ਦਸਮੇਸ਼ ਸਕੂਲ ਸਰਦੂਲਗੜ੍ਹ ਦੇ ਕਰਾਟੇ ਖਿਡਾਰੀਆਂ ਨੇ 83 ਤਗਮੇ ਜਿੱਤੇ
ਸਰਦੂਲਗੜ੍ਹ, 18 ਅਗਸਤ (ਜੀ. ਐਮ.
ਸਰਦੂਲਗੜ੍ਹ, 18 ਅਗਸਤ (ਜੀ.ਐਮ.ਅਰੋੜਾ)- ਕੈਪਟਨ ਸੁਰਜੀਤ ਸਿੰਘ ਵੈੱਲਫੇਅਰ ਸੁਸਾਇਟੀ ਅਧੀਨ ਚੱਲ ਰਹੇ ਦਸਮੇਸ਼ ਕਾਨਵੈਂਟ ਸਕੂਲ ਸਰਦੂਲਗੜ੍ਹ ਅਤੇ ਦਸਮੇਸ਼ ਇੰਟਰਨੈਸ਼ਨਲ ਸਕੂਲ ਸਰਦੂਲਗੜ੍ਹ ਦੇ ਕਰਾਟੇ ਖਿਡਾਰੀਆਂ ਨੇ ਕੁੱਲ 83 ਤਗਮੇ ਜਿੱਤੇ। ਕਰਾਟੇ ਕੋਚ ਬਲਜਿੰਦਰ ਸਿੰਘ ਵਿੱਕੀ ਦੀ ਅਗਵਾਈ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 40 ਸੋਨ, 24 ਚਾਂਦੀ ਅਤੇ 19 ਕਾਂਸੇ ਕੁੱਲ 83 ਤਗਮੇ ਫੁੰਡੇ ਹਨ। ਅੰਡਰ-14 ’ਚ 3 ਲੜਕੀਆਂ ਅਤੇ 4 ਲੜਕਿਆਂ ਨੇ ਸੋਨ ਤਗਮੇ ਜਿੱਤੇ। ਅੰਡਰ-17 ’ਚ 10 ਲੜਕੀਆਂ ਅਤੇ 10 ਲੜਕਿਆਂ ਨੇ ਸੋਨ, ਅੰਡਰ-19 ’ਚ 6 ਲੜਕੀਆਂ ਅਤੇ 7 ਲੜਕਿਆਂ ਨੇ ਸੋਨ ਤਗਮੇ ਹਾਸਲ ਕੀਤੇ। ਇਸੇ ਤਰ੍ਹਾਂ ਅੰਡਰ-14 ’ਚ 4 ਲੜਕੀਆਂ ਅਤੇ 3 ਲੜਕਿਆਂ ਨੇ ਚਾਂਦੀ, ਅੰਡਰ-17 ’ਚ 3 ਲੜਕੀਆਂ ਅਤੇ 6 ਲੜਕਿਆਂ ਨੇ ਚਾਂਦੀ ਤਗਮੇ ਪ੍ਰਾਪਤ ਕੀਤੇ। ਅੰਡਰ-19 ’ਚ 2 ਲੜਕੀਆਂ ਅਤੇ 6 ਲੜਕਿਆਂ ਨੇ ਚਾਂਦੀ ਤਗਮੇ ਜਿੱਤੇ ਅਤੇ ਵੱਖ-ਵੱਖ ਵਰਗਾਂ ’ਚ ਲੜਕੇ ਅਤੇ ਲੜਕੀਆਂ ਨੇ 19 ਕਾਂਸੇ ਤਗਮੇ ਜਿੱਤੇ। ਇਸ ਮੌਕੇ ਪ੍ਰਿੰਸੀਪਲ ਭੁਪਿੰਦਰ ਸਿੰਘ ਸੰਧੂ, ਕੋਚ ਬਲਜਿੰਦਰ ਸਿੰਘ, ਡੀ.ਪੀ.ਈ. ਮਨਦੀਪ ਸਿੰਘ, ਅਵਤਾਰ ਸਿੰਘ, ਅਮਨਦੀਪ ਸਿੰਘ, ਰਮਨਦੀਪ ਸਿੰਘ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ।
