ਕੇਂਦਰ ਸਰਕਾਰ ਦੀਆਂ ਮਾੜੀਆਂ ਨੀਤੀਆਂ ਕਰਨ ਲੋਕ ਮਹਿੰਗਾਈ ਦੀ ਮਾਰ ਝੱਲ ਰਹੇ-ਜਸਵਿੰਦਰ ਮੱਤਾ
ਜੈਤੋ, 23 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ)-ਜਸਵਿੰਦਰ ਸਿੰਘ ਮੱਤਾ ਸੂਬਾਈ ਜਰਨਲ ਸਕੱਤਰ ਓ. ਬੀ.
ਜੈਤੋ, 23 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ)-ਜਸਵਿੰਦਰ ਸਿੰਘ ਮੱਤਾ ਸੂਬਾਈ ਜਰਨਲ ਸਕੱਤਰ ਓ.ਬੀ.ਸੀ.ਵਿੰਗ ਕਾਂਗਰਸ ਨੇ ਕੇਂਦਰ ਸਰਕਾਰ ਦੀ ਤਿੱਖੀ ਅਲੋਚਨਾ ਕਰਦਿਆਂ ਕਿਹਾ ਕਿ ਖੰਡ ਦੇ ਭਾਅ ਵਧਣ ਨਾਲ ਆਮ ਤੇ ਗਰੀਬ ਵਰਗ ਦੀ ਰਸੋਈ ਦਾ ਬਜਟ ਹਿਲ ਗਿਆ ਹੈ। ਜਦ ਕਿ ਕੇਂਦਰ ਸਰਕਾਰ ਵੱਡੇ ਵੱਡੇ ਦਾਅਵੇ ਕਰਦੀ ਹੈ ਕਿ ਆਮ ਤੇ ਗਰੀਬ ਵਰਗ ਨੂੰ ਸਹੂਲਤਾਂ ਪ੍ਰਦਾਨ ਕਰਦੀ ਹੈ। ਜਦ ਕਿ ਸੱਚਾਈ ਇਹ ਹੈ ਕਿ ਸਰਕਾਰ ਦੇ ਨੱਕ ਥੱਲੇ ਮਹਿੰਗਾਈ ਦਾ ਬੋਲਬਾਲਾ ਹੈ ਤੇ ਇਸ ਮਹਿੰਗਾਈ ਦੇ ਕਾਰਨ ਲੋਕਾਂ ਦਾ ਜਿਉਣ ਦੁਭਰ ਹੋ ਗਿਆ ਹੈ ਕਿਉਂਕਿ ਕਦੀ ਗੈਸ ਸਿਲੰਡਰ ਵਿਚ ਵਾਧਾ, ਡੀਜ਼ਲ, ਪੈਟਰੋਲ ਵਿਚ ਵਾਧਾ ਅਤੇ ਹੁਣ ਖੰਡ ਦੇ ਭਾਅ ਵਿਚ ਅਥਾਹ ਵਾਧੇ ਦੀ ਮਹਿੰਗਾਈ ਨਾਲ ਆਮ ਤੇ ਗਰੀਬ ਦਾ ਲੱਕ ਤੋੜ ਕੇ ਰੱਖ ਦਿੱਤਾ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਸਰਕਾਰ ਤੁਰੰਤ ਮਹਿੰਗਾਈ ਨੂੰ ਠੱਲ ਪਾਵੇ।
