ਲੁਧਿਆਣਾ

ਸੀ.ਟੀ. ਯੂਨੀਵਰਸਿਟੀ ਵਲੋਂ ਐਮਰਜੈਂਸੀ ਚਿਤਾਵਨੀ ਤਕਨਾਲੋਜੀ ਨਾਲ ਲੈਸ ਸਮਾਰਟ ਸੁਰੱਖਿਆ ਜੁੱਤੇ ਤਿਆਰ

ਜਲੰਧਰ, 5 ਅਕਤੂਬਰ (ਜਸਪਾਲ ਸਿੰਘ)-ਤਕਨਾਲੋਜੀ ਆਧਾਰਿਤ ਨਿੱਜੀ ਸੁਰੱਖਿਆ ਵੱਲ ਇੱਕ ਮਹੱਤਵਪੂਰਨ ਕਦਮ ਚੁੱਕਦਿਆਂ ਸੀ. ਟੀ.

ਸ

ਸੀ. ਟੀ. ਯੂਨੀਵਰਸਿਟੀ ਵਲੋਂ ਤਿਆਰ ਕੀਤੇ ਗਏ ਚਿਤਾਵਨੀ ਤਕਨਾਲੋਜੀ ਨਾਲ ਲੈਸ ਜੁੱਤੇ ਦਿਖਾਉਂਦੇ ਹੋਏ ਡਾ. ਮਨਬੀਰ ਸਿੰਘ ਤੇ ਹੋਰ। ਅਜੀਤ ਤਸਵੀਰ 06-10-2026

ਜਲੰਧਰ, 5 ਅਕਤੂਬਰ (ਜਸਪਾਲ ਸਿੰਘ)-ਤਕਨਾਲੋਜੀ ਆਧਾਰਿਤ ਨਿੱਜੀ ਸੁਰੱਖਿਆ ਵੱਲ ਇੱਕ ਮਹੱਤਵਪੂਰਨ ਕਦਮ ਚੁੱਕਦਿਆਂ ਸੀ.ਟੀ. ਯੂਨੀਵਰਸਿਟੀ ਦੀ ਰੋਬੋਟਿਕਸ ਅਤੇ ਆਟੋਮੇਸ਼ਨ ਲੈਬ ਨੇ ਨਵੇਂ ਸਮਾਰਟ ਐਸ.ਓ.ਐਸ. ਸੁਰੱਖਿਆ ਜੁੱਤੇ ਤਿਆਰ ਕੀਤੇ ਹਨ । ਚੋਰੀ, ਖਤਰੇ ਜਾਂ ਕਿਸੇ ਹੋਰ ਐਮਰਜੈਂਸੀ ਦੀ ਸਥਿਤੀ ਵਿਚ ਇਹ ਤਕਨਾਲੋਜੀ ਇੱਕ ਬਦਲਵੇਂ ਐਸ.ਓ.ਐਸ. ਸਾਧਨ ਵਜੋਂ ਕੰਮ ਕਰ ਸਕਦੀ ਹੈ । ਖਾਸ ਤੌਰ ’ਤੇ ਉਸ ਸਮੇਂ ਜਦੋਂ ਮੋਬਾਈਲ ਫੋਨ ਤੱਕ ਪਹੁੰਚ ਕਰਨਾ ਜਾਂ ਖੁਦ ਐਮਰਜੈਂਸੀ ਅਲਰਟ ਸਰਗਰਮ ਕਰਨਾ ਸੰਭਵ ਨਾ ਹੋਵੇ । ਜੁੱਤਿਆਂ ਵਿੱਚ ਲਗਾਇਆ ਗਿਆ ਐਕਸੈਲੇਰੋਮੀਟਰ ਨਿਰਧਾਰਤ ਹਿਲਜੁਲ ਨੂੰ ਪਛਾਣ ਕੇ ਐਸਓਐਸ ਸੰਕੇਤ ਸਰਗਰਮ ਕਰਦਾ ਹੈ, ਜਿਸ ਤੋਂ ਬਾਅਦ ਇਹ ਸੰਕੇਤ ਨਿਰਧਾਰਤ ਐਮਰਜੈਂਸੀ ਪ੍ਰਤੀਕਿਰਿਆ ਪ੍ਰਣਾਲੀ ਤੱਕ ਭੇਜਿਆ ਜਾ ਸਕਦਾ ਹੈ । ਇਸ ਨਵੀਨਤਾ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਸ ਦਾ ਗੁਪਤ ਅਤੇ ਵਰਤੋਂਕਾਰ-ਅਨੁਕੂਲ ਡਿਜ਼ਾਈਨ ਹੈ। ਇਲੈਕਟ੍ਰਾਨਿਕ ਉਪਕਰਨਾਂ ਨੂੰ ਜੁੱਤਿਆਂ ਦੇ ਅੰਦਰ ਇਸ ਤਰ੍ਹਾਂ ਲਗਾਇਆ ਗਿਆ ਹੈ ਕਿ ਕੋਈ ਦਿਖਾਈ ਦੇਣ ਵਾਲੀਆਂ ਤਾਰਾਂ, ਸਰਕਟ ਜਾਂ ਭਾਰੀ ਉਪਕਰਨ ਨਜ਼ਰ ਨਹੀਂ ਆਉਂਦੇ। ਇਸ ਪ੍ਰਣਾਲੀ ਵਿੱਚ ਮੁੜ ਚਾਰਜ ਹੋਣ ਵਾਲੇ ਇਲੈਕਟ੍ਰਾਨਿਕ ਉਪਕਰਨ ਵੀ ਸ਼ਾਮਿਲ ਹਨ, ਜਿਸ ਨਾਲ ਅੰਦਰਲੇ ਉਪਕਰਨਾਂ ਨੂੰ ਵਾਰ-ਵਾਰ ਬਦਲਣ ਦੀ ਲੋੜ ਨਹੀਂ ਪੈਂਦੀ ਅਤੇ ਜੁੱਤਿਆਂ ਦੀ ਮੁੜ ਵਰਤੋਂ ਕੀਤੀ ਜਾ ਸਕਦੀ ਹੈ। ਡਾ. ਹਰਮੀਤ ਸਿੰਘ ਨੇ ਕਿਹਾ, “ਅਸੀਂ ਜੁੱਤਿਆਂ ਵਿੱਚ ਇੱਕ ਐਕਸੈਲੇਰੋਮੀਟਰ ਲਗਾਇਆ ਹੈ, ਜੋ ਇੱਕ ਖਾਸ ਪਹਿਲਾਂ ਤੋਂ ਨਿਰਧਾਰਤ ਹਿਲਜੁਲ ਨੂੰ ਪਛਾਣਦਾ ਹੈ ਅਤੇ ਐਮਰਜੈਂਸੀ ਦੀ ਸਥਿਤੀ ਵਿੱਚ ਐਸਓਐਸ ਸੰਕੇਤ ਸਰਗਰਮ ਕਰਦਾ ਹੈ । ਪ੍ਰੋ-ਚਾਂਸਲਰ ਡਾ. ਮਨਬੀਤ ਸਿੰਘ ਨੇ ਕਿਹਾ, “ਸੀ.ਟੀ. ਯੂਨੀਵਰਸਿਟੀ ਵਿੱਚ ਸਾਡਾ ਮੰਨਣਾ ਹੈ ਕਿ ਅਰਥਪੂਰਨ ਨਵੀਨਤਾ ਉਹ ਹੈ ਜੋ ਅਸਲ ਜ਼ਿੰਦਗੀ ਦੀਆਂ ਚੁਣੌਤੀਆਂ ਦਾ ਹੱਲ ਪੇਸ਼ ਕਰੇ। ਵਾਈਸ ਚਾਂਸਲਰ ਡਾ. ਨਿਤਿਨ ਟੰਡਨ ਨੇ ਕਿਹਾ ਕਿ ਇਸ ਤਕਨਾਲੋਜੀ ਦੇ ਹੋਰ ਵਿਕਸਤ ਹੋਣ ਦੀਆਂ ਸੰਭਾਵਨਾਵਾਂ ਨੂੰ ਲੈ ਕੇ ਉਤਸ਼ਾਹਿਤ ਹਾਂ । ਇਹ ਜੁੱਤੇ ਰੋਬੋਟਿਕਸ ਟੀਮ ਦੇ ਇੰਜੀਨੀਅਰ ਪੁਲਕਿਤ ਸਾਂਗਰ, ਇੰਜੀਨੀਅਰ ਧਰਮਪ੍ਰੀਤ ਸਿੰਘ ਅਤੇ ਸ੍ਰੀ ਗੁਰਕੀਰਤ ਸਿੰਘ ਵੱਲੋਂ ਤਿਆਰ ਅਤੇ ਟੈਸਟ ਕੀਤੇ ਗਏ।

ਪਿਛਲੀ ਖ਼ਬਰ ਜਵੱਦੀ ਪੁਲ ਨੇੜੇ ਪੰਚਮ ਹਸਪਤਾਲ ਦੇ ਬਾਹਰ ਕਬਜ਼ਿਆਂ ਤੇ ਪਾਰਕਿੰਗ ਪ੍ਰਬੰਧ ’ਤੇ ਉੱਠੇ ਸਵਾਲ ਸੜਕ ਕਿਨਾਰੇ ਖੜ੍ਹੀਆਂ ਗੱਡੀਆਂ... ਅਗਲੀ ਖ਼ਬਰ ਧਾਗਾ ਮਜ਼ਦੂਰ ਯੂਨੀਅਨ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਵਾਉਣ ਲਈ ਬੀ. ਕੇ. ਯੂ. ਚੜੂਨੀ ਕਰੇਗੀ ਸਹਿਯੋਗ-ਸਾਗਰ/ਅਰੋੜਾ

ਸੀ.ਟੀ. ਯੂਨੀਵਰਸਿਟੀ ਵਲੋਂ ਐਮਰਜੈਂਸੀ ਚਿਤਾਵਨੀ ਤਕਨਾਲੋਜੀ ਨਾਲ ਲੈਸ ਸਮਾਰਟ ਸੁਰੱਖਿਆ ਜੁੱਤੇ ਤਿਆਰ

ਸੰਬੰਧਿਤ ਖ਼ਬਰਾਂ