ਪੀ . ਏ . ਯੂ . ਦੇ ਭੋਜਨ ਤੇ ਪੋਸ਼ਣ ਵਿਭਾਗ ਨੂੰ ਸਰਵੋਤਮ ਇਨਾਮ ਹਾਸਲ ਹੋਇਆ
ਲੁਧਿਆਣਾ, 13 ਅਕਤੂਬਰ (ਜਸਵਿੰਦਰ ਸਿੰਘ)-ਪੀ. ਏ.
ਲੁਧਿਆਣਾ, 13 ਅਕਤੂਬਰ (ਜਸਵਿੰਦਰ ਸਿੰਘ)-ਪੀ.ਏ.ਯੂ. ਦੇ ਭੋਜਨ ਅਤੇ ਪੋਸ਼ਣ ਵਿਭਾਗ ਵਿਚ ਸਥਿਤ ਭਾਰਤੀ ਭੋਜਨ ਸੁਸਾਇਟੀ ਦੇ ਲੁਧਿਆਣਾ ਚੈਪਟਰ ਨੂੰ 2025-26 ਲਈ ਸਰਵੋਤਮ ਚੈਪਟਰ ਪੁਰਸਕਾਰ ਨਾਲ ਨਿਵਾਜ਼ਿਆ ਗਿਆ ਹੈ| ਇਹ ਪਿਛਲੇ 5 ਸਾਲਾਂ ਵਿਚ ਵਿਭਾਗ ਲਈ ਚੌਥੀ ਵਾਰ ਹਾਸਲ ਹੋਈ ਪ੍ਰਾਪਤੀ ਹੈ ਅਤੇ ਨਾਲ ਹੀ ਵਿਭਾਗ ਵੱਲੋਂ ਪੋਸ਼ਣ ਵਿਗਿਆਨ ਦੇ ਨਾਲ-ਨਾਲ ਜੰਗ ਜਾਗਰੂਕਤਾ ਦੀਆਂ ਕੋਸ਼ਿਸ਼ਾਂ ਦਾ ਪ੍ਰਮਾਣ ਵੀ ਹੈ| ਇਸ ਇਨਾਮ ਵਿਚ 20000 ਰੁਪਏ ਦੀ ਨਕਦ ਰਾਸ਼ੀ ਅਤੇ ਪ੍ਰਮਾਣ ਪੱਤਰ ਸ਼ਾਮਿਲ ਹੈ| 58ਵੀਂ ਰਾਸ਼ਟਰੀ ਪੋਸ਼ਣ ਸੁਸਾਇਟੀ ਦੀ ਕਾਨਫਰੰਸ ਜੋ ਬੀਤੇ ਦਿਨੀਂ ਕੋਇੰਬਟੂਰ ਵਿਚ ਹੋਈ ਦੌਰਾਨ ਇਹ ਇਨਾਮ ਵਿਭਾਗ ਨੂੰ ਪ੍ਰਦਾਨ ਕੀਤਾ ਗਿਆ| ਕਮਿਊਨਟੀ ਸਾਇੰਸ ਕਾਲਜ ਦੇ ਡੀਨ ਡਾ. ਕਿਰਨ ਬੈਂਸ ਅਤੇ ਭੋਜਨ ਅਤੇ ਪੋਸ਼ਣ ਵਿਭਾਗ ਦੇ ਮੁਖੀ ਡਾ. ਹਰਪ੍ਰੀਤ ਕੌਰ ਨੇ ਮਾਹਿਰਾਂ ਦੀ ਵਿਸ਼ੇਸ਼ ਟੀਮ ਜਿਨ੍ਹਾਂ ਵਿਚ ਕਨਵੀਨਰ ਡਾ. ਰੇਨੂੰਕਾ ਅਗਰਵਾਲ, ਸਕੱਤਰ ਡਾ. ਮੋਨਿਕਾ ਚੌਧਰੀ ਅਤੇ ਖਜ਼ਾਨਚੀ ਡਾ. ਅਮਰਜੀਤ ਕੌਰ ਸ਼ਾਮਿਲ ਹਨ ਨੂੰ ਬਿਹਤਰੀਨ ਕਾਰਜ ਲਈ ਵਧਾਈ ਦਿੱਤੀ| ਨਾਲ ਹੀ ਵਿਭਾਗ ਦੇ ਹੋਰ ਮਾਹਿਰਾਂ ਅਤੇ ਵਿਦਿਆਰਥੀਆਂ ਵੱਲੋਂ ਲਗਾਤਾਰ ਲੋਕ ਜਾਗਰੂਕਤਾ ਲਈ ਕੀਤੇ ਜਾਣ ਵਾਲੇ ਯਤਨਾਂ ਦੀ ਸ਼ਲਾਘਾ ਵੀ ਕੀਤੀ|
