ਰੂਰਲ ਯੂਥ ਸਪੋਰਟਸ ਕਲੱਬ ਭਾਦਸੋਂ ਦੀ ਮੀਟਿੰਗ ਹੋਈ
ਭਾਦਸੋਂ, 29 ਸਤੰਬਰ (ਗੁਰਬਖਸ਼ ਸਿੰਘ ਵੜੈਚ)-ਰੂਰਲ ਯੂਥ ਸਪੋਰਟਸ ਕਲੱਬ ਭਾਦਸੋਂ ਦੀ ਮੀਟਿੰਗ ਸਰਪ੍ਰਸਤ ਦਰਸ਼ਨ ਸਿੰਘ ਧਾਰਨੀ ਤੇ ਪ੍ਰਧਾਨ ਗੁਰਪ੍ਰੀਤ ਸਿੰਘ ਦੀ ਅਗਵਾਈ ’ਚ ਹੋਈ। ਇਸ ਮੌਕੇ ਕਲੱਬ ਮੈਂਬਰਾਂ ਅਤੇ ਆਗੂਆਂ ਵਲੋਂ ਵਿਚਾਰ ਚਰਚਾ ਕੀਤੀ ਗਈ।
ਭਾਦਸੋਂ, 29 ਸਤੰਬਰ (ਗੁਰਬਖਸ਼ ਸਿੰਘ ਵੜੈਚ)-ਰੂਰਲ ਯੂਥ ਸਪੋਰਟਸ ਕਲੱਬ ਭਾਦਸੋਂ ਦੀ ਮੀਟਿੰਗ ਸਰਪ੍ਰਸਤ ਦਰਸ਼ਨ ਸਿੰਘ ਧਾਰਨੀ ਤੇ ਪ੍ਰਧਾਨ ਗੁਰਪ੍ਰੀਤ ਸਿੰਘ ਦੀ ਅਗਵਾਈ ’ਚ ਹੋਈ। ਇਸ ਮੌਕੇ ਕਲੱਬ ਮੈਂਬਰਾਂ ਅਤੇ ਆਗੂਆਂ ਵਲੋਂ ਵਿਚਾਰ ਚਰਚਾ ਕੀਤੀ ਗਈ। ਜਾਣਕਾਰੀ ਦਿੰਦੇ ਹੋਏ ਪ੍ਰਮੁੱਖ ਆਗੂਆਂ ਨੇ ਦੱਸਿਆ ਕਿ 1 ਨਵੰਬਰ ਨੂੰ ਭਾਦਸੋਂ ਵਿਖੇ ਇਕ ਦਿਨਾਂ ਕਬੱਡੀ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿਚ ਨਾਮੀ ਕਬੱਡੀ ਖਿਡਾਰੀ ਅਤੇ ਟੀਮਾਂ ਇਸ ਟੂਰਨਾਮੈਂਟ ਵਿਚ ਹਿੱਸ ਲੈਣਗੀਆਂ। ਉਨ੍ਹਾਂ ਦੱਸਿਆ ਕਿ ਕਬੱਡੀ ਕੱਪ ’ਚ ਜਿੱਤਣ ਵਾਲੀ ਟੀਮ ਨੂੰ 51 ਹਜ਼ਾਰ ਰੁਪਏ ਅਤੇ ਦੂਜੇ ਨੰਬਰ ’ਤੇ ਆਉਣ ਵਾਲੀ ਟੀਮ ਨੂੰ 41 ਹਜ਼ਾਰ ਰੁਪਏ ਦਿੱਤੇ ਜਾਣਗੇ। ਇਸ ਤੋਂ ਇਲਾਵਾ ਬੈਸਟ ਰੇਡਰ ਅਤੇ ਬੈਸਟ ਜਾਫੀ ਨੂੰ 21 -21 ਹਜ਼ਾਰ ਰੁਪਏ ਦਿੱਤੇ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਟੂਰਨਾਮੈਂਟ ਦੇ ਪੁਖਤਾ ਪ੍ਰਬੰਧਾਂ ਸੰਬੰਧੀ ਅੱਜ ਮੀਟਿੰਗ ਵਿਚ ਵਿਚਾਰ ਚਰਚਾ ਕੀਤੀ ਗਈ ਤਾਂ ਜੋ ਟੂਰਨਾਮੈਂਟ ਵਿਚ ਕੋਈ ਸਮੱਸਿਆ ਨਾ ਆ ਸਕੇ। ਇਸ ਮੌਕੇ ਉਨ੍ਹਾਂ ਨਾਲ ਸੀਨੀਅਰ ਮੀਤ ਪ੍ਰਧਾਨ ਦਪਿੰਦਰ ਸਿੰਘ ਭਾਦਸੋਂ, ਮੀਤ ਪ੍ਰਧਾਨ ਚੈਨੀ ਸਹੋਲੀ, ਅਜਮੀਲ ਖਾਂ, ਜਨਰਲ ਸਕੱਤਰ ਅਮਰਿੰਦਰ ਸਿੰਘ ਰਾਜਾ ਸੰਧੂ ਸਹਾਇਕ ਸਕੱਤਰ, ਖਜ਼ਾਨਚੀ ਸੋਨਾ ਜੱਟ ਧਾਲੀਵਾਲ, ਪ੍ਰੈੱਸ ਸਕੱਤਰ ਰੂਬੀ ਭਾਦਸੋਂ, ਪ੍ਰਚਾਰ ਸਕੱਤਰ ਹੈਰੀ ਟਿਵਾਣਾ, ਸਕੱਤਰ ਪਵਿੱਤਰ ਸਿੰਘ, ਸਲਾਹਕਾਰ/ਖਜ਼ਾਨਚੀ ਨੋਨਾ, ਮੋਠਾ ਭਾਦਸੋਂ, ਯਾਦਵਿੰਦਰ ਸਿੰਘ ਲਾਡੀ ਖੱਟੜਾ ਤੇ ਜਸਪਾਲ ਸਿੰਘ ਆਦਿ ਹਾਜ਼ਰ ਸਨ ।
