ਐਫ.ਐਸ.ਐਫ.ਟੀ.ਆਈ. ਅਤੇ ਏ.ਆਈ.ਸੀ.ਟੀ.ਈ. ਨੂੰ ਦਾਖਲੇ ਦੀ ਆਖਰੀ ਤਰੀਕ 30 ਅਕਤੂਬਰ ਤੱਕ ਵਧਾਉਣ ਦੀ ਅਪੀਲ

ਚੰਡੀਗੜ੍ਹ, 8 ਅਗਸਤ (ਅ. ਬ.)

ਅ

ਅਜੀਤ ਡੈਸਕ 09-08-2026

ਚੰਡੀਗੜ੍ਹ, 8 ਅਗਸਤ (ਅ.ਬ.)- ਪ੍ਰੀਖਿਆਵਾਂ ਅਤੇ ਨਤੀਜਿਆਂ ’ਚ ਦੇਰੀ, ਹੜ੍ਹ, ਕਾਉਂਸਲਿੰਗ ਬਾਰੇ ਅਨਿਸ਼ਚਿਤਤਾ ਅਤੇ ਸਹਾਇਕ ਸਿਹਤ ਸੰਭਾਲ ( allied healthcare ) ਦੇ ਅਸਪੱਸ਼ਟ ਨਿਯਮਾਂ ਨੇ ਵਿਦਿਆਰਥੀਆਂ ਦੇ ਦਾਖਲੇ ਸਬੰਧੀ ਫੈਸਲਿਆਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਡਾ. ਅੰਸ਼ੂ ਕਟਾਰੀਆ ਫੈਡਰੇਸ਼ਨ ਆਫ ਸੈਲਫ-ਫਾਇਨਾਂਸਿੰਗ ਟੈਕਨੀਕਲ ਇੰਸਟੀਚਿਊਸ਼ਨਜ਼ (ਐਫ.ਐਸ.ਐਫ.ਟੀ.ਆਈ.) ਨੇ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ (ਯੂ.ਜੀ.ਸੀ.), ਆਲ ਇੰਡੀਆ ਕੌਂਸਲ ਫਾਰ ਟੈਕਨੀਕਲ ਐਜੂਕੇਸ਼ਨ (ਏ.ਆਈ.ਸੀ.ਟੀ.ਈ.), ਸਿੱਖਿਆ ਮੰਤਰਾਲੇ ਅਤੇ ਹੋਰ ਰੈਗੂਲੇਟਰੀ ਸੰਸਥਾਵਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਤਕਨੀਕੀ ਅਤੇ ਪੇਸ਼ੇਵਰ ਕੋਰਸਾਂ ਲਈ ਦਾਖਲੇ ਦੀ ਆਖਰੀ ਮਿਤੀ ਨੂੰ 14 ਅਗਸਤ ਤੋਂ ਵਧਾ ਕੇ 30 ਅਕਤੂਬਰ 2026 ਕਰ ਦੇਣ । ਜਿੱਥੇ ਯੂ.ਜੀ.ਸੀ. ਅਤੇ ਏ.ਆਈ.ਸੀ.ਟੀ.ਈ. ਦੁਆਰਾ ਨਿਯੰਤਰਿਤ ਕੋਰਸਾਂ ਲਈ ਦਾਖਲੇ ਦੀ ਮੌਜੂਦਾ ਆਖਰੀ ਮਿਤੀ 14 ਅਗਸਤ ਹੈ, ਉੱਥੇ ਹੀ ਫਾਰਮੇਸੀ ਕੌਂਸਲ ਆਫ ਇੰਡੀਆ ਨੇ 15 ਸਤੰਬਰ 2026 ਤੱਕ ਦਾਖਲਿਆਂ ਦੀ ਇਜਾਜ਼ਤ ਦਿੱਤੀ ਹੈ । ਐਫ.ਐਸ.ਐਫ.ਟੀ.ਆਈ. ਅਤੇ ਪੰਜਾਬ ਅਨਏਡਿਡ ਕਾਲਜਿਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਅਤੇ ਆਰੀਅਨਜ਼ ਗਰੁੱਪ ਆਫ ਕਾਲਜਿਜ਼ ਦੇ ਚੇਅਰਮੈਨ, ਡਾ. ਅੰਸ਼ੂ ਕਟਾਰੀਆ ਨੇ ਕਿਹਾ ਕਿ ਨੀਟ ਨਾਲ ਜੁੜੀ ਅਨਿਸ਼ਚਿਤਤਾ, ਪ੍ਰੀਖਿਆਵਾਂ ਨਾਲ ਸਬੰਧਤ ਵਿਵਾਦਾਂ, ਮੁੜ-ਪ੍ਰੀਖਿਆਵਾਂ, ਨਤੀਜਿਆਂ ਵਿੱਚ ਦੇਰੀ ਅਤੇ ਲੰਬੀ ਚੱਲਣ ਵਾਲੀ ਕਾਉਂਸਲਿੰਗ ਕਾਰਨ ਦਾਖਲਾ ਸੈਸ਼ਨ ਪ੍ਰਭਾਵਿਤ ਹੋਇਆ ਹੈ । ਪੁੱਕਾ ਦੇ ਮੈਂਬਰਾਂ ਮਨਜੀਤ ਸਿੰਘ, ਗੁਰਮੀਤ ਸਿੰਘ ਧਾਲੀਵਾਲ, ਅਸ਼ਵਨੀ ਗਰਗ, ਅਸ਼ੋਕ ਗਰਗ, ਮੋਹਿਤ ਮਹਾਜਨ, ਗੁਰਕੀਰਤ ਸਿੰਘ, ਗੁਰਪ੍ਰੀਤ ਸਿੰਘ ਅਤੇ ਐਚ.ਐਸ. ਕੰਡਾ - ਨੇ UGC, AICTE, ਸਿੱਖਿਆ ਮੰਤਰਾਲੇ ਅਤੇ ਹੋਰ ਸਬੰਧਤ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਜ਼ਿਕਰਯੋਗ ਹੈ ਕਿ ਸੁਪਰੀਮ ਕੋਰਟ ਵਿੱਚ PUCA ਦੀਆਂ ਪਟੀਸ਼ਨਾਂ ‘ਤੇ, ਤਕਨੀਕੀ ਕੋਰਸਾਂ ਲਈ ਦਾਖਲੇ ਦੀਆਂ ਅੰਤਿਮ ਤਾਰੀਖਾਂ ਨੂੰ 2025 ਵਿੱਚ 30 ਅਕਤੂਬਰ, 2024 ਵਿੱਚ 23 ਅਕਤੂਬਰ ਅਤੇ 2023 ਵਿੱਚ 30 ਅਕਤੂਬਰ ਤੱਕ ਵਧਾਇਆ ਗਿਆ ਸੀ। ਸਾਲ 2022 ਵਿੱਚ, ਪਹਿਲੇ ਸਾਲ ਦੇ ਕੋਰਸਾਂ ਲਈ 25 ਅਕਤੂਬਰ ਅਤੇ ਲੈਟਰਲ-ਐਂਟਰੀ ਪ੍ਰੋਗਰਾਮਾਂ ਲਈ 30 ਅਕਤੂਬਰ ਤੱਕ ਦਾਖਲੇ ਦੀ ਇਜਾਜ਼ਤ ਦਿੱਤੀ ਗਈ ਸੀ।

ਪਿਛਲੀ ਖ਼ਬਰ ਐਤਵਾਰ ਨੂੰ ਪੰਜਾਬ ਦੇ ਪਹਾੜੀ ਖੇਤਰ ’ਚ ਝੱਖੜ ਝੁੱਲਣ ਸਮੇਤ ਭਾਰੀ ਮੀਂਹ ਪੈਣ ਦੀ ਚਿਤਾਵਨੀ ਅਗਲੀ ਖ਼ਬਰ ਪੰਜਾਬ ਯੂਨੀਵਰਸਿਟੀ ਦੀ ਖੋਜੀ ਵਿਦਿਆਰਥਣ ਸਵ.ਜੋਤੀ ਦੀ ਯਾਦ ’ਚ ਹਵਨ ਅਤੇ ਪ੍ਰਾਰਥਨਾ ਸਭਾ ਕਰਵਾਈ

ਐਫ.ਐਸ.ਐਫ.ਟੀ.ਆਈ. ਅਤੇ ਏ.ਆਈ.ਸੀ.ਟੀ.ਈ. ਨੂੰ ਦਾਖਲੇ ਦੀ ਆਖਰੀ ਤਰੀਕ 30 ਅਕਤੂਬਰ ਤੱਕ ਵਧਾਉਣ ਦੀ ਅਪੀਲ

ਸੰਬੰਧਿਤ ਖ਼ਬਰਾਂ