ਕਾਰੋਬਾਰੀ ’ ਤੇ ਹਮਲਾ ਕਰਨ ਤੇ ਗੋਲੀ ਚਲਾ ਕੇ ਦਹਿਸ਼ਤ ਫੈਲਾਉਣ ਦੇ ਮਾਮਲੇ ਵਿਚ 22 ਵਿਅਕਤੀਆਂ ਖਿਲਾਫ਼ ਕੇਸ ਦਰਜ
ਲੁਧਿਆਣਾ, 3 ਨਵੰਬਰ (ਪਰਮਿੰਦਰ ਸਿੰਘ ਆਹੂਜਾ)- ਕਾਰੋਬਾਰੀ ’ਤੇ ਹਮਲਾ ਕਰਕੇ ਗੋਲੀਆਂ ਚਲਾ ਕੇ ਦਹਿਸ਼ਤ ਫੈਲਾਉਣ ਦੇ ਮਾਮਲੇ ਵਿਚ ਪੁਲਿਸ ਨੇ 22 ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲਿਸ ਵਲੋਂ ਇਹ ਕਾਰਵਾਈ ਕੁਨਾਰਕ ਉਰਫ ਕੁਨਾਲ ਵਾਸੀ ਜੋਸ਼ੀ ਨਗਰ ਦੀ ਸ਼ਿਕਾਇਤ ‘ਤੇ ਅਮਲ ਵਿਚ ਲਿਆਂਦੀ ਹੈ ਅਤੇ ਇਸ ਮਾਮਲੇ ਵਿਚ ਪੁਲਿਸ ਵੱਲੋਂ ਅਮਨ ਪੁਨੀਤ ਉਰਫ ਅਮਨ ਗੁਰਵਿੰਦਰ ਸਿੰਘ, ਕਰਨ ਅਰੋੜਾ ਉਰਫ ਮੋਟਾ ਬਿਮਲ, ਦੀਵਾਕਰ ਰਾਜ ਉਰਫ ਛੋਟਾ ਰਾਜਵੀਰ, ਨਾਹਰ ਉਰਫ ਕਾਲੂ, ਸੁਨੀਲ ਸਹੋਤਾ ਉਰਫ ਰਿੱਕੀ ਸਹੋਤਾ।
ਲੁਧਿਆਣਾ, 3 ਨਵੰਬਰ (ਪਰਮਿੰਦਰ ਸਿੰਘ ਆਹੂਜਾ)- ਕਾਰੋਬਾਰੀ ’ਤੇ ਹਮਲਾ ਕਰਕੇ ਗੋਲੀਆਂ ਚਲਾ ਕੇ ਦਹਿਸ਼ਤ ਫੈਲਾਉਣ ਦੇ ਮਾਮਲੇ ਵਿਚ ਪੁਲਿਸ ਨੇ 22 ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲਿਸ ਵਲੋਂ ਇਹ ਕਾਰਵਾਈ ਕੁਨਾਰਕ ਉਰਫ ਕੁਨਾਲ ਵਾਸੀ ਜੋਸ਼ੀ ਨਗਰ ਦੀ ਸ਼ਿਕਾਇਤ ‘ਤੇ ਅਮਲ ਵਿਚ ਲਿਆਂਦੀ ਹੈ ਅਤੇ ਇਸ ਮਾਮਲੇ ਵਿਚ ਪੁਲਿਸ ਵੱਲੋਂ ਅਮਨ ਪੁਨੀਤ ਉਰਫ ਅਮਨ ਗੁਰਵਿੰਦਰ ਸਿੰਘ, ਕਰਨ ਅਰੋੜਾ ਉਰਫ ਮੋਟਾ ਬਿਮਲ, ਦੀਵਾਕਰ ਰਾਜ ਉਰਫ ਛੋਟਾ ਰਾਜਵੀਰ, ਨਾਹਰ ਉਰਫ ਕਾਲੂ, ਸੁਨੀਲ ਸਹੋਤਾ ਉਰਫ ਰਿੱਕੀ ਸਹੋਤਾ। ਫਰਾਂਸਿਸ ਉਰਫ ਬਿੱਲਾ ਪ੍ਰਿੰਸ ਗਿੱਲ ਉਰਫ ਢਿੱਡੀ ਪ੍ਰਭਜੋਤ ਸਿੰਘ, ਡਾਗਰ ਭਵਨੇਸ਼ ਉਰਫ ਭਾਨੂ, ਹਰਮਨ ਸਿੱਧੂ ਵਾਸੀ ਪਿੰਡ ਬਹਾਦਰ ਕੇ ਅਤੇ 9 ਅਣਪਛਾਤੇ ਨੌਜਵਾਨਾਂ ਖਿਲਾਫ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਕੀਤਾ ਹੈ। ਪੁਲਿਸ ਪਾਸ ਲਿਖਵਾਈ ਮੁੱਢਲੀ ਰਿਪੋਰਟ ਵਿਚ ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਬੀਤੇ ਦਿਨ ਉਹ ਘਰ ਦੇ ਬਾਹਰ ਖੜ੍ਹਾ ਸੀ ਕਿ ਇਸ ਦੌਰਾਨ ਉਕਤ ਕਥਿਤ ਦੋਸ਼ੀ ਉਥੇ ਆਏ ਅਤੇ ਉਸ ਨਾਲ ਉਲਝ ਪਏ। ਇਸ ਦੌਰਾਨ ਇਹਨਾਂ ਕਥਿਤ ਦੋਸ਼ੀਆਂ ਨੇ ਆਪਣੇ ਕੁਝ ਸਾਥੀ ਬੁਲਾ ਲਏ ਅਤੇ ਉਸਦੀ ਕੁੱਟਮਾਰ ਕਰਨ ਲੱਗ ਪਏ। ਇਨ੍ਹਾਂ ਕਥਿਤ ਦੋਸ਼ੀਆਂ ਵੱਲੋਂ ਉੱਥੇ ਕਈ ਰੋਂਦ ਵੀ ਚਲਾਈਆਂ ਗਈਆਂ, ਜਿਸ ਕਾਰਨ ਉੱਥੇ ਦਹਿਸ਼ਤ ਫੈਲ ਗਈ। ਸੂਚਨਾ ਮਿਲਦੇ ਪੁਲਿਸ ਅਧਿਕਾਰੀ ਮੌਕੇ ‘ਤੇ ਪਹੁੰਚੇ। ਪੁਲਿਸ ਵਲੋਂ ਕਾਰਵਾਈ ਕਰਦਿਆਂ ਇਸ ਮਾਮਲੇ ਵਿਚ ਕੇਸ ਦਰਜ ਕਰ ਲਿਆ। ਹਾਲ ਦੀ ਘੜੀ ਇਸ ਮਾਮਲੇ ਵਿਚ ਗ੍ਰਿਫ਼ਤਾਰੀ ਨਹੀਂ ਕੀਤੀ ਗਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
