ਬਹੋੜੂ ਵਿਖੇ ਤੀਆਂ ਦਾ ਤਿਉਹਾਰ ਮਨਾਇਆ
ਚੱਬਾ, 5 ਅਗਸਤ (ਜੱਸਾ ਅਨਜਾਣ)- ਅੰਮ੍ਰਿਤਸਰ-ਝਬਾਲ ਰੋਡ ਅੱਡਾ ਬਹੋੜੂ ਪੁਲ ਦੇ ਨਜ਼ਦੀਕ ਐੱਮ. ਬੀ.
ਚੱਬਾ, 5 ਅਗਸਤ (ਜੱਸਾ ਅਨਜਾਣ)- ਅੰਮ੍ਰਿਤਸਰ-ਝਬਾਲ ਰੋਡ ਅੱਡਾ ਬਹੋੜੂ ਪੁਲ ਦੇ ਨਜ਼ਦੀਕ ਐੱਮ. ਬੀ. ਫਾਰਮ ਵਿਖੇ ਤੀਆਂ ਦਾ ਤਿਉਹਾਰ ਪਿੰਡ ਬਹੋੜੂ ਅਤੇ ਲਾਗਲੇ ਪਿੰਡਾਂ ਦੀਆਂ ਮੁਟਿਆਰਾਂ ਅਤੇ ਮਹਿਲਾਵਾਂ ਵਲੋਂ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਤੀਆਂ ਦੇ ਮੌਕੇ ਐੱਮ. ਬੀ. ਫਾਰਮ ਦੇ ਵਿਹੜੇ ਨੂੰ ਪੰਜਾਬੀ ਵਿਰਸੇ ਅਤੇ ਸੱਭਿਆਚਾਰ ਨੂੰ ਦਰਸਾਉਂਦੀਆਂ ਰੰਗ ਬਿਰੰਗੀਆਂ ਚੁੰਨੀਆਂ -ਪੱਖੀਆਂ ਦੀਆਂ ਸਜਾਵਟਾਂ ਨਾਲ ਸਜਾਇਆ ਗਿਆ ਤੇ ਤੀਆਂ ਦੀ ਸ਼ੁਰੂਆਤ ਮੁਟਿਆਰਾਂ ਵਲੋਂ ਸਾਉਣ ਮਹੀਨੇ ਨਾਲ ਸੰਬੰਧਿਤ ਬੋਲੀਆਂ ਨਾਲ ਕੀਤੀ ਗਈ। ਮੁਟਿਆਰਾਂ ਵਲੋਂ ਪਾਏ ਗਏ ਗਿੱਧੇ ਨੇ ਛੋਟੀਆਂ ਬੱਚੀਆਂ ਦੇ ਦਿਲਾਂ ‘ਚ ਉਤਸ਼ਾਹ ਭਰਿਆ ਤੇ ਤੀਆਂ ਤੀਜ ਦੀਆਂ ਵਰ੍ਹੇ ਪਿੱਛੋਂ ਨੇ ਫੇਰ ਬੋਲੀ ਪਾ ਕੇ ਤੀਆਂ ਦੀਆਂ ਅਮਿੱਟ ਯਾਦਾਂ ਛੱਡੀਆਂ । ਇਸ ਮੌਕੇ ਕੰਵਲਜੀਤ ਕੌਰ ਬਹੋੜੂ ਨੇ ਕਿਹਾ ਕਿ ਤੀਆਂ ਦਾ ਤਿਉਹਾਰ ਪੰਜਾਬੀ ਸਭਿਆਚਾਰਕ ਨੂੰ ਅੱਗੇ ਵਧਾਉਣ ਅਤੇ ਆਪਸੀ ਭਾਈਚਾਰਕ ਸਾਂਝ ਨੂੰ ਬਣਾਈ ਰੱਖਣ ਲਈ ਪ੍ਰੇਰਿਤ ਕਰਦਾ ਹੈ । ਇਸ ਮੌਕੇ ਸੁਖਦੀਪ ਕੌਰ, ਬਲਜਿੰਦਰ ਕੌਰ, ਨਵਤੇਜਪਾਲ ਕੌਰ, ਗੁਰਮੀਤ ਕੌਰ, ਰਾਜਵਿੰਦਰ ਕੌਰ, ਸ਼ਰਨਜੀਤ ਕੌਰ, ਸਿਮਰਨ ਕੌਰ, ਦਮਨਪ੍ਰੀਤ ਕੌਰ, ਹੁਸਨਪ੍ਰੀਤ ਕੌਰ,ਚਾਹਤ ਪ੍ਰੀਤ ਕੌਰ, ਪ੍ਰਵੀਨ ਕੌਰ ਤੇ ਵੱਡੀ ਗਿਣਤੀ ’ਚ ਬੱਚੀਆਂ ਅਤੇ ਮੁਟਿਆਰਾਂ ਹਾਜ਼ਰ ਸਨ।
