ਅਜੀਤ, ਜਲੰਧਰ
ਪੀ.ਏ.ਯੂ. ਵੱਲੋਂ ਪ੍ਰਾਇਮਰੀ ਡਾਟਾ ਬਾਰੇ ਖੋਜਾਰਥੀਆਂ ਲਈ ਇਕ ਰੋਜ਼ਾ ਵਰਕਸ਼ਾਪ
ਲੁਧਿਆਣਾ, 18 ਅਗਸਤ (ਜਸਵਿੰਦਰ ਸਿੰਘ)-ਬੀਤੇ ਦਿਨੀਂ ਪੀ. ਏ.
ਲੁਧਿਆਣਾ, 18 ਅਗਸਤ (ਜਸਵਿੰਦਰ ਸਿੰਘ)-ਬੀਤੇ ਦਿਨੀਂ ਪੀ.ਏ.ਯੂ. ਦੇ ਇਕਨਾਮਿਕਸ ਅਤੇ ਸ਼ੋਸ਼ਆਲੋਜੀ ਵਿਭਾਗ ਨੇ ਖੋਜਾਰਥੀਆਂ ਦੇ ਲਾਭ ਲਈ ਪ੍ਰਾਇਮਰੀ ਡਾਟਾ ਦੀ ਸ਼ਕਤੀ ਬਾਰੇ ਇਕ ਰੋਜ਼ਾ ਵਰਕਸ਼ਾਪ ਦਾ ਆਯੋਜਨ ਕੀਤਾ| ਪੀ ਐੱਚ ਡੀ ਅਤੇ ਐੱਮ ਐੱਸ ਸੀ ਦੇ 27 ਵਿਦਿਆਰਥੀ ਇਸ ਵਰਕਸ਼ਾਪ ਵਿਚ ਸ਼ਾਮਿਲ ਹੋਏ ਅਤੇ ਉਹਨਾਂ ਨੇ ਮੁੱਢਲੇ ਅੰਕੜਿਆਂ ਦੇ ਇਕੱਤਰੀਕਰਨ ਅਤੇ ਖੇਤਰ ਅਧਾਰਿਤ ਖੋਜ ਬਾਰੇ ਨੁਕਤੇ ਹਾਸਲ ਕੀਤੇ| ਇਸ ਵਰਕਸ਼ਾਪ ਵਿਚ ਮੁੱਖ ਵਕਤਿਆਂ ਵਜੋਂ ਪਸਾਰ ਸਿੱਖਿਆ ਵਿਭਾਗ ਦੇ ਮਾਹਿਰ ਡਾ. ਮਨਮੀਤ ਕੌਰ ਅਤੇ ਡਾ. ਲਖਵਿੰਦਰ ਕੌਰ ਸ਼ਾਮਿਲ ਹੋਏ| ਸ਼ੋਸ਼ਆਲੋਜੀ ਦੇ ਸਹਾਇਕ ਪ੍ਰੋਫੈਸਰ ਡਾ. ਗਗਨਦੀਪ ਕੌਰ ਨੇ ਵੀ ਡਾਟਾ ਇਕੱਤ੍ਰੀਕਰਨ ਦੀਆਂ ਮੁਸ਼ਕਿਲਾਂ ਬਾਰੇ ਗੱਲ ਕੀਤੀ| ਸਮਾਰੋਹ ਦੇ ਆਰੰਭ ਵਿਚ ਵਿਭਾਗ ਦੇ ਮੁਖੀ ਡਾ. ਜਤਿੰਦਰਮੋਹਨ ਸਿੰਘ ਨੇ ਵਿਦਿਆਰਥੀਆਂ ਅਤੇ ਵਕਤਿਆਂ ਦਾ ਸਵਾਗਤ ਕੀਤਾ| ਇਸ ਵਰਕਸ਼ਾਪ ਦੇ ਹਿੱਸੇ ਵਜੋਂ ਵਿਦਿਆਰਥੀਆਂ ਨੇ ਜਗਰਾਓਂ ਨੇੜਲੇ ਪਿੰਡ ਬੁਜ਼ਗਰ ਦਾ ਦੌਰਾ ਕੀਤਾ| ਉੱਥੇ ਵਿਦਿਆਰਥੀਆਂ ਨੇ ਕਿਸਾਨਾਂ ਨਾਲ ਮੁਲਾਕਾਤ ਕਰਕੇ ਮੁੱਢਲਾ ਡਾਟਾ ਹਾਸਲ ਕੀਤਾ| ਡਾ. ਸੰਨੀ ਕੁਮਾਰ, ਡਾ. ਅਮਿਤ ਗੁਲੇਰੀਆ ਅਤੇ ਡਾ. ਪ੍ਰਿਆ ਬਰਾਤਾ ਭੋਈ ਨੇ ਇਸ ਡਾਟਾ ਇਕੱਤਰੀਕਰਨ ਦੇ ਗੁਰ ਦੱਸੇ| ਵਰਕਸ਼ਾਪ ਦੌਰਾਨ ਡਾ. ਸੰਗੀਤ ਰੰਗੂਵਾਲ ਅਤੇ ਡਾ. ਹਰਸਿਮਰਤ ਕੌਰ ਮਾਵੀ ਨੇ ਵੱਖ-ਵੱਖ ਵਿਧੀਆਂ ਰਾਹੀਂ ਡਾਟਾ ਇਕੱਤਰੀਕਰਨ ਅਤੇ ਉਸਦੀ ਵਰਤੋਂ ਦੀ ਜਾਣਕਾਰੀ ਦਿੱਤੀ| ਇਹ ਵਰਕਸ਼ਾਪ ਵਿਦਿਆਰਥੀਆਂ ਲਈ ਲਾਹੇਵੰਦ ਸਾਬਤ ਹੋਈ|
