ਕਰੂਜ਼ਰ ਟਰੈਕਸ ਗੱਡੀ ਓਥੇ ਨਹੀਂ ਸੀ । ਜਦ ਕੈਮਰੇ ਚੈਕ ਕੀਤੇ ਗਏ ਤਾਂ ਪਤਾ ਲੱਗਾ ਕਿ ਰਾਤ ਨੂੰ ਵਕਤ ਕਰੀਬ 10.40 ਵਜੇ ਕੋਈ ਨਾਮਾਲੂਮ ਵਿਅਕਤੀ ਗੱਡੀ ਚੋਰੀ ਕਰਕੇ ਲੈ ਗਿਆ । ਗੱਡੀ ਦੀ ਬਿਆਨਕਰਤਾ ਅਤੇ ਡਰਾਈਵਰ ਨੇ ਹੁਣ ਤੱਕ ਬਹੁਤ ਭਾਲ ਕੀਤੀ ਪਰ ਗੱਡੀ ਨਹੀਂ ਮਿਲੀ । ਇਸ ਸਬੰਧ ’ ਚ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਨਾਮਾਲੂਮ ਵਿਅਕਤੀ ਦੀ ਭਾਲ ਆਰੰਭ ਕਰ ਦਿੱਤੀ ਹੈ ।
